ఏనుగుల సంరక్షణకు వివిధ శాఖల అధికారులు కృషి చేయాలి: జిల్లా కలెక్టర్

ఏనుగుల సంరక్షణకు వివిధ శాఖల  అధికారులు కృషి చేయాలి

ప్రతి 2 నెలకు ఒకసారి జిల్లా కలెక్టర్ అధ్యక్షతన సమీక్ష సమావేశాలు నిర్వహించాలి

ప్రిన్సిపాల్ చీఫ్ కన్జర్వేటర్ రాహుల్ పాండే

ఏనుగుల సంరక్షణతో పాటు ప్రజల భద్రతను దృష్టిలో ఉంచుకుని అన్ని శాఖలు సమన్వయంతో పనిచేసి విద్యుదాఘాత ప్రమాదాలను పూర్తిగా నివారించవచ్చు

- జిల్లా కలెక్టర్ సుమిత్ కుమార్

చిత్తూరు ఫస్ట్ న్యూస్ 4 యు అక్టోబర్ 30:

ఏనుగుల సంరక్షణ వివిధ శాఖల  అధికారులు కృషి చేయాలి అని

ప్రిన్సిపాల్ చీఫ్ కన్జర్వేటర్ రాహుల్ పాండే పేర్కొన్నారు. శుక్రవారం స్థానిక కలెక్టరేట్లోని నాగార్జున ఐఏఎస్ వీడియో కాన్ఫరెన్స్ హాలు నుండి చిత్తూరు జిల్లాలో ఏనుగుల విద్యుదాఘాత మరణాలను నివారించేందుకు జిల్లా కలెక్టర్ అధ్యక్షతన అటవీ, విద్యుత్, వ్యవసాయ, ఉద్యానవన శాఖల అధికారులతో సమీక్ష నిర్వహించారు. ఈ కార్యక్రమంలో కన్జర్వేషన్ ఆఫ్ ఫారెస్ట్ C సెల్వం, జాయింట్ కలెక్టర్ ఆదర్శ్ రాజేంద్రన్, DFOసుబ్బరాజు, తదితరులు పాల్గొన్నారు సందర్భంగా

ప్రిన్సిపాల్ చీఫ్ కన్జర్వేటర్ రాహుల్ పాండే మాట్లాడుతూచిత్తూరు డివిజన్‌లో విద్యుత్ ఘాతాల వల్ల ఏనుగుల మరణాలను నివారించడానికి సమగ్ర యాక్షన్ ప్లాన్ సిద్ధం చేయాలన తెలిపారు.ఏనుగులు మరణాలకు ప్రధాన కారణాలుఅటవీ ప్రాంతాలు మరియు వ్యవసాయ పొలాల సమీపంలో వంగిపోయిన విద్యుత్ తీగలు (Low-hanging lines). పేర్కొన్నారు 31.3.27 సంవత్సరం నాటికి ఎక్కడ కూడా వంగిపోయిన విద్యుత్ స్తంభాల ఉండకూడదని తెలిపారు.

జిల్లా కలెక్టర్ మాట్లాడుతూ  

తక్కువ ఎత్తులో ఉన్న విద్యుత్ లైన్లను ఎత్తు పెంచడం/ఇన్సులేట్ చేయడం, 150 అత్యంత ప్రమాదకర ప్రాంతాలను ప్రాధాన్యతతో సరిచేయడం, ట్రాన్స్‌ఫార్మర్లకు రక్షణ కంచెలు ఏర్పాటు చేయడం, అక్రమ విద్యుత్ కనెక్షన్లను తనిఖీ చేసి చట్టపరమైన చర్యలు తీసుకోవడం.

అటవీ మరియు విద్యుత్ శాఖల సిబ్బంది సంయుక్తంగా వారానికి ఒకసారి క్షేత్రస్థాయి తనిఖీలు చేపట్టడం.రైతులకు అక్రమ విద్యుత్ కనెక్షన్ల వల్ల కలిగే ప్రమాదాలు, చట్టపరమైన పరిణామాలపై అవగాహన కల్పించడం మరియు అటవీ శాఖ చేపడుతున్న ఏనుగుల సంరక్షణ చర్యలకు సహకరించడం.అటవీ, విద్యుత్, వ్యవసాయ, ఉద్యానవన మరియు రెవెన్యూ శాఖలు సమన్వయంతో పనిచేస్తేనే ఏనుగుల ప్రాణాలను రక్షించవచ్చని, ప్రతి 2 నెలలకు ఒకసారి జిల్లా కలెక్టర్ ఆధ్వర్యంలో దీనిపై సమీక్ష నిర్వహిస్తామని ఈ సమావేశంలో స్పష్టం చేశారు.ఏనుగుల సంరక్షణతో పాటు ప్రజల భద్రతను దృష్టిలో ఉంచుకుని అన్ని శాఖలు సమన్వయంతో పనిచేసి విద్యుదాఘాత ప్రమాదాలను పూర్తిగా నివారించవచ్చునని తెలిపారు, ఈ కార్యక్రమంలో వ్యవసాయ అనుబంధ రంగాల అధికారులు, ఫారెస్ట్ ఆఫీసర్లు, విద్యుత్ శాఖ అధికారులు, కుప్పం రెస్కో ఇంజనీర్లు, ఇతర అధికారులు తదితరులు పాల్గొన్నారు

విద్యార్థులలో అభ్యసన సామర్ధ్యాన్ని పెంపొందించాలి - మండల విద్యాశాఖ అధికారి సెల్వరాజ్

 విద్యార్థులలో అభ్యసన సామర్ధ్యాన్ని   పెంపొందించాలి 

- మండల విద్యాశాఖ అధికారి సెల్వరాజ్ 

చిత్తూరు ఫస్ట్ న్యూస్ 4 యు:

విద్యార్థులలో అభ్యసన సామర్ధ్యాన్ని   పెంపొందించాలని చిత్తూరు మండల విద్యాశాఖ అధికారి సెల్వరాజ్ అన్నారు. గురువారం గంగా కాలనీలోని MPPS పాఠశాలను ఆయన సందర్శించారు.5 వ తరగతి విద్యార్థులలో ఇంగ్లీష్ రీడింగ్ స్కిల్ , గణితము, తెలుగు వంటి సబ్జెక్టుల్లో విద్యార్థుల యొక్క అభ్యసన సామర్థ్యాన్ని పరిశీలించారు.  పలు ప్రశ్నలు వేసి వారి నుండి సమాధానాలు రాబెట్టారు. అనంతరం పాఠశాల భవనంను పరిశీలించి తుఫాను ప్రభావంతో విద్యార్థులకు ఎలాంటి అపాయం కలగకుండా తగిన జాగ్రత్తలు తీసుకోవాలని సూచించారు. మధ్యాహ్న భోజనాన్ని పరిశీలించి సంతృప్తిని వ్యక్తం చేశారు. మెనూ ప్రకారం రోజువారి మధ్యాహ్న భోజనాన్ని పిల్లలకు అందించాలని నాణ్యతను పాటించాలని సూచించారు. కార్యక్రమంలో ప్రధానోపాధ్యాయులు, ఉపాధ్యాయులు పాల్గొన్నారు

నవంబర్ 5వ తేదీన జడ్పిటిసి, ఎంపీటీసీ, ఎన్నికల నిర్వహించడం జరుగుతుంది : జిల్లా ఎన్నికల అధికారి

ఎన్నికలు ప్రశాంతంగా నిర్వహించాలి

బ్యాలెట్  పేపర్లను జాగ్రత్తగా పరిశీలించాలి

కౌంటింగ్ అరేంజ్మెంట్స్ క్షేత్రస్థాయిలో పరిశీలించుకోవాలి

రిటర్నింగ్ అధికారులు, ఎంపీడీవోలు, జడ్పిటిసి మరియు ఎంపీటీసీ ఎన్నికలలో ఎన్నికల కమిషన్ సూచనల మేరకే మీ విధులు నిర్వర్తించాలి

నవంబర్ మూడో తేదీ లోపు పోలింగ్ సంబంధించిన మెటీరియల్ అన్నియు సిద్ధం చేసుకోవాలి

నవంబర్ 5వ తేదీన జడ్పిటిసి, ఎంపీటీసీ, ఎన్నికల నిర్వహించడం జరుగుతుంది

జిల్లా ఎన్నికల అధికారి మరియు జిల్లా కలెక్టర్ సుమిత్ కుమార్

చిత్తూరు ఫస్ట్ న్యూస్ 4 యు అక్టోబర్ 29:

రిటర్నింగ్ అధికారులు, ఎంపీడీవోలు, జడ్పిటిసి మరియు ఎంపీటీసీ ఎన్నికలలో ఎన్నికల కమిషన్ సూచనల మేరకే మీ విధులు నిర్వర్తించాలి అని జిల్లా ఎన్నికల అధికారి మరియు జిల్లా కలెక్టర్ సుమిత్ కుమార్ పేర్కొన్నారు. గురువారం స్థానిక జడ్పీ కార్యాలయంలోని సమావేశం మందిరంలో  ZPTC/MPTC ఎన్నికలకు  సంబంధించిన RO, లతో  ఇతర అధికారులకు ఎన్నికల వేళ అనుసరించాల్సిన తీరు, విధులపై శిక్షణ కార్యక్రమం నిర్వహించారు. ఈ కార్యక్రమంలో 

జాయింట్ కలెక్టర్ ఆదర్శ రాజేంద్రన్,

డిఆర్ఓ కే మోహన్ కుమార్, ట్రైనింగ్ కలెక్టర్ వెంకటేష్,ZP CEO రవికుమార్ నాయుడు, ఎంపీడీవోలు, ARO  తదితరులు పాల్గొన్నారు. ఈ సందర్భంగా జిల్లా కలెక్టర్ మాట్లాడుతూ

 కౌంటింగ్ ప్రక్రియకు సంబంధించి కౌంటింగ్ సిబ్బంది నియామకం, శిక్షణ కార్యక్రమాలను పూర్తి చేసి, రిటర్నింగ్ అధికారులు (ROలు), అసిస్టెంట్ రిటర్నింగ్ అధికారులు (AROలు), కౌంటింగ్ సూపర్‌వైజర్లు, కౌంటింగ్ అసిస్టెంట్లు తదితర సిబ్బంది తమకు కేటాయించిన విధులపై పూర్తి అవగాహన కలిగి ఉండాలని సూచించారు. ప్రతి కౌంటింగ్ టేబుల్ వద్ద ఒక కౌంటింగ్ సూపర్‌వైజర్, ఒక కౌంటింగ్ అసిస్టెంట్‌ను నియమించి, కౌంటింగ్ ప్రక్రియ సజావుగా జరిగేలా చర్యలు తీసుకోవాలన్నారు.

ఎంపీటీసీ, జెడ్పీటీసీ ఎన్నికల కౌంటింగ్‌కు సంబంధించి మండలాల వారీగా కౌంటింగ్ గదులు, టేబుళ్లను ముందుగానే సిద్ధం చేయాలని, జెడ్పీటీసీ బ్యాలెట్ పేపర్లు తెలుపు రంగులో, ఎంపీటీసీ బ్యాలెట్ పేపర్లు గులాబీ రంగులో ఉండే విధంగా వాటిని గుర్తించి వేర్వేరుగా విభజించి సంబంధిత కౌంటింగ్ టేబుళ్లకు పంపిణీ చేయాలని తెలిపారు. ఎక్కువ పోలింగ్ కేంద్రాలు ఉన్న మండలాల్లో అవసరాన్ని బట్టి సమాంతర కౌంటింగ్ నిర్వహించి, ప్రతి రౌండ్ కౌంటింగ్ పూర్తయిన వెంటనే తదుపరి రౌండ్‌ను ప్రారంభించేలా ప్రణాళిక రూపొందించాలని ఆదేశించారు. అభ్యర్థులు, వారి అధీకృత కౌంటింగ్ ఏజెంట్ల సమక్షంలో పారదర్శకంగా కౌంటింగ్ నిర్వహించాలన్నారు.

ఎన్నికల విధుల్లో పాల్గొనే అర్హులైన ఉద్యోగులు, పోలీసు సిబ్బంది తదితరులు నిబంధనల ప్రకారం పోస్టల్ బ్యాలెట్ ద్వారా తమ ఓటు హక్కును వినియోగించుకునేందుకు అవసరమైన ఏర్పాట్లు చేయాలని కలెక్టర్ సూచించారు. పోస్టల్ బ్యాలెట్ ప్రక్రియను ఈ నెల 29, 30, 31 తేదీల్లో ఉదయం 9 గంటల నుంచి మధ్యాహ్నం 1 గంట వరకు, తిరిగి మధ్యాహ్నం 2 గంటల నుంచి సాయంత్రం 5 గంటల వరకు నిర్వహించేందుకు అవసరమైన చర్యలు చేపట్టాలన్నారు.

పోస్టల్ బ్యాలెట్ ముద్రణ పూర్తయిన వెంటనే పోటీ చేస్తున్న అభ్యర్థులు లేదా వారి అధీకృత ఏజెంట్ల సమక్షంలో బ్యాలెట్ పేపర్లను పరిశీలింపజేసి, ముద్రణ, నంబరింగ్ తదితర అంశాల్లో ఎలాంటి పొరపాట్లు లేకుండా నిర్ధారించుకోవాలని తెలిపారు. పోస్టల్ బ్యాలెట్ పోలింగ్ పూర్తయిన అనంతరం బ్యాలెట్ బాక్సులను నిర్దేశిత సురక్షిత గదిలో భద్రపరిచి, నిబంధనల ప్రకారం సీల్ వేయాలని, సీసీటీవీ నిఘా మరియు అవసరమైన భద్రతా ఏర్పాట్లు కల్పించాలని ఆదేశించారు.

అలాగే, ఎన్నికలకు ముందుగానే స్ట్రాంగ్ రూమ్‌లను పూర్తిస్థాయిలో సిద్ధం చేయాలని, బ్యాలెట్ బాక్సుల భద్రతకు పటిష్టమైన పోలీసు బందోబస్తు ఏర్పాటు చేయాలని కలెక్టర్ తెలిపారు. స్ట్రాంగ్ రూమ్‌ల వద్ద సీసీటీవీ కెమెరాలు, భద్రతా ఏర్పాట్లు, ప్రవేశ నియంత్రణ తదితర అంశాలను సంబంధిత అధికారులు తనిఖీ చేయాలన్నారు.

సాధారణ బ్యాలెట్ పేపర్ల ముద్రణను ఎన్నికల సంఘం నిర్దేశించిన నమూనా, మార్గదర్శకాలకు అనుగుణంగా నిర్ణీత గడువులో పూర్తి చేయాలని, ముద్రణ అనంతరం రిటర్నింగ్ అధికారులు, ఎంపీడీఓలు బ్యాలెట్ పేపర్లలో అభ్యర్థుల పేర్లు, ఎన్నికల గుర్తులు, నంబరింగ్ తదితర అంశాలను క్షుణ్ణంగా పరిశీలించాలని సూచించారు. ఎన్నికల సంఘం, న్యాయస్థానాల మార్గదర్శకాలను పాటిస్తూ ఓటర్లు ఎలాంటి ఇబ్బందులు లేకుండా తమ ఓటు హక్కును వినియోగించుకునేలా అన్ని ఏర్పాట్లు పూర్తి చేయాలని  అధికారులను ఆదేశించారు.

జాయింట్ కలెక్టర్ మాట్లాడుతూ ఆర్ఓ బ్యాలెట్ బాక్సుల తరలింపు, బ్యాలెట్ తరలింపు, పోలింగ్ మెటీరియల్ వినియోగం, సరిచూసుకోవడం, మాకోపోలింగ్, నియమాలు, ఏజెంట్ల విషయం లో నియమ నిబందనలను వివరించారు. ఈ కార్యక్రమంలో సంబంధిత అధికారులు, ఆర్వోలు, ఎంపీడీవోలు, తదితరులు పాల్గొన్నారు

పట్టణ స్థానిక సంస్థల ఎన్నికలకు పటిష్ట పోలీసు బందోబస్తు – చిత్తూరు జిల్లా ఎస్పీ శ్రీ తుషార్ డూడి,

*పట్టణ స్థానిక సంస్థల ఎన్నికలకు పటిష్ట పోలీసు బందోబస్తు – చిత్తూరు జిల్లా ఎస్పీ శ్రీ తుషార్ డూడి

*నవంబర్ 1న పోలింగ్, నవంబర్ 3న ఓట్ల లెక్కింపు – ప్రశాంత వాతావరణంలో ఎన్నికల నిర్వహణకు సమగ్ర ఏర్పాట్లు.*

 *ఎన్నికల విధుల్లో 1,500 మందికి పైగా పోలీసు సిబ్బంది – సున్నిత, అతి సున్నిత కేంద్రాల వద్ద అదనపు భద్రత.*

*ఎన్నికల అక్రమాలు, ఓటర్లను ప్రలోభపెట్టడం, బెదిరింపులకు పాల్పడితే కఠిన చర్యలు.*

-జిల్లా ఎస్పీ శ్రీ తుషార్ డూడి

చిత్తూరు ఫస్ట్ న్యూస్ 4 యు: 

చిత్తూరు నగరపాలక సంస్థతో పాటు పలమనేరు, కుప్పం, నగరి పురపాలక సంఘాలకు 01-11-2026న పోలింగ్, 03-11-2026న ఓట్ల లెక్కింపు జరగనున్న నేపథ్యంలో ఎన్నికలను స్వేచ్ఛగా, నిష్పక్షపాతంగా, ప్రశాంత వాతావరణంలో నిర్వహించేందుకు జిల్లా పోలీసు శాఖ పటిష్ట బందోబస్తు ఏర్పాట్లు చేపట్టింది. జిల్లా ఎన్నికల అధికారి, రిటర్నింగ్ అధికారులతో సమన్వయం చేసుకుంటూ అన్ని చర్యలు తీసుకుంటున్నట్లు జిల్లా ఎస్పీ శ్రీ తుషార్ డూడి, ఐపీఎస్ గారు ఒక ప్రకటనలో తెలిపారు.

*నామినేషన్ల సమయంలో పటిష్ట భద్రత:*

- నామినేషన్ల స్వీకరణ, పరిశీలన, ఉపసంహరణ ప్రక్రియలను పటిష్ట పోలీసు బందోబస్తు మధ్య నిర్వహించామని ఎస్పీ గారు తెలిపారు. ఎంపీటీసీ, జెడ్పీటీసీ నామినేషన్ కేంద్రాల వద్ద స్పెషల్ పార్టీ, ఆర్మ్‌డ్ రిజర్వ్, ఏపీఎస్పీ బలగాలతో సహా 1,500 మందికి పైగా పోలీసు సిబ్బందిని నియమించామని, నామినేషన్ కేంద్రాల చుట్టూ 100 మీటర్ల పరిధిలో నిషేధాజ్ఞలు అమలు చేశామని వివరించారు. అభ్యర్థుల అభ్యర్థన మేరకు 178 మందికి పోలీసు ఎస్కార్ట్ కల్పించామని తెలిపారు.

*ఫిర్యాదులపై చట్టపరమైన చర్యలు:*

- ఎన్నికలకు సంబంధించి అందిన ప్రతి ఫిర్యాదుపై చట్టప్రకారం చర్యలు తీసుకుంటున్నామని ఎస్పీ గారు స్పష్టం చేశారు. నామినేషన్ల సమయంలో జరిగిన ఘటనలకు సంబంధించి ఇప్పటివరకు 16 కేసులు నమోదు చేసి, 49 మంది నిందితులను గుర్తించామని, కేసుల దర్యాప్తు కొనసాగుతోందని తెలిపారు. చట్టాన్ని ఉల్లంఘించే వారిపై పార్టీలు, హోదాలతో సంబంధం లేకుండా కఠిన చర్యలు తీసుకుంటామని హెచ్చరించారు.

*అల్లర్ల నివారణకు ముందస్తు చర్యలు:*

- *ఎన్నికల నేపథ్యంలో 457 భద్రతా ప్రొసీడింగ్స్ కేసుల్లో 1,434 మందిని బైండోవర్ చేశామని, BNSS సెక్షన్ 170 కింద ముందస్తు చర్యలు తీసుకోవడంతో పాటు 174 నాన్‌ బెయిలబుల్ వారెంట్లను అమలు చేశామని ఎస్పీ గారు తెలిపారు. జిల్లాలోని 559 లైసెన్సు ఆయుధాల్లో 520 ఆయుధాలను పోలీస్ స్టేషన్లలో డిపాజిట్ చేయగా, బ్యాంకుల భద్రతకు సంబంధించిన 39 ఆయుధాలకు నిబంధనల ప్రకారం మినహాయింపు ఇచ్చామని వివరించారు. రౌడీషీటర్లు, గతంలో ఎన్నికల అల్లర్లకు పాల్పడిన వ్యక్తులపై నిరంతరం నిఘా కొనసాగుతోందని పేర్కొన్నారు.*

- *అంతర్రాష్ట్ర చెక్‌పోస్టులు, పట్టణ ప్రాంతాల్లో 37 స్టాటిక్ సర్వైలెన్స్ బృందాలు వాహన తనిఖీలు నిర్వహిస్తున్నాయని, ఓటర్లను ప్రలోభపెట్టేందుకు తరలించే నగదు, మద్యం, ఇతర వస్తువులపై ప్రత్యేక నిఘా కొనసాగుతోందని తెలిపారు.*

*పోలింగ్, కౌంటింగ్ కేంద్రాల వద్ద పటిష్ట బందోబస్తు:*

- నాలుగు పట్టణ స్థానిక సంస్థల పరిధిలోని పోలింగ్ కేంద్రాలు, స్ట్రాంగ్ రూములు, కౌంటింగ్ కేంద్రాల వద్ద పటిష్ట భద్రతా ఏర్పాట్లు చేశామని ఎస్పీ గారు వెల్లడించారు. పోలింగ్ రోజున ఆర్మ్‌డ్ రిజర్వ్, ఏపీఎస్పీ, ఇతర కేటాయించిన సిబ్బందితో సహా 1,500 మందికి పైగా పోలీసు సిబ్బంది ఎన్నికల విధుల్లో పాల్గొంటారని తెలిపారు. అతి సున్నిత, సున్నిత పోలింగ్ కేంద్రాల వద్ద అదనపు బలగాలను మోహరిస్తామని, మొబైల్ పార్టీలు, స్ట్రైకింగ్ ఫోర్సులు నిరంతరం గస్తీ నిర్వహిస్తాయని చెప్పారు. స్ట్రాంగ్ రూములు, కౌంటింగ్ కేంద్రాల వద్ద 24 గంటల భద్రత కల్పిస్తామని స్పష్టం చేశారు.

*ప్రచార గడువు ముగిసిన తర్వాత ఎన్నికల నిబంధనలు తప్పనిసరిగా పాటించాలి:*

- పోలింగ్‌కు 48 గంటల ముందు ప్రచార గడువు ముగుస్తుందని ఎస్పీ గారు తెలిపారు. ప్రచార గడువు ముగిసిన తర్వాత బహిరంగ సభలు, ఊరేగింపులు, లౌడ్‌స్పీకర్ల వినియోగం, గుంపులుగా ప్రచారం నిర్వహించడం నిషేధమని పేర్కొన్నారు. సంబంధిత పురపాలక సంఘాల ఓటర్లు కాని రాజకీయ నాయకులు, కార్యకర్తలు ప్రచార గడువు ముగిసిన వెంటనే ఆయా పట్టణాల పరిధిని విడిచి వెళ్లాలని సూచించారు. పోలింగ్, కౌంటింగ్ కేంద్రాల పరిసరాల్లో అమలులో ఉన్న నిషేధాజ్ఞలను ప్రతి ఒక్కరూ తప్పనిసరిగా పాటించాలని తెలిపారు.

*ఎన్నికల అక్రమాలకు పాల్పడితే కఠిన చర్యలు:*

- ఓటర్లకు నగదు, మద్యం, ఇతర ప్రలోభాలు పంపిణీ చేయడం, ఓటర్లను బెదిరించడం, దొంగ ఓట్లు వేయడం, బూత్ ఆక్రమణకు పాల్పడడం, ఆయుధాలు తీసుకెళ్లడం, సామాజిక మాధ్యమాల్లో తప్పుడు లేదా రెచ్చగొట్టే సమాచారాన్ని ప్రచారం చేయడం చట్టరీత్యా నేరాలని ఎస్పీ గారు హెచ్చరించారు. ఇలాంటి చర్యలకు పాల్పడే వారిపై పార్టీలు, హోదాలతో సంబంధం లేకుండా కేసులు నమోదు చేసి కఠిన చర్యలు తీసుకుంటామని స్పష్టం చేశారు. ఓట్ల లెక్కింపు రోజున పోలీసుల అనుమతి లేకుండా విజయోత్సవ ర్యాలీలు, సంబరాలు నిర్వహించరాదని తెలిపారు.

*ఓటర్లు నిర్భయంగా తమ ఓటు హక్కును వినియోగించుకోవాలి:*

చిత్తూరు నగరపాలక సంస్థతో పాటు పలమనేరు, కుప్పం, నగరి పురపాలక సంఘాల పరిధిలోని ఓటర్లు ఎలాంటి భయాందోళనలకు గురికాకుండా పోలింగ్ కేంద్రాలకు వచ్చి స్వేచ్ఛగా తమ ఓటు హక్కును వినియోగించుకోవాలని జిల్లా ఎస్పీ శ్రీ తుషార్ డూడి, ఐపీఎస్ గారు విజ్ఞప్తి చేశారు. ఎన్నికలు ప్రశాంతంగా జరిగేందుకు అభ్యర్థులు, రాజకీయ పార్టీలు, ప్రజలు పోలీసులకు, ఎన్నికల సిబ్బందికి సహకరించాలని కోరారు.

ఎన్నికల సమయంలో బెదిరింపులు, ప్రలోభాలు లేదా శాంతిభద్రతలకు సంబంధించిన సమస్యలు ఎదురైతే జిల్లా పోలీసు కంట్రోల్ రూమ్ 9440900005 లేదా డయల్ 112కు సమాచారం అందించాలని సూచించారు. సమాచారం అందించిన వారి వివరాలను గోప్యంగా ఉంచుతామని తెలిపారు.

ఏపీడబ్ల్యూజేఎఫ్ అనుబంధ చిన్న పత్రికల యూనియన్ జిల్లా కమిటీ ఏకగ్రీవ ఎన్నిక

 ఏపీడబ్ల్యూజేఎఫ్ అనుబంధ చిన్న పత్రికల యూనియన్ జిల్లా కమిటీ ఏకగ్రీవ ఎన్నిక

అధ్యక్షుడిగా గందోడి హరిప్రసాద్, ప్రధాన కార్యదర్శిగా ప్రేమ్ చందు

చిత్తూరు ఫస్ట్ న్యూస్ 4 యు, అక్టోబర్ 28 

ఆంధ్రప్రదేశ్ వర్కింగ్ జర్నలిస్ట్స్ ఫెడరేషన్ (ఏపీడబ్ల్యూజేఎఫ్) జిల్లా కేంద్ర కార్యాలయంలో బుధవారం చిన్న దినపత్రికలు, మాసపత్రికల యూనియన్ జిల్లా కమిటీని ఏకగ్రీవంగా ఎన్నుకున్నారు. బుధవారం చిత్తూరు ఏపీడబ్ల్యూజేఎఫ్ కార్యాలయంలో చిన్న పత్రికల  సమావేశం నిర్వహించారు.  ఈ ఎన్నికల్లో అధ్యక్షుడిగా గందోడి హరిప్రసాద్, ప్రధాన కార్యదర్శిగా ప్రేమ్ చందు, కోశాధికారిగా నంబిక రాజ్ ఏకగ్రీవంగా ఎన్నికయ్యారు.

యూనియన్ ఉపాధ్యక్షులుగా సీకే రఘురామరాజు, సత్యం ప్రసాద్, హరికృష్ణ రెడ్డి ఎంపికయ్యారు. ప్రచార కార్యదర్శిగా పి. వినోద్ కుమార్, సంయుక్త కార్యదర్శులుగా రాజగోపాల్, ఈ. రఘురాం, లీలా కుమారులు ఏకగ్రీవంగా ఎన్నికయ్యారు.

చిన్న దినపత్రికలు, మాసపత్రికల జర్నలిస్టుల సమస్యల పరిష్కారం, వారి హక్కుల పరిరక్షణ, పత్రికల అభివృద్ధికి కృషి చేసే లక్ష్యంతో నూతన కమిటీ ఏర్పాటైంది. చిన్న పత్రికల యాజమాన్యాలు, జర్నలిస్టులు ఎదుర్కొంటున్న సమస్యలను సంబంధిత అధికారుల దృష్టికి తీసుకెళ్లి పరిష్కారానికి కృషి చేయాలని నూతన కమిటీ సభ్యులు ఆకాంక్షించారు.

ఏపీడబ్ల్యూజేఎఫ్ అనుబంధంగా చిన్న పత్రికల యూనియన్ ఏర్పాటుకు సహకరించిన రాష్ట్ర అధ్యక్షుడు పి. హుస్సేన్ ఖాన్‌కు చిత్తూరు జిల్లా నూతన కమిటీ సభ్యులు కృతజ్ఞతలు తెలిపారు. జర్నలిస్టుల సంక్షేమం, చిన్న పత్రికల మనుగడ, హక్కుల పరిరక్షణ కోసం సంఘటితంగా పనిచేస్తామని ఈ సందర్భంగా వారు పేర్కొన్నారు.

APWJF చిత్తూరు జిల్లా కార్యవర్గ సమావేశం

APWJF చిత్తూరు జిల్లా కార్యవర్గ సమావేశం 

చిత్తూరు ఫస్ట్ న్యూస్ 4 యు:

28/10/2027 న ఏపీడబ్ల్యూజేఎఫ్, ఏపీ బీజేఏ చిత్తూరు జిల్లా కార్యవర్గ సమావేశం చిత్తూరు లోని ఫెడరేషన్ కార్యాలయంలో ఏపీడబ్ల్యూజేఎఫ్ జిల్లా అధ్యక్షుడు బి ప్రకాష్ అధ్యక్షతన జరిగింది. ఈ సమావేశానికి ముఖ్యఅతిథిగా ఏపీడబ్ల్యూజేఎఫ్ రాయలసీమ జిల్లాల ఇన్చార్జి కరకుంట్ల జయరాజ్ హాజరయ్యారు. సమావేశంలో ముందుగా రాష్ట్ర కార్యవర్గ నిర్ణయాలను రాష్ట్ర నాయకులు  కవరుకుంట్ల జయరాజ్ సమావేశానికి వివరించారు. అజెండా ప్రకారం చర్చల్లో పలువురు జర్నలిస్టులు పాల్గొన్నారు. నీరజాక్షలు, ఏ కేశవులు, బాలసుబ్రమణ్యం, కృపానంద రెడ్డి, నాగరాజు, యాదవేందర్ రెడ్డి, దినేష్ కుమార్, హరి ప్రసాద్, కమలాపతి రెడ్డి, కృష్ణమూర్తి రెడ్డి, కుమార్, దిలీప్, సురేంద్ర నాథ్ రెడ్డి, ఉదయ్ కుమార్, వరదరాజులు, ఉమాశంకర్, తులసి ప్రసాద్ రెడ్డి, సత్యం ప్రసాద్, రాజగోపాల్ తదితరులు చర్చలో పాల్గొన్నారు. అనంతరం సమావేశం పలు తీర్మానాలను ఏకగ్రీవంగా ఆమోదించింది. 

1) రాష్ట్ర కౌన్సిల్, నేషనల్ కౌన్సిల్ ఎన్నికలకు ఆర్వోగా  బాలసుబ్రమణ్యం ను ఎన్నుకున్నారు. 

2) చిన్న పత్రికల సంఘానికి నూతన కార్యవర్గాన్ని ఏకగ్రీవంగా సమావేశం ఎన్నుకుంది. 

3) ప్రభుత్వం దాడుల కమిటీకి జీవో విడుదల చేస్తే జిల్లా కమిటీ సభ్యులుగా ఫెడరేషన్ నుండి ఏ కేశవులు, ఏపీ బిజె ఎ నుండి సి నీరజాక్షలు, చిన్న పత్రికల సంఘం నుండి దినేష్ కుమార్ లను సమావేశం సిఫారసు చేసింది. 

4) చిత్తూరు జిల్లా ఫెడరేషన్ కార్యాలయ నిర్వహణను చిత్తూరు నియోజకవర్గ కమిటీకి బాధ్యతలు అప్పగించింది. 

5) ఈనెల 30వ తేదీ లోపు సభ్యత్వ జాబితాను పూర్తి చేసి రాష్ట్ర కేంద్రానికి అందజేయాలని సమావేశం నిర్ణయించింది. 

6) ఏపీడబ్ల్యూజేఎఫ్ ప్రస్తుత ప్రధాన కార్యదర్శి సలీం ఉన్న నియోజకవర్గం పుంగనూరు అన్నమయ్య జిల్లాకి వెళ్లిపోవడం వల్ల ఆస్థానంలో మరొకరికి కార్యదర్శి బాధ్యతలు అప్పగించేందుకు మరోసారి జిల్లా కమిటీ సమావేశమై చర్చించాలని నిర్ణయించింది. 

6) నవంబర్ 5వ తేదీ ఏపీడబ్ల్యూజేఎఫ్ ఆవిర్భావ దినోత్సవాన్ని ఘనంగా నిర్వహించాలని సమావేశం నిర్ణయించింది. 

ఆర్డీవోలు, మున్సిపల్ కమిషనర్లు స్థానిక సంస్థల ఎన్నికల నిర్వహణలో సమన్యంతో పని చేయాలి

స్ట్రాంగ్ రూమ్‌లు , క్షేత్రస్థాయిలో సందర్శించాలి

ఆర్డీవోలు,  మున్సిపల్ కమిషనర్లు స్థానిక సంస్థల ఎన్నికల నిర్వహణలో సమన్యంతో పని చేయాలి

పోలింగ్ సిబ్బంది కేటాయింపు నుంచి ఎన్నికల సామగ్రి పంపిణీ వరకు పక్కా ప్రణాళికతో వ్యవహరించాలి

జిల్లా ఎన్నికల అధికారి మరియు జిల్లా కలెక్టర్ సుమిత్ కుమార్

సమయపాలన, సమన్వయంతో ఎన్నికల విధులను సమర్థవంతంగా నిర్వహించాలి: జిల్లా జాయింట్ కలెక్టర్ ఆదర్శ్ రాజేంద్రన్

చిత్తూరు ఫస్ట్ న్యూస్ 4 యు, అక్టోబర్ 28:

స్థానిక సంస్థల ఎన్నికల నిర్వహణలో భాగంగా పోలింగ్ సిబ్బంది కేటాయింపు, డిస్ట్రిబ్యూషన్ కేంద్రాలు, రిసెప్షన్ కేంద్రాల్లో ఏర్పాట్లు, ఎన్నికల సామగ్రి పంపిణీ తదితర అంశాలపై అధికారులు ముందస్తు ప్రణాళికతో వ్యవహరించాలని జిల్లా కలెక్టర్ సుమిత్ కుమార్ పేర్కొన్నారు. బుధవారం స్థానిక జడ్పీ కార్యాలయంలోని సమావేశం మందిరంలో ఆర్డీవోలతో, మున్సిపల్ కమిషనర్లతో, ఎన్నికల విధులలో  పాల్గొన్న సూపర్వైజర్లతో, కౌంటింగ్ కేంద్రాలలో, రిసెప్షన్ సెంటర్లో, కౌంటింగ్ సమయంలో రాష్ట్ర ఎన్నికల కమిషన్  జారీ చేసిన అంశాలపై సమీక్షించారు ఈ కార్యక్రమంలో జాయింట్ కలెక్టర్ ఆదర్శ రాజేంద్రన్ డిఆర్ఓ కే మోహన్ కుమార్ తదితరులు పాల్గొన్నారు ఈ సందర్భంగా జిల్లా కలెక్టర్ మాట్లాడుతూ

పోలింగ్ అధికారులు (PO), సహాయ పోలింగ్ అధికారులు (APO), ఇతర పోలింగ్ అధికారులు (OPO) నిర్ణీత సమయానికి డిస్ట్రిబ్యూషన్ కేంద్రాలకు చేరుకునేలా ముందుగానే సమాచారం అందించాలని కలెక్టర్ సూచించారు. విధులకు నియమితులైన సిబ్బంది ఉదయం 7.30 నుంచి 8 గంటలలోపు హాజరయ్యేలా చర్యలు తీసుకోవాలని, ఆలస్యంగా వచ్చే వారి కారణంగా ఎన్నికల సామగ్రి పంపిణీ, తదుపరి కార్యక్రమాలకు ఆటంకం కలగకుండా చూడాలన్నారు. విధులకు హాజరుకాని సిబ్బందిపై నిబంధనల ప్రకారం చర్యలు తీసుకోవాలని, అవసరమైన సందర్భాల్లో రిజర్వ్ సిబ్బందిని వినియోగించేలా ప్రత్యామ్నాయ ఏర్పాట్లు సిద్ధంగా ఉంచుకోవాలని తెలిపారు. ఈనెల 30, 31 తేదీ, నవంబర్ ఒకటో తేదీలలో మున్సిపల్ ఎన్నికలకు పారదర్శకంగా మీ విధులు నిర్వర్తించాలని ఆదేశించారు

స్ట్రాంగ్ రూమ్‌లలో బ్యాలెట్ బాక్సులను భద్రపరిచే సమయంలో ఎలాంటి గందరగోళం తలెత్తకుండా ఉండేందుకు, ముందుగానే స్ట్రాంగ్ రూమ్ నేలపై సంబంధిత ప్రాదేశిక నియోజకవర్గాల వారీగా పోలింగ్ కేంద్రాల నంబర్లను స్పష్టంగా గుర్తించాలి. తద్వారా పోలైన బ్యాలెట్ బాక్సులను, వాటికి సంబంధించిన ఎన్నికల పత్రాలను నిర్దేశించిన ప్రదేశాల్లో సులభంగా, ఖచ్చితంగా ఉంచవచ్చు. అలాగే ఓట్ల లెక్కింపు సమయంలో బ్యాలెట్ బాక్సులను క్రమబద్ధంగా తరలించడానికి వీలవుతుంది.  స్ట్రాంగ్ రూమ్‌ల వెలుపల సీసీ కెమెరాలను ఏర్పాటు చేయాలి. వాటి ద్వారా చిత్రీకరించిన వీడియో రికార్డింగ్‌లను భద్రంగా భద్రపరచాలి.

జిల్లా జాయింట్ కలెక్టర్ మాట్లాడుతూ, ఎన్నికల సామగ్రి పంపిణీ ప్రక్రియలో ప్రత్యేక కౌంటర్లు, సాధారణ కౌంటర్ల నిర్వహణపై అధికారులు ప్రత్యేక దృష్టి సారించాలని సూచించారు. బ్యాలెట్ పేపర్లు, పేపర్ సీల్స్, ఇతర ముఖ్యమైన ఎన్నికల సామగ్రిని సంబంధిత సిబ్బందికి సక్రమంగా అందజేసి, వాటి స్వీకరణకు అవసరమైన సంతకాలు తీసుకోవాలని తెలిపారు. కౌంటర్ల వారీగా బాధ్యతలు స్పష్టంగా కేటాయించి, ప్రతి వస్తువు నిర్ణీత సిబ్బందికి అందేలా పర్యవేక్షించాలని పేర్కొన్నారు.

బ్యాలెట్ బాక్సులను పంపిణీ చేసే ముందు వాటి పరిస్థితిని క్షుణ్ణంగా పరిశీలించాలని, ఏవైనా లోపాలు ఉన్నాయా అనే విషయాన్ని అక్కడికక్కడే నిర్ధారించుకోవాలని  సూచించారు. ప్రతి పోలింగ్ కేంద్రానికి కేటాయించిన ఓటర్ల సంఖ్య, పోలింగ్ సామర్థ్యాన్ని పరిగణనలోకి తీసుకొని తగిన సంఖ్యలో బ్యాలెట్ బాక్సులు, బ్యాలెట్ పేపర్లు అందజేయాలని తెలిపారు. పంపిణీ చేసిన సామగ్రిని సంబంధిత పోలింగ్ సిబ్బంది సమక్షంలో సరిచూసుకొని, ఎలాంటి పొరపాట్లకు అవకాశం లేకుండా జాగ్రత్తలు తీసుకోవాలన్నారు.

డిఆర్ఓ మాట్లాడుతూ ఎన్నికల సామగ్రి పంపిణీ, సిబ్బంది తరలింపు కార్యక్రమాలన్నీ ఈనెల 31వ తేదీన మధ్యాహ్నం 12 గంటలలోపు పూర్తి చేసేలా చర్యలు తీసుకోవాలని, పోలింగ్ సిబ్బంది మధ్యాహ్నం 3 గంటలలోపు తమకు కేటాయించిన పోలింగ్ కేంద్రాలకు చేరుకునేలా రవాణా ఏర్పాట్లను సమన్వయం చేసుకోవాలని సూచించారు. రిసెప్షన్ కేంద్రాల్లో సిబ్బంది రిపోర్టింగ్, సామగ్రి స్వీకరణ, వాహనాల కేటాయింపు, రూట్ అధికారుల సమన్వయం వంటి అంశాలను నిరంతరం పర్యవేక్షించాలని ఆదేశించారు.

ఎన్నికల నిర్వహణలో ప్రతి అధికారి తనకు అప్పగించిన బాధ్యతను సమర్థవంతంగా నిర్వర్తించాలని, సిబ్బంది కేటాయింపు నుంచి ఎన్నికల సామగ్రి పంపిణీ, పోలింగ్ కేంద్రాలకు తరలింపు వరకు అన్ని దశల్లో క్రమశిక్షణ, సమయపాలన పాటించాలని అధికారులు స్పష్టం చేశారు. ప్రజాస్వామ్య ఎన్నికల ప్రక్రియ సజావుగా, పారదర్శకంగా జరిగేలా అన్ని శాఖల అధికారులు పరస్పర సమన్వయంతో పనిచేయాలని సూచించారు. ఈ కార్యక్రమంలో ఆర్డీవోలు నగిరి అనుపమ, పలమనేర్ భవాని, చిత్తూరు శ్రీనివాసులు నాయుడు, మున్సిపల్ కమిషనర్ చిత్తూర్ నరసింహ ప్రసాద్, కుప్పం ఆర్డీవో తదితరులు పాల్గొన్నారు

నగరి సబ్ డివిజన్‌లో పోలింగ్ కేంద్రాలు, స్ట్రాంగ్ రూమ్‌లు, కౌంటింగ్ హాళ్లను పరిశీలించిన అడిషనల్ ఎస్పీ ఆపరేషన్స్ షాను.

నగరి సబ్ డివిజన్‌లో పోలింగ్ కేంద్రాలు, స్ట్రాంగ్ రూమ్‌లు, కౌంటింగ్ హాళ్లను పరిశీలించిన అడిషనల్ ఎస్పీ ఆపరేషన్స్  షాను.

చిత్తూరు ఫస్ట్ న్యూస్ 4 యు:

స్థానిక సంస్థల ఎన్నికల నేపథ్యంలో ఎన్నికల ప్రక్రియను ప్రశాంతంగా, స్వేచ్ఛగా, పారదర్శకంగా నిర్వహించేందుకు పటిష్టమైన భద్రతా ఏర్పాట్లు చేపట్టాలని జిల్లా ఎస్పీ  తుషార్ డూడి ఆదేశాల మేరకు అడిషనల్ ఎస్పీ ఆపరేషన్స్  ఎస్. షాను  నగరి సబ్ డివిజన్ పరిధిలోని పోలింగ్ కేంద్రాలు, స్ట్రాంగ్ రూమ్‌లు, కౌంటింగ్ హాళ్లను సందర్శించి భద్రతా ఏర్పాట్లను క్షేత్రస్థాయిలో పరిశీలించారు. ఈ తనిఖీల్లో నగరి సబ్ డివిజన్ డీఎస్పీ  చంద్రశేఖర్  పాల్గొన్నారు.

ఈ సందర్భంగా పోలింగ్ కేంద్రాలు, స్ట్రాంగ్ రూమ్‌లు, కౌంటింగ్ హాళ్ల వద్ద చేపట్టాల్సిన భద్రతా చర్యలు, సీసీటీవీ కెమెరాల ఏర్పాటు, నిరంతర పర్యవేక్షణ, సిబ్బంది విధుల నిర్వహణ తదితర అంశాలను పరిశీలించారు. ఎన్నికలకు సంబంధించి ఎలాంటి అవాంఛనీయ సంఘటనలు చోటుచేసుకోకుండా ముందస్తు జాగ్రత్తలు తీసుకోవాలని, విధుల్లో అప్రమత్తంగా ఉండాలని సంబంధిత పోలీసు అధికారులకు సూచించారు. ఈ సందర్భంగా అడిషనల్ ఎస్పీ ఆపరేషన్స్  ఎస్. షాను  మాట్లాడుతూ.. ఎన్నికల ప్రక్రియలో శాంతిభద్రతల పరిరక్షణకు పోలీసు శాఖ అత్యంత ప్రాధాన్యత ఇస్తోందని తెలిపారు. పోలింగ్ కేంద్రాలు, స్ట్రాంగ్ రూమ్‌లు, కౌంటింగ్ హాళ్ల వద్ద పటిష్టమైన భద్రతా ఏర్పాట్లు చేపట్టాలని, విధుల్లో ఉన్న ప్రతి పోలీసు అధికారి, సిబ్బంది బాధ్యతాయుతంగా వ్యవహరించాలని సూచించారు.

ఎన్నికల నియమావళిని కచ్చితంగా అమలు చేస్తూ, ఎలాంటి అవాంఛనీయ సంఘటనలకు తావులేకుండా ముందస్తు చర్యలు తీసుకోవాలని ఆదేశించారు. ఎన్నికల సమయంలో శాంతిభద్రతలకు విఘాతం కలిగించే చర్యలకు పాల్పడే వారిపై చట్ట ప్రకారం చర్యలు తీసుకుంటామని హెచ్చరించారు. ప్రజలు స్వేచ్ఛగా, నిర్భయంగా తమ ఓటు హక్కును వినియోగించుకునేలా పోలీసు శాఖ పూర్తి భద్రత కల్పిస్తుందని తెలిపారు.

ఎన్నికల విధుల్లో నిర్లక్ష్యానికి తావులేకుండా, సమన్వయంతో పనిచేస్తూ ఎన్నికల ప్రక్రియ ప్రశాంతంగా, సజావుగా జరిగేలా ప్రతి ఒక్కరూ కృషి చేయాలని ఆమె సూచించారు.

ఉత్తమ విద్యా బోధనే లక్ష్యం ...! - మండల విద్యాశాఖ అధికారి సెల్వరాజ్

 ఉత్తమ విద్యా బోధనే లక్ష్యం ...!

- మండల విద్యాశాఖ అధికారి సెల్వరాజ్ 

చిత్తూరు ఫస్ట్ న్యూస్ 4 యు: 

FA-2 మార్కులను ఆన్లైన్లో నమోదు చేయాలని చిత్తూరు మండల విద్యాశాఖ అధికారి సెల్వరాజ్ అన్నారు. మంగళవారం బాలాజీ నగర్ లోని MCPS పాఠశాలను ఆయన సందర్శించారు. 4వ తరగతి విద్యార్థుల ఇంగ్లీష్ రీడింగ్ స్కిల్స్, గణితము బేసిక్స్ ఇతర అంశాలలో విద్యార్థుల విద్య సామర్థ్యాన్ని పరీక్షించారు. వారిని పలు ప్రశ్నలు అడిగి సమాధానాన్ని రాబెట్టారు. ప్రభుత్వం అందిస్తున్న సంక్షేమ పథకాలను సద్వినియోగం చేసుకొని బాగా చదువుకోవాలని సూచించారు. ఉపాధ్యాయులు ఎప్పటికప్పుడు ఫార్మేటివ్ అసెస్మెంట్ మార్కులను ఆన్లైన్లో అప్డేట్ చేయాలన్నారు. విద్యార్థులలో విద్యా సామర్థ్యాన్ని పెంపొందించడానికి కృషి చేయాలని అన్నారు. ముఖ్యంగా గణితము, ఆంగ్లము, తెలుగు వంటి సబ్జెక్టులలో వారు పట్టు సాధించే విధంగా తర్ఫీదు ఇవ్వాలన్నారు. విద్యార్థులకు ఉత్తమ విద్యా బోధన చేయాలని, ఉత్తమ మార్కులు సాధించే విధంగా కృషి చేయాలన్నారు. కార్యక్రమంలో పాఠశాల ప్రధానోపాధ్యాయులు, ఉపాధ్యాయులు విద్యార్థులు పాల్గొన్నారు

చిత్తూరు 2 టౌన్ పోలీస్ స్టేషన్ పరిధిలోని లాడ్జిలను తనిఖీ చేసిన ఇన్‌స్పెక్టర్ మొహమ్మద్ హషం.

స్థానిక ఎన్నికల నేపథ్యంలో జిల్లా అంతటా లాడ్జిల్లో తనిఖీలు నిర్వహించిన జిల్లా పోలీసులు.

చిత్తూరు 2 టౌన్ పోలీస్ స్టేషన్ పరిధిలోని లాడ్జిలను తనిఖీ చేసిన ఇన్‌స్పెక్టర్  మొహమ్మద్ హషం.

చిత్తూరు ఫస్ట్ న్యూస్ 4 యు:

రానున్న స్థానిక సంస్థల ఎన్నికల దృష్ట్యా జిల్లా ఎస్పీ  తుషార్ డూడి, ఆదేశాల మేరకు చిత్తూరు జిల్లా వ్యాప్తంగా పోలీసులు లాడ్జిలు, హోటళ్లలో విస్తృతంగా తనిఖీలు నిర్వహించారు. ఎన్నికల సమయంలో ఎలాంటి అవాంఛనీయ సంఘటనలు చోటుచేసుకోకుండా, అక్రమ నగదు, మద్యం రవాణా, ఇతర చట్టవిరుద్ధ కార్యకలాపాలను అరికట్టేందుకు ఈ తనిఖీలు చేపట్టారు.

ఈ సందర్భంగా చిత్తూరు 2 టౌన్ పోలీస్ స్టేషన్ ఇన్‌స్పెక్టర్  మొహమ్మద్ హషం  తన పరిధిలోని లాడ్జిలను తనిఖీ చేసి, అక్కడ బస చేస్తున్న వ్యక్తుల వివరాలు, గుర్తింపు పత్రాలు, రిజిస్టర్లను క్షుణ్ణంగా పరిశీలించారు. లాడ్జి నిర్వాహకులు ప్రతి ఒక్కరి వివరాలను తప్పనిసరిగా నమోదు చేయాలని, అనుమానాస్పద వ్యక్తులు లేదా కదలికలు కనిపించిన వెంటనే పోలీసులకు సమాచారం అందించాలని సూచించారు. ఈ సందర్భంగా 2 టౌన్ ఇన్‌స్పెక్టర్  హషం  మాట్లాడుతూ రానున్న స్థానిక సంస్థల ఎన్నికలను ప్రశాంతంగా, పారదర్శకంగా నిర్వహించేందుకు పోలీసు శాఖ అన్ని ముందస్తు భద్రతా చర్యలు చేపడుతోందని తెలిపారు. ఎన్నికల సమయంలో శాంతిభద్రతలకు విఘాతం కలిగించే చర్యలకు పాల్పడినా, అక్రమ నగదు, మద్యం రవాణా చేసినా చట్టప్రకారం కఠిన చర్యలు తీసుకుంటామని హెచ్చరించారు. లాడ్జి నిర్వాహకులు నిబంధనలను తప్పనిసరిగా పాటిస్తూ, బస చేసే వ్యక్తుల పూర్తి వివరాలు, గుర్తింపు పత్రాలను నమోదు చేయాలని సూచించారు. అనుమానాస్పద వ్యక్తులు, అక్రమ కార్యకలాపాల గురించి సమాచారం ఉంటే వెంటనే పోలీసులకు తెలియజేసి ఎన్నికల ప్రశాంత నిర్వహణకు సహకరించాలని ప్రజలకు విజ్ఞప్తి చేశారు.

చిత్తూరు జిల్లాలో 27 జడ్పీటీసీ స్థానాలకు 162 మంది అభ్యర్థుల నామినేషన్లు చెల్లుబాటు

చిత్తూరు జిల్లాలో 27 జడ్పీటీసీ స్థానాలకు 162 మంది అభ్యర్థుల నామినేషన్లు చెల్లుబాటు

చిత్తూరు ఫస్ట్ న్యూస్ 4 యు అక్టోబర్, 26:

చిత్తూరు జిల్లాలో జడ్పీటీసీ ఎన్నికలకు సంబంధించి నామినేషన్ల పరిశీలన అనంతరం చెల్లుబాటైన అభ్యర్థుల వివరాలను జడ్పిటిసి RO  రవికుమార్ నాయుడు తెలిపారు, సోమవారం జడ్పీ కార్యాలయంలోని సమావేశ మందిరంలో ఈరోజు నిర్వహించిన నామినేషన్లు 

అభ్యంతరాల పరిష్కారం అమలలో భాగంగా

 జడ్పిటిసి నామినేషన్ ప్రక్రియ ఆర్ ఓ రవికుమార్ నాయుడు పరిశీలించారు ఆర్వో కింది ప్రకటన విడుదల చేశారు

 జిల్లాలో ఎన్నికలు జరగనున్న 27 జడ్పీటీసీ స్థానాలకు వివిధ రాజకీయ పార్టీలు, స్వతంత్ర అభ్యర్థులు కలిపి మొత్తం 162 మంది అభ్యర్థుల నామినేషన్లు చెల్లుబాటయ్యాయి.

MPTC 

చిత్తూరు జిల్లాలో ఎంపీటీసీ ఎన్నికలకు సంబంధించి నామినేషన్ల పరిశీలన అనంతరం చెల్లుబాటైన అభ్యర్థుల వివరాలను సంబంధిత మండల ఎన్నికల అధికారులు సోమవారం ఆయా  మండల ప్రధాన కార్యాలయాలలో

ఈరోజు నిర్వహించిననామినేషన్లు 

అభ్యంతరాల పరిష్కారం అమలలో భాగంగా

 ఎంపీటీసీ నామినేషన్ ప్రక్రియ సంబంధిత ఆర్వోలు పరిశీలించి క్రింది జాబితా విడుదల చేశారుజిల్లాలో 27 మండలాల్లో మొత్తం 370 ఎంపీటీసీ ప్రాదేశిక నియోజకవర్గాలకు 1,788 నామినేషన్లు దాఖలయ్యాయి  వీటిలో వివిధ రాజకీయ పార్టీలకు చెందిన అభ్యర్థులు, స్వతంత్ర అభ్యర్థులు కలిపి మొత్తం 297 నామినేషన్లను 

అభ్యంతరాల పరిష్కారం అమలలో భాగంగా ఈరోజు సంబంధిత అభ్యర్థులు నామినేషన్ ధ్రువపత్రాలనుఉపసంహరించు

కున్నారు. ఉపసంహరణల అనంతరం 1,491 నామినేషన్లు తుది జాబితా ఖరారు చేయాల్సి ఉన్న అభ్యర్థుల సంఖ్యగా నమోదయ్యాయి.

రేపటి రోజు తుది జాబితా ప్రకటించడం జరుగుతుంది

నెల 31వ తేదీలోగా మున్సిపల్, జెడ్పీటీసీ, ఎం పి టి సి ఎన్నికల కౌంటింగ్ కు సంబందించి స్థానిక చిత్తూరు లోని పి వి కె ఎన్ డిగ్రీ కళాశాలలో ఏర్పాటు చేసిన కౌంటింగ్ కేంద్రంలో అని ఏర్పాట్లు పూర్తి చేయాలి: జిల్లా జాయింట్ కలెక్టర్ ఆదర్శ్

ఈ  నెల 31వ తేదీలోగా  మున్సిపల్, జెడ్పీటీసీ, ఎం పి టి సి ఎన్నికల కౌంటింగ్ కు సంబందించి  స్థానిక చిత్తూరు లోని పి వి కె ఎన్ డిగ్రీ కళాశాలలో ఏర్పాటు చేసిన కౌంటింగ్ కేంద్రంలో అని ఏర్పాట్లు పూర్తి చేయాలి: జిల్లా జాయింట్ కలెక్టర్ ఆదర్శ్ రాజేంద్రన్* 

చిత్తూరు ఫస్ట్ న్యూస్ 4 యు: 

మున్సిపల్, జెడ్పీటీసీ/ఎం పి టి సి ఎన్నికలకు సంబంధించి స్థానిక చిత్తూరు లోని పి వి కె ఎన్ డిగ్రీ కళాశాలలో ఏర్పాటు చేసిన కౌంటింగ్ కేంద్రంలో అవసరమైన అన్ని ఏర్పాట్లను ఈ నెల 31వ తేదీలోగా పూర్తి చేయాలని జిల్లా జాయింట్ కలెక్టర్ సంబంధిత అధికారులను ఆదేశించారు.

ఆదివారం చిత్తూరు పట్టణంలోని పీవీకేఎన్ కళాశాలలో ఏర్పాటు చేసిన మున్సిపల్, జెడ్పీటీసీ/ఎం పి టి సి ఎన్నికల కౌంటింగ్ కేంద్రాన్ని చిత్తూరు మున్సిపల్ కమిషనర్ నరసింహ ప్రసాద్, చిత్తూరు ఆర్డీవోల శ్రీనివాసులతో కలిసి జిల్లా జాయింట్ కలెక్టర్ ఆదర్శ్ రాజేంద్రన్ పరిశీలించారు. ఈ సందర్భంగా కౌంటింగ్ కేంద్రంలో చేపట్టాల్సిన ఏర్పాట్లపై  పలు సూచనలు చేశారు.

కౌంటింగ్ ప్రక్రియ సజావుగా, పారదర్శకంగా నిర్వహించేందుకు అనువుగా కౌంటింగ్ హాళ్లు, గదులు, స్ట్రాంగ్ రూమ్‌ల వద్ద అవసరమైన ఏర్పాట్లను పరిశీలించి, లోటుపాట్లు లేకుండా చర్యలు తీసుకోవాలని సూచించారు. కౌంటింగ్ సిబ్బందికి భోజన సదుపాయం, తాగునీటి వసతి కల్పించడంతో పాటు, కేంద్రం వద్ద రిసెప్షన్, హెల్ప్ డెస్క్ ఏర్పాటు చేయాలని ఆదేశించారు.

స్ట్రాంగ్ రూమ్ నుంచి బ్యాలెట్ బాక్సులను కౌంటింగ్ హాళ్లకు తరలించే సమయంలో ఏ పోలింగ్ స్టేషన్‌కు సంబంధించిన బ్యాలెట్ బాక్సులను ఏ కౌంటింగ్ టేబుల్ వద్దకు పంపించాలనే విషయంలో స్పష్టమైన ప్రణాళిక రూపొందించాలని తెలిపారు. బ్యాలెట్ బాక్సుల పంపిణీ, తరలింపు ప్రక్రియలో ఎలాంటి గందరగోళానికి తావులేకుండా పకడ్బందీ చర్యలు తీసుకోవాలని సూచించారు.

కౌంటింగ్ కేంద్రాల్లో అవసరమైన మౌలిక సదుపాయాలు, సిబ్బందికి వసతులు, ఇతర ఏర్పాట్లన్నింటినీ నిర్దేశిత గడువులోగా పూర్తి చేసి, ఎన్నికల కౌంటింగ్‌కు సిద్ధంగా ఉంచాలని జిల్లా జాయింట్ కలెక్టర్ అధికారులను ఆదేశించారు.

చిత్తూరు:* 60 వార్డులకు గాను 51 వార్డులు ఏకగ్రీవం కాగా, 9 వార్డుల్లో పోటీ ఉంది.

*స్థానిక సంస్థల ఎన్నికలు అత్యంత పారదర్శకంగా, ప్రశాంతంగా నిర్వహించేందుకు పటిష్ట భద్రతా చర్యలు.*

ఎన్నికల నిబంధనలు ఉల్లంఘించినా, శాంతిభద్రతలకు విఘాతం కలిగించినా చట్ట ప్రకారం కఠిన చర్యలు తప్పవు

 – జిల్లా ఎస్పీ  తుషార్ డూడి 

చిత్తూరు ఫస్ట్ న్యూస్ 4 యు: 

చిత్తూరు జిల్లాలో స్థానిక సంస్థల ఎన్నికల నిర్వహణలో భాగంగా మున్సిపాలిటీల పరిధిలో నామినేషన్ల పరిశీలన ప్రక్రియ నేటితో పూర్తయింది. ఎన్నికల ప్రక్రియను పూర్తిగా పారదర్శకంగా, నిష్పక్షపాతంగా, ప్రశాంత వాతావరణంలో నిర్వహించేందుకు జిల్లా పోలీసు యంత్రాంగం పటిష్టమైన భద్రతా ఏర్పాట్లు చేపట్టింది.

*నాలుగు మున్సిపాలిటీల్లో ఎన్నికల గణాంకాలు:*

*చిత్తూరు:* 60 వార్డులకు గాను 51 వార్డులు ఏకగ్రీవం కాగా, 9 వార్డుల్లో పోటీ ఉంది.

*పలమనేరు:* 36 వార్డులకు గాను 6 వార్డులు ఏకగ్రీవం కాగా, 30 వార్డుల్లో పోటీ ఉంది.

*కుప్పం:* 32 వార్డులకు గాను 13 వార్డులు ఏకగ్రీవం కాగా, 19 వార్డుల్లో పోటీ ఉంది.

*నగరి:* 40 వార్డులకు గాను 4 వార్డులు ఏకగ్రీవం కాగా, 36 వార్డుల్లో పోటీ ఉంది.

జిల్లాలోని నాలుగు మున్సిపాలిటీల పరిధిలో మొత్తం *168 వార్డులకు గాను 74 వార్డులు ఏకగ్రీవం కాగా, 94 వార్డుల్లో పోటీ* నెలకొంది.

మేయర్/చైర్‌పర్సన్ స్థానాలకు సంబంధించి మొత్తం 4 స్థానాల్లో నగరి మున్సిపాలిటీ చైర్‌పర్సన్ స్థానం ఏకగ్రీవమైంది. మిగిలిన 3 స్థానాలకు పోటీ ఉంది.

*ఎన్నికల ప్రశాంతతకు భంగం కలిగించే వారిపై ప్రత్యేక నిఘా:*

ఎన్నికల సమయంలో ఎలాంటి అవాంఛనీయ సంఘటనలు చోటుచేసుకోకుండా ముందస్తు చర్యల్లో భాగంగా జిల్లావ్యాప్తంగా సమస్యాత్మక వ్యక్తులను గుర్తించి పోలీసు శాఖ పర్యవేక్షణ చేపట్టింది. నాలుగు మున్సిపాలిటీల పరిధిలో మొత్తం *349 మంది సమస్యాత్మక వ్యక్తులను గుర్తించగా, 109 మందిపై బైండోవర్ చర్యలు* చేపట్టారు.

చిత్తూరులో 122 మంది సమస్యాత్మక వ్యక్తులను గుర్తించి 48 మందిపై, పలమనేరులో 46 మందిని గుర్తించి 31 మందిపై, కుప్పంలో 159 మందిని గుర్తించి 15 మందిపై, నగరిలో 22 మందిని గుర్తించి 15 మందిపై బైండోవర్ చర్యలు చేపట్టారు.

*జిల్లా ఎస్పీ శ్రీ తుషార్ డూడి, IPS గారి హెచ్చరిక:*

ఎన్నికలు ప్రజాస్వామ్యానికి పునాది. ప్రతి ఓటరు ఎలాంటి భయం, ఒత్తిడి, ప్రలోభాలకు లోనుకాకుండా స్వేచ్ఛగా తన ఓటు హక్కును వినియోగించుకునే వాతావరణాన్ని కల్పించడం పోలీసు శాఖ బాధ్యత. ఈ లక్ష్య సాధనలో భాగంగా ఎన్నికల సమయంలో జిల్లా అంతటా పటిష్టమైన పోలీసు బందోబస్తు, సమస్యాత్మక ప్రాంతాల్లో ప్రత్యేక నిఘా, నిరంతర తనిఖీలు చేపడతాం.

ఎన్నికల ప్రక్రియను ప్రభావితం చేయడానికి ప్రయత్నించడం, ఓటర్లను బెదిరించడం, ప్రలోభాలకు గురిచేయడం, డబ్బు లేదా ఇతర వస్తువుల ద్వారా ఓట్లను కొనుగోలు చేయడానికి ప్రయత్నించడం, ప్రత్యర్థులపై దాడులకు పాల్పడడం, అక్రమంగా గుంపులు ఏర్పడి శాంతిభద్రతలకు విఘాతం కలిగించడం, ఎన్నికల నియమావళిని ఉల్లంఘించడం వంటి చర్యలను ఎట్టి పరిస్థితుల్లోనూ సహించేది లేదు.

*ఎన్నికల నిబంధనలను ఉల్లంఘించే వారు ఎంతటి వారైనా చట్టానికి అతీతులు కారు.* చట్టాన్ని చేతుల్లోకి తీసుకునే వారిపై, ప్రజలను భయభ్రాంతులకు గురిచేసే వారిపై, ఎన్నికల ప్రశాంతతకు భంగం కలిగించే వారిపై సంబంధిత చట్టాల ప్రకారం కఠిన చర్యలు తీసుకుంటాం. అవసరమైన సందర్భాల్లో కేసులు నమోదు చేసి చట్టపరమైన చర్యలు చేపడతాం.

ప్రజలు, రాజకీయ పార్టీలు, అభ్యర్థులు ఎన్నికల నియమావళిని తప్పనిసరిగా పాటించాలి. ఎన్నికల విధుల్లో ఉన్న అధికారులకు సహకరించాలి. ఎవరైనా అక్రమాలకు పాల్పడినా, ఓటర్లను బెదిరించినా లేదా ఎన్నికల శాంతిభద్రతలకు విఘాతం కలిగించినా వెంటనే చిత్తూరు పోలీస్ WhatsApp 9440900005 లేదా డయల్ 112 కు సమాచారం అందించాలి.

*ప్రజాస్వామ్యాన్ని గౌరవించండి – చట్టాన్ని పాటించండి – ప్రశాంతమైన ఎన్నికలకు సహకరించండి.*

పెను తుఫాను ముప్పు.. ప్రజలంతా అప్రమత్తంగా ఉండాలి

 పెను తుఫాను ముప్పు.. ప్రజలంతా అప్రమత్తంగా ఉండాలి

తవణంపల్లి, అక్టోబర్ 25: తీరంవైపు దూసుకొస్తున్న పెను తుఫాను నేపథ్యంలో ప్రజలందరూ అప్రమత్తంగా ఉండాలని తవణంపల్లి తహసీల్దార్ మాధవరాజు కోరారు. ఈ మేరకు ఆయన ఒక ప్రకటన విడుదల చేశారు.

వాతావరణ శాఖ హెచ్చరికల ప్రకారం తుఫాను ప్రభావంతో భారీ నుంచి అతి భారీ వర్షాలు కురిసే అవకాశం ఉందని, తీవ్రమైన ఈదురుగాలులు వీచే ప్రమాదం ఉందని తెలిపారు. ఈ నేపథ్యంలో మండల పరిధిలోని ప్రజలు అప్రమత్తంగా ఉండాలని సూచించారు.

ప్రజలు అత్యవసరమైతే తప్ప బయటకు వెళ్లకూడదని, వర్షాలు, ఈదురుగాలుల సమయంలో చెట్లు, విద్యుత్ స్తంభాలు, శిథిలావస్థలో ఉన్న భవనాలకు దూరంగా ఉండాలని సూచించారు. వాతావరణ శాఖ, అధికారుల సూచనలను తప్పనిసరిగా పాటిస్తూ తగిన జాగ్రత్తలు తీసుకోవాలని తహసీల్దార్ మాధవరాజు ప్రజలకు విజ్ఞప్తి చేశారు.

చిత్తూరు మహిళా పోలీస్ స్టేషన్ డీఎస్పీగా బాధ్యతలు స్వీకరించిన కె. వెంకటప్ప

చిత్తూరు మహిళా పోలీస్ స్టేషన్ డీఎస్పీగా బాధ్యతలు స్వీకరించిన శ్రీ కె. వెంకటప్ప

 కె. వెంకటప్ప ఈరోజు చిత్తూరు మహిళా పోలీస్ స్టేషన్ డీఎస్పీగా పదవీ బాధ్యతలు స్వీకరణ 

చిత్తూరు ఫస్ట్ న్యూస్ 4 యు:

డి.ఎస్పీ గారు కడప జిల్లా భాకరాపేటలోని 11వ బెటాలియన్‌లో డీఎస్పీ (అసిస్టెంట్ కమాండెంట్)గా విధులు నిర్వహించారు. రాష్ట్ర ప్రభుత్వ బదిలీల్లో భాగంగా ఆయనను చిత్తూరు మహిళా పోలీస్ స్టేషన్ డీఎస్పీగా నియమించడంతో, ఈరోజు కార్యాలయంలో బాధ్యతలు స్వీకరించారు.

1996వ ఎస్‌ఐ బ్యాచ్‌కు చెందిన శ్రీ కె. వెంకటప్ప పోలీసు శాఖలో వివిధ జిల్లాల్లో సేవలందించారు. తన సుదీర్ఘ సేవాకాలంలో పలు బాధ్యతలు నిర్వహించి, ఇన్‌స్పెక్టర్‌గా పనిచేశారు. అనంతరం 2025లో డీఎస్పీగా పదోన్నతి పొందారు.

బదిలీకి ముందు భాకరాపేట 11వ బెటాలియన్‌లో అసిస్టెంట్ కమాండెంట్‌గా బాధ్యతలు నిర్వర్తించిన ఆయన, ప్రస్తుతం చిత్తూరు మహిళా పోలీస్ స్టేషన్ డీఎస్పీగా బాధ్యతలు చేపట్టారు.

త్వరలో జరగబోవు ఎంపీటీసీ/ZPTC మరియు సర్పంచి ఎన్నికల సందర్భంగా పోలింగ్ బూత్లను పరిశీలించిన ఎస్సై రమేష్ బాబు

 త్వరలో జరగబోవు ఎంపీటీసీ/ZPTC మరియు సర్పంచి ఎన్నికల సందర్భంగా పోలింగ్ బూత్లను పరిశీలించిన ఎస్సై రమేష్ బాబు

చిత్తూరు ఫస్ట్ న్యూస్ 4 యు:

తవణంపల్లి అక్టోబర్ 20 వ తేదీన త్వరలో జరగబోవు ఎంపీటీసీ మరియు సర్పంచ్ ఎన్నికల సందర్భంగా  తవణంపల్లి మండలంలోని

సరకల్లు, జి గొల్లపల్లి, గోవింద్ రెడ్డి పల్లి, చెర్లోపల్లి, వెంగంపల్లి, తడతర, గాజులపల్లి, ఏ గొల్లపల్లి, అరగొండ, ఉత్తర బ్రాహ్మణపల్లి, పుణ్యసముద్రం, సంతపల్లి, పట్నం, మైన గుండ్లపల్లి  పంచాయతీలలో ఉన్న పోలింగ్ బూతులను విజిట్ చేసి పరిశీలించడం జరిగినది. మరియు రేపు జరిగే నామినేషన్ సందర్భంగా ఈరోజు ఎంపీడీవో ఆఫీస్ ను విజిట్ చేసి అక్కడ ఉన్న ఆర్ఓ గారు మరియు ఎంపీడీవో గారితో మాట్లాడుకుని రేపటికి బందోబస్తు వేసుకోవడమైనది. తవణంపల్లి మండల ఎస్సై రమేష్ బాబు

తవణంపల్లిలో స్థానిక ఎన్నికలపై రాజకీయ పార్టీలతో సమన్వయ సమావేశం

 తవణంపల్లిలో స్థానిక ఎన్నికలపై రాజకీయ పార్టీలతో సమన్వయ సమావేశం

నిబంధనలు పాటిస్తూ ప్రశాంత వాతావరణంలో ఎన్నికలు నిర్వహించేందుకు సహకరించాలి: రిటర్నింగ్ అధికారి వెంకటరమణ

చిత్తూరు ఫస్ట్ న్యూస్ 4 యు:

తవణంపల్లి, అక్టోబర్ 20 : తవణంపల్లి మండల కేంద్రంలోని ఎంపీడీవో కార్యాలయంలో మంగళవారం రిటర్నింగ్ అధికారి వెంకటరమణ, సహాయ రిటర్నింగ్ అధికారి హరిప్రసాద్ రెడ్డి, ఎస్సై రమేష్ బాబు ఆధ్వర్యంలో స్థానిక సంస్థల ఎంపీటీసీ, జడ్పీటీసీ ఎన్నికల నిర్వహణపై వివిధ రాజకీయ పార్టీల మండల అధ్యక్షులతో సమన్వయ సమావేశం నిర్వహించడం జరిగింది.

ఈ సందర్భంగా రిటర్నింగ్ అధికారి వెంకటరమణ మాట్లాడుతూ, ఎంపీటీసీ ఎన్నికలకు సంబంధించి ఈ నెల 21 నుంచి 23వ తేదీ వరకు ఉదయం 10.30 గంటల నుంచి సాయంత్రం 5 గంటల వరకు,  నామినేషన్లు స్వీకరిస్తామని తెలిపారు. ఈ నెల 24వ తేదీన ఉదయం 8 గంటల నుంచి సాయంత్రం 5 గంటల వరకు నామినేషన్ల పరిశీలన, 27వ తేదీన ఉదయం 10.30 గంటల నుంచి మధ్యాహ్నం 3 గంటల వరకు నామినేషన్ల ఉపసంహరణ ప్రక్రియ ఉంటుందని పేర్కొన్నారు. అనంతరం తుది అభ్యర్థుల జాబితాను ప్రకటిస్తామని తెలిపారు. మండలంలో మొత్తం 15 ఎంపీటీసీ స్థానాలకు నామినేషన్లు స్వీకరించనున్నట్లు వెల్లడించారు. నామినేషన్ దాఖలు చేసే ఎస్సీ, ఎస్టీ, బీసీ అభ్యర్థులు రూ.1,500,  ఓసీ అభ్యర్థులు రూ.3,000 చొప్పున రుసుము చెల్లించాలని తెలిపారు. పోటీలో ఉన్న అభ్యర్థులు, రాజకీయ పార్టీలు రాష్ట్ర ఎన్నికల సంఘం మార్గదర్శకాలు, ఎన్నికల ప్రవర్తనా నియమావళిని తప్పనిసరిగా పాటించాలని సూచించారు. ఎన్నికల ప్రచారంలో భాగంగా ఉదయం 6 గంటల నుంచి రాత్రి 10 గంటల వరకు మాత్రమే మైకులు వినియోగించాలని, సంబంధిత అధికారుల అనుమతి పొందాలని తెలిపారు. ర్యాలీలు, బహిరంగ సభలు, ప్రచార వాహనాల వినియోగానికి పోలీసు, ఎన్నికల అధికారుల అనుమతులు తీసుకోవాలని స్పష్టం చేశారు. మండల పరిషత్ కార్యాలయానికి 100 మీటర్ల పరిధి లోపల ర్యాలీలు, సభలు, సమావేశాలు నిర్వహించరాదని, ప్రభుత్వ బహిరంగ ప్రదేశాల్లో అనుమతి లేకుండా ఫ్లెక్సీలు, ప్రచార సామగ్రి ఏర్పాటు చేయకూడదని పేర్కొన్నారు. కుల, మతాల ఆధారంగా ఓట్లు కోరడం, విద్వేషపూరిత ప్రసంగాలు చేయడం, ప్రార్థనా మందిరాల ప్రాంగణాల్లో ఎన్నికల ప్రచారం నిర్వహించడం, ప్రత్యర్థుల వ్యక్తిగత జీవితాలపై అవాస్తవ ఆరోపణలు చేయడం నిషేధమని తెలిపారు. ఎన్నికల నిబంధనలను ఉల్లంఘించిన వారిపై చట్టప్రకారం చర్యలు తీసుకుంటామని హెచ్చరించారు. ఎన్నికలకు సంబంధించి సందేహాలు, ఫిర్యాదులు ఉంటే రిటర్నింగ్ అధికారి, ఎంపీడీవో లేదా తహసీల్దార్‌ను సంప్రదించాలని సూచించారు.  నామినేషన్ కేంద్రం వద్ద పటిష్ఠ భద్రత పై ఎస్సై రమేష్ బాబు మాట్లాడుతూ, ఎన్నికల నేపథ్యంలో 144 సెక్షన్ అమలులో ఉన్నందున ప్రతి ఒక్కరూ నియమ నిబంధనలు, పాటించాలని సూచించారు. నామినేషన్ కేంద్రం వద్ద పటిష్ఠ పోలీసు బందోబస్తు ఏర్పాటు చేశామని, సీసీ కెమెరాల ద్వారా పర్యవేక్షణ ఉంటుందని తెలిపారు. నామినేషన్ కేంద్రానికి 100 మీటర్ల అవతల వాహనాలను పార్కింగ్ చేయాలని సూచించారు. ఎన్నికల ప్రక్రియకు ఆటంకం కలిగించినా, నిబంధనలు ఉల్లంఘించినా చట్టపరమైన చర్యలు తీసుకుంటామని హెచ్చరించారు. ప్రశాంతమైన వాతావరణంలో ఎన్నికలు నిర్వహించేందుకు అన్ని రాజకీయ పార్టీలు, అభ్యర్థులు అధికారులకు సహకరించాలని అధికారులు కోరారు. ఈ సమావేశంలో వివిధ రాజకీయ పార్టీల మండల అధ్యక్షులు, సంబంధిత అధికారులు తదితరులు పాల్గొన్నారు.

ప్రతి పోలింగ్ కేంద్రం వద్ద , కౌంటింగ్ కేంద్రాల వద్ద కచ్చితంగా సీసీ కెమెరాలు ఏర్పాటు చేసుకోవాలి

ప్రతి పోలింగ్ కేంద్రం వద్ద , కౌంటింగ్ కేంద్రాల వద్ద కచ్చితంగా సీసీ కెమెరాలు ఏర్పాటు చేసుకోవాలి

జెడ్పీటీసీ,ఎంపీటీసీ ఎన్నికల నిర్వహణకు సంబంధించి జిల్లాలోని వివిధ ప్రభుత్వ డిగ్రీ కళాశాలలో అదనపు స్ట్రాంగ్ రూమ్‌లు, ఓట్ల లెక్కింపు కేంద్రాల ఏర్పాట్ల మౌలిక వసతులపై సమీక్షించారు

- జిల్లా కలెక్టర్ సుమిత్ కుమార్

చిత్తూరు ఫస్ట్ న్యూస్ 4 యు అక్టోబరు 20:

ప్రతి పోలింగ్ కేంద్రం వద్ద , కౌంటింగ్ కేంద్రాల వద్ద కచ్చితంగా సీసీ కెమెరాలు ఏర్పాటు చేసుకోవాలి అని జిల్లా కలెక్టర్ సుమిత్ కుమార్ అధికారులు ఆదేశించారు మంగళవారం జడ్పీ కార్యాలయంలోని జడ్పీ సీఈవో ఛాంబర్ నందు

 జడ్పీ ప్రత్యేక అధికారి  మరియు జిల్లా ఎన్నికల అధికారి హోదాలో జిల్లాలో ఎంపీటీసీ, జడ్పిటిసి ఎన్నికల సందర్భంగా కౌంటింగ్ కేంద్రాలలో ముందస్తు ఏర్పట్లలో భాగంగా సంబంధిత అధికారులతో సమీక్ష సమావేశం నిర్వహించారు. ఈ కార్యక్రమంలో జాయింట్ కలెక్టర్ ఆదర్శ రాజేంద్రన్, డిఆర్ఓ కే మోహన్ కుమార్, ఆర్డీవోలు, కౌంటింగ్ కేంద్రాల నిర్వహణ అధికారులు, పంచాయతీరాజ్ శాఖ, ఆర్ అండ్ బి శాఖ, ఇంజనీర్లు తదితరులు పాల్గొన్నారు ఈ సందర్భంగా జిల్లా ఎన్నికల అధికారి మాట్లాడుతూ, కుప్పం, పలమనేర్, నగరి, చిత్తూరు రూరల్ ప్రాంతాలకు

 2026లో నిర్వహించనున్న ఎంపీటీసీ, జెడ్పీటీసీ ఎన్నికలకు సంబంధించి ఈనెల 19వ తేదీన నోటిఫికేషన్ విడుదల చేయడమైనది, ఈనెల 21వ తేదీ నుంచి నామినేషన్లు స్వీకరించడం జరుగుతుంది, జిల్లాలోడిగ్రీ కళాశాలలో  ఏర్పాటు చేయనున్న స్ట్రాంగ్ రూమ్‌లు, ఓట్ల లెక్కింపు కేంద్రాల అవసరమైన గదులు, స్థలాలను సంబంధిత ఆర్డీవోలు, ఆర్వోలు ముందుగా చర్చ స్థాయిలో ఫలించాలన్నారు

 కౌంటింగ్ కేంద్రాల వద్ద కల్పించాల్సిన మౌలిక సదుపాయాలు,భద్రతా ప్రమాణాలు, ప్రవేశ మార్గాలు, ఇతర ఏర్పాట్లపై అధికారులతో చర్చించి పలు సూచనలు చేశారు.స్ట్రాంగ్ రూమ్‌ల వద్ద సీసీ కెమెరాల ద్వారా నిరంతర నిఘా ఏర్పాటు చేయడంతో పాటు, 24 గంటల భద్రత, పోలీసు బందోబస్తు, అవసరమైన సాంకేతిక సదుపాయాలు ముందిస్తుగా గుర్తించి కార్యచరణ ప్రణాళికలు అమలు చేయాలని ఆదేశించారు.అవసరమైన మౌలిక సదుపాయాలను ముందుగానే సిద్ధం చేయాలని సంబంధిత అధికారులను జిల్లా కలెక్టర్ ఆదేశించారు. కౌంటింగ్ కేంద్రాలలో ఆర్ అండ్ బి ఆధ్వర్యంలో పటిష్టమైన బారికేడ్ల నిర్మాణం పనులు త్వరితగతిన పూర్తి చేయాలని అధికారులు ఆదేశించారు.

జిల్లాలోని చిత్తూరు, కుప్పం, నగరి, పలమనేరు ప్రాంతాల్లో స్ట్రాంగ్ రూమ్‌లు, ఓట్ల లెక్కింపు కేంద్రాల వద్ద ముందస్తు ఏర్పాట్లు పూర్తిచేయాలని ఆదేశించారు చిత్తూరులోని పి.వి.కె.ఎన్. డిగ్రీ కళాశాల, సీటమ్స్ ఇంజనీరింగ్ కళాశాల, కుప్పంలోని ప్రభుత్వ ఒకేషనల్ కళాశాల, నగరిలోని ప్రభుత్వ డిగ్రీ కళాశాల, పలమనేరులోని ఎస్.వి.సి.ఆర్. కళాశాల, టి.కె.సి. జూనియర్ కళాశాలల్లో అవసరమైన ఏర్పాట్లు పూర్తిచేయాలని ఆదేశించారు.

ఈ కార్యక్రమంలో జడ్పీ సీఈవో రవికుమార్ నాయుడు, ఆర్డీవోలు శ్రీనివాసుల నాయుడు, అనుపమ, షేక్ మొహమ్మద్ హుస్సేన్, ఇంజనీర్లు ఆర్ అండ్ బి శ్రీనివాసులు, పంచాయతీరాజ్ శాఖ ఇంజనీర్ నవీన్ కుమార్, Dwma PD, రవికుమార్, ఏపీడీలు, ఇతరుల పాల్గొన్నారు

ఎన్నికల ప్రవర్తనా నియమావళిని పకడ్బందీగా అమలు చేయాలి-జిల్లా కలెక్టర్

ఎన్నికల ప్రవర్తనా నియమావళిని పకడ్బందీగా అమలు చేయాలి*

ఎంపీటీసీ, జెడ్పీటీసీ ఎన్నికలతో పాటు మూడు దశల్లో గ్రామ పంచాయతీ ఎన్నికలు

రాజకీయ పార్టీలు, MPTC/ZPTC అభ్యర్థులకు

- జిల్లా కలెక్టర్ సుమిత్ కుమార్

చిత్తూరు ఫస్ట్ న్యూస్ 4 యు అక్టోబరు 19

 ఎంపీ టీసీ, జడ్పీటీసీ స్థానాల పోరుకు సోమవారం నోటిఫికేషన్ వెలువడ నుంది. ఇప్పటికే జిల్లా ఎన్నికల అధికారి మండలాల వారీగా రిట ర్నింగ్ అధికారులను నియమించడం జరిగిందని జిల్లా కలెక్టర్ సుమిత్ కుమార్ సోమవారం ఓ ప్రకటనలో తెలిపారు

 అనంతరం 21వ తేదీ నుంచి 23వ తేదీ వరకు నామినేషన్లను స్వీకరించనున్నారు. నవంబరు 3న ఎన్నికలు, నవంబరు 5న ఓట్ల లెక్కింపు జరుగుతుంది. ఇప్పటికే రిజర్వేషన్ల ప్రక్రియ పూర్తి కావడంతో ఆయా పార్టీలు అభ్యర్థుల జాబితా ప్రకటించాల్సి ఉంది. 

జిల్లా పరిషత్తు పోరుకు సంబంధించి మండలానికి ఒక రిటర్నింగ్ అధికారి ఉంటారు. ఎంపీటీసీ స్థానాలకు పోటీ చేసే అభ్యర్థులు ఆయా మండల కేంద్రా ల్లోని రిటర్నింగ్ అధికారి వద్ద నామినే షన్లు దాఖలు చేయాల్సి ఉంటుంది. జడ్పీ టీసీ స్థానాలకు పోటీ చేసే అభ్యర్థులు జిల్లా కేంద్రంలోని జిల్లాపరిషత్తు కార్యాల యంలో రిటర్నింగ్ అధికారికి నామినేషన్ పత్రాలను దాఖలు చేయాల్సి ఉంటుంది. 

ఎన్నికల వ్యయ పరిమితులు:*

ఎన్నికల్లో పోటీ చేసే అభ్యర్థులు నిర్ణీత వ్యయ పరిమితులను తప్పనిసరిగా పాటించాలని కలెక్టర్ సూచించారు. ఎంపీటీసీ సభ్యుల అభ్యర్థులకు గరిష్ఠ ఎన్నికల వ్యయ పరిమితి రూ.4 లక్షలు కాగా, జెడ్పీటీసీ సభ్యుల అభ్యర్థులకు రూ.8 లక్షలుగా నిర్ణయించారు.

*సెక్యూరిటీ డిపాజిట్ వివరాలు:*

ఎంపీటీసీ సభ్యుల అభ్యర్థులకు జనరల్/ఇతర కేటగిరీలకు రూ.3,000, ఎస్సీ/ఎస్టీ/బీసీ అభ్యర్థులకు రూ.1,500 సెక్యూరిటీ డిపాజిట్‌గా చెల్లించాలి. జెడ్పీటీసీ సభ్యుల అభ్యర్థులకు జనరల్/ఇతర కేటగిరీలకు రూ.6,000, ఎస్సీ/ఎస్టీ/బీసీ అభ్యర్థులకు రూ.3,000 సెక్యూరిటీ డిపాజిట్‌గా నిర్ణయించారు.

జరగనున్న స్థానిక సంస్థల MPTC/ZPTC ఎన్నికల్లో రాజకీయ పార్టీలు, పోటీ చేయనున్న అభ్యర్థులు రాష్ట్ర ఎన్నికల సంఘం జారీ చేసిన ఎన్నికల ప్రవర్తనా నియమావళిని తప్పనిసరిగా పాటించాలని, జిల్లా కలెక్టర్  సూచించారు.

జిల్లాలో 370 ఎంపీటీసీ స్థానాలు, ఇరవైడు జడ్పిటి స్థానాలకుఎన్నికల ప్రవర్తనా నియమావళి అమలును పర్యవేక్షించేందుకు ఆయా మండలంలో తహశీల్దారును అధికారిగా నియమించినట్లు తెలిపారు. మండల పరిషత్ కార్యాలయంలో ఏర్పాటు చేసిన నామినేషన్ కేంద్రంలోఅక్టోబర్ 21 నుంచి 23వ తేదీ వరకు ప్రతిరోజూ ఉదయం 10.30 గంటల నుంచి సాయంత్రం 5 గంటల వరకు MPTC ఎన్నికల నామినేషన్లను రిటర్నింగ్ అధికారి స్వీకరిస్తారని పేర్కొన్నారు.

 అక్టోబర్ 24వ తేదీన ఉదయం 8 గంటల నుంచి సాయంత్రం 5 గంటల వరకు నామినేషన్ల పరిశీలన,

 అక్టోబర్ 27వ తేదీన ఉదయం 10.30 గంటల నుంచి మధ్యాహ్నం 3 గంటల వరకు నామినేషన్ల ఉపసంహరణ ప్రక్రియ నిర్వహించి, అనంతరం తుది అభ్యర్థుల జాబితాను ప్రకటిస్తారని తెలిపారు.

నామినేషన్ కేంద్రంగా ఉన్న మండల పరిషత్ అభివృద్ధి అధికారి కార్యాలయం పరిసరాల్లో 100 మీటర్ల పరిధిలో రాజకీయ పార్టీల ఊరేగింపులు, సభలు, సమావేశాలు నిర్వహించరాదని స్పష్టం చేశారు. మైకుల ద్వారా ఎన్నికల ప్రచారం ఉదయం 6 గంటల నుంచి రాత్రి 10 గంటల వరకు మాత్రమే నిర్వహించాలని, ఇందుకు పోలీసుల లేదా రిటర్నింగ్ అధికారి నుంచి ముందస్తు అనుమతి తీసుకోవాలని సూచించారు. ర్యాలీలు, సభలు, వాహనాల వినియోగానికి కూడా ముందస్తు అనుమతి తప్పనిసరని తెలిపారు. కాలినడకన ఇంటింటి ప్రచారం నిర్వహించేందుకు ప్రత్యేక అనుమతి అవసరం లేదని పేర్కొన్నారు.

ప్రభుత్వ, బహిరంగ ప్రదేశాల్లో అనుమతి లేని ఫ్లెక్సీలు, ఇతర ప్రచార సామగ్రిని ఏర్పాటు చేయరాదని, దేవాలయాలు, చర్చిలు, మసీదుల వంటి ప్రార్థనా స్థలాల్లో ఎన్నికల ప్రచారం నిర్వహించరాదని సూచించారు. మతం, కులం ఆధారంగా ఓట్లు కోరడం, రెచ్చగొట్టే ప్రసంగాలు చేయడం, అభ్యర్థుల వ్యక్తిగత జీవితాలపై నిరాధార ఆరోపణలు చేయడం నిషిద్ధమని తెలిపారు. 

వ్యక్తుల ఇళ్ల ముందు వారి నిర్ణయాలకు వ్యతిరేకంగా ప్రదర్శనలు నిర్వహించరాదని సూచించారు.

రాజకీయ పార్టీలు, అభ్యర్థులు రాష్ట్ర ఎన్నికల సంఘం జారీ చేసిన ప్రవర్తనా నియమావళిని పూర్తిగా చదివి, దాని ప్రకారం వ్యవహరించాలని  తెలిపారు. నిబంధనలు ఉల్లంఘించిన వారిపై ప్రజా ప్రాతినిధ్య చట్టం ప్రకారం చట్టపరమైన చర్యలు తీసుకుంటామని హెచ్చరించారు. ఎన్నికలకు సంబంధించిన సందేహాలు, ఫిర్యాదులు ఉంటే రిటర్నింగ్ అధికారి లేదా తహశీల్దారును సంప్రదించవచ్చని పేర్కొన్నారు.

ఎన్నికల అధికారులు, సిబ్బందికి రాజకీయ పార్టీలు, పోటీ చేసే అభ్యర్థులు సహకరించి, జిల్లాలోని వివిధ  మండలంలో ఎన్నికలు ప్రశాంతంగా, సజావుగా జరిగేలా బాధ్యతాయుతంగా వ్యవహరించాలని ప్రకటనలో  తెలిపారు.

జెడ్పీటీసీ, ఎంపీటీసీ ఎన్నికల నిర్వహణపై మాస్టర్ ట్రైనర్లకు రెండో విడత శిక్షణ

జెడ్పీటీసీ, ఎంపీటీసీ ఎన్నికల నిర్వహణపై మాస్టర్ ట్రైనర్లకు రెండో విడత శిక్షణ

 పోలింగ్ అధికారులు, సహాయ పోలింగ్ అధికారులకు సమర్థవంతంగా శిక్షణ అందించాలి

- జాయింట్ కలెక్టర్ ఆదర్శ్ రాజేంద్రన్

చిత్తూరు ఫస్ట్ న్యూస్ 4 యు అక్టోబర్ 17: 

జెడ్పీటీసీ, ఎంపీటీసీ ఎన్నికల నిర్వహణకు సంబంధించి పోలింగ్ అధికారులు (POలు), సహాయ పోలింగ్ అధికారులు (APOలు)కు సమర్థవంతంగా శిక్షణ అందించాలని జాయింట్ కలెక్టర్ ఆదర్శ్ రాజేంద్రన్ సూచించారు. 

శనివారం చిత్తూరు లోని జిల్లా పరిషత్ సమావేశ మందిరంలో  జాయింట్ కలెక్టర్ ఆదర్శ్ రాజేంద్రన్ ఆధ్వర్యంలో ఎన్నికల విధుల నిర్వహణలో ఎలాంటి పొరపాట్లకు తావులేకుండా, ఎన్నికల చట్టాలు, నిబంధనలు, మార్గదర్శకాలకు అనుగుణంగా విధులు నిర్వర్తించేలా  రెండో విడత శిక్షణ కార్యక్రమాన్ని  నిర్వహించారు. 

 జిల్లా ఎస్‌జీఎస్‌డబ్ల్యూ అధికారి రవికుమార్ మరియు ఏ ఎస్ ఓ సౌందర్ రాజన్ శిక్షణ అందించగా, ఉపాధ్యాయులు(మాస్టర్ ట్రైనర్లు) పాల్గొన్నారు.

ఈ సందర్భంగా జాయింట్ కలెక్టర్ మాట్లాడుతూ, జిల్లాలో ఎన్నికల నిర్వహణకు వేలాది మంది ప్రిసైడింగ్ అధికారులు, పోలింగ్ అధికారులు, సహాయ పోలింగ్ అధికారుల సేవలు అవసరమవుతాయని తెలిపారు. పెద్ద సంఖ్యలో ఉన్న సిబ్బందికి ఒకేసారి శిక్షణ ఇవ్వడం సాధ్యం కానందున, మండలాల వారీగా మాస్టర్ ట్రైనర్ల ద్వారా శిక్షణ తరగతులు నిర్వహించేలా ప్రణాళిక రూపొందించినట్లు పేర్కొన్నారు. ప్రతి శిక్షణ తరగతికి సుమారు 50 నుంచి 60 మంది సిబ్బందిని కేటాయించి, ప్రతి ఒక్కరికీ ఎన్నికల విధులపై స్పష్టమైన అవగాహన కల్పించాలని సూచించారు.

ఎన్నికల నిర్వహణ అనేది పూర్తిగా నిబంధనలకు లోబడి జరిగే ప్రక్రియ అని, ప్రతి దశలోనూ ఎన్నికల చట్టాలు, నియమావళి, అధికారిక మార్గదర్శకాలను తప్పనిసరిగా పాటించాలని స్పష్టం చేశారు. ఎన్నికల విధుల్లో చిన్న పొరపాటు జరిగినా తీవ్ర పరిణామాలు ఎదురయ్యే అవకాశం ఉన్నందున, మాస్టర్ ట్రైనర్లు తమకు అందించిన శిక్షణ సామగ్రిని పూర్తిగా అధ్యయనం చేసి, సందేహాలను నివృత్తి చేసుకున్న తర్వాతే క్షేత్రస్థాయి సిబ్బందికి శిక్షణ ఇవ్వాలని సూచించారు.

గతంలో ఎన్నికల విధులు నిర్వహించిన అనుభవం ఉన్నప్పటికీ, ప్రతి ఎన్నికలోనూ నిబంధనలు, విధానాల్లో మార్పులు ఉండే అవకాశం ఉన్నందున తాజా మార్గదర్శకాలను తప్పనిసరిగా తెలుసుకోవాలని తెలిపారు. పోలింగ్ అధికారులు, సహాయ పోలింగ్ అధికారులు, ప్రిసైడింగ్ అధికారుల విధులు, ఎన్నికల సమయంలో అనుసరించాల్సిన ప్రతి దశను మాస్టర్ ట్రైనర్లు స్పష్టంగా వివరించాలన్నారు. శిక్షణ సమయంలో సిబ్బంది అడిగే సందేహాలకు అధికారిక శిక్షణ సామగ్రి ఆధారంగా సమాధానాలు ఇవ్వాలని, ఊహాజనిత సమాచారంతో వివరణలు ఇవ్వకూడదని సూచించారు.

ఈ నెల 21వ తేదీన నిర్వహించనున్న శిక్షణ కార్యక్రమానికి మాస్టర్ ట్రైనర్లు పూర్తిస్థాయిలో సిద్ధం కావాలని  ఆదేశించారు. శిక్షణ తరగతులను ఆర్డీవోలు, తహసీల్దార్లు పర్యవేక్షిస్తారని, తాను కూడా మూడు మండలాల్లో శిక్షణ కార్యక్రమాలను సందర్శించి, శిక్షణ అందించే విధానాన్ని పరిశీలిస్తానని తెలిపారు. శిక్షణకు సంబంధించిన సందేహాలు, సమస్యలను పరిష్కరించేందుకు ప్రత్యేక వాట్సాప్ గ్రూపును ఏర్పాటు చేసి, అవసరమైన మార్గదర్శకాలు అందిస్తామని పేర్కొన్నారు.

ఎన్నికల నిర్వహణలో జిల్లా పనితీరు మాస్టర్ ట్రైనర్లు అందించే శిక్షణ నాణ్యతపై ఆధారపడి ఉంటుందని  ఉపాధ్యాయులు తమ బోధనా నైపుణ్యాన్ని వినియోగించి, ఎన్నికల సిబ్బందికి పూర్తి స్థాయిలో అవగాహన కల్పించాలని కోరారు. ఎన్నికల విధులను పారదర్శకంగా, నిబంధనలకు అనుగుణంగా నిర్వహించేందుకు ప్రతి ఒక్కరూ బాధ్యతతో, అంకితభావంతో పనిచేయాలని సూచించారు.