మురుకంబట్టులో 600 గ్రాముల గంజాయి పట్టివేత – ఇద్దరు ముద్దాయిల అరెస్ట్.

మురుకంబట్టులో 600 గ్రాముల గంజాయి పట్టివేత – ఇద్దరు ముద్దాయిల అరెస్ట్.

చిత్తూరు ఫస్ట్ న్యూస్ 4 యు: 

చిత్తూరు జిల్లా ఎస్పీ  తుషార్ డూడి,  ఆదేశాల  మేరకు, చిత్తూరు SDPO  వెంకట నారాయణ  సూచనలతో, చిత్తూరు రూరల్ ఈస్ట్ సర్కిల్ సీఐ  K. రామచంద్ర  పర్యవేక్షణలో చిత్తూరు తాలూకా పోలీస్ స్టేషన్ ఎస్సై  అశోక్ కుమార్ మరియు సిబ్బంది ప్రత్యేక నిఘా ఏర్పాటు చేసి గంజాయి అక్రమ రవాణా, విక్రయాలపై కఠిన చర్యలు చేపట్టారు.

ఈ క్రమంలో ఈరోజు మురుకంబట్టు ప్రాంతంలో పోలీసులు వాహన తనిఖీలు నిర్వహిస్తుండగా, అనుమానాస్పదంగా ప్రయాణిస్తున్న వేలూరుకు చెందిన జై కుమార్ మరియు మహమ్మద్ అలీలను అదుపులోకి తీసుకుని తనిఖీ చేశారు.

తనిఖీల్లో వారి వద్ద సుమారు 600 గ్రాముల గంజాయి ఉన్నట్లు గుర్తించిన పోలీసులు గంజాయిని స్వాధీనం చేసుకుని, ఇద్దరినీ అరెస్ట్ చేశారు. ఈ ఘటనపై చిత్తూరు తాలూకా పోలీస్ స్టేషన్‌లో కేసు నమోదు చేసి, తదుపరి చట్టపరమైన చర్యలు చేపట్టారు.

చిత్తూరు తాలూకా పోలీస్ స్టేషన్ పరిధిలో గంజాయి విక్రయించడం, రవాణా చేయడం లేదా సేవించడం, అక్రమంగా మద్యం విక్రయించడం, పేకాట నిర్వహించడం లేదా ఆడటం, బహిరంగ ప్రదేశాల్లో మద్యం సేవించడం వంటి చట్టవిరుద్ధ కార్యకలాపాలకు పాల్పడే వారిపై చట్టప్రకారం కఠిన చర్యలు తీసుకుంటామని పోలీసులు హెచ్చరించారు.

ప్రజలు తమ పరిసర ప్రాంతాల్లో గంజాయి లేదా ఇతర మాదకద్రవ్యాల అక్రమ రవాణా, విక్రయాలు, సేవనం లేదా ఇతర చట్టవిరుద్ధ కార్యకలాపాలు జరుగుతున్నట్లు గుర్తించినట్లయితే వెంటనే డయల్ 112కు సమాచారం అందించాలని పోలీసులు కోరారు. సమాచారం అందించే వారి వివరాలను గోప్యంగా ఉంచుతామని తెలిపారు.

విఓఏల కు వేతనాలు పెంచాలి..వేధింపులు మానుకోవాలి

 *విఓఏల కు వేతనాలు పెంచాలి* 

*వేధింపులు మానుకోవాలి* 

రాష్ట్ర ఉపాధ్యక్షురాలు కృష్ణమ్మ డిమాండ్ 

చిత్తూరు ఫస్ట్ న్యూస్ 4 యు 

రాష్ట్రవ్యాప్తంగా విఓఏ లకు గతంలో ఇచ్చిన హామీలు అమలు చేసి జీతాలు పెంచాలని, అధికారులు వేధింపులు మానుకోవాలని పని ఒత్తిడి తగ్గించాలని బుధవారం చిత్తూరు సిఐటియు కార్యాలయం ఏపీ వెలుగు యానిమేటర్స్ ఉద్యోగుల సంఘం(సిఐటియు)జిల్లా సమావేశం డిమాండ్ చేసింది. ఈ సమావేశం నాగరాజు అధ్యక్షతన జరిగింది.

ఈ సమావేశానికి ముఖ్యఅతిథిగా హాజరైన వివోఏ సంఘం రాష్ట్ర ఉపాధ్యక్షురాలు కృష్ణమ్మ, రాణి, యూనియన్ గౌరవ అధ్యక్షుడు వాడ గంగరాజు లు మాట్లాడుతూ రాష్ట్ర ప్రభుత్వం వారిచే లకు పనిభారం పెంచడం ఏమిటి అని ప్రశ్నించారు. గ్రామీణ ప్రాంతాల్లో క్షేత్ర స్థాయిలో మహిళలను చైతన్యవంతులు చేసి సంఘాలుగా ఆర్గనైజ్ చేస్తున్న వివో ఏలపై వేధింపులు మానుకోవాలని డిమాండ్ చేశారు. చిత్తూరు జిల్లాలో పిడి మహిళగా ఉన్నప్పటికీ మహిళలను అసభ్యకరంగా మాట్లాడడం దారుణం అన్నారు.

 ప్రభుత్వం పథకాలలోని అన్ని రకాల పనులు చేయించుకుంటూ పని భారం పెంచడం దుర్మార్గమన్నారు. వివోఏ ల సమస్యలు పరిష్కరించాలని 7 తేదీన అన్ని నియోజకవర్గాల్లో శాసనసభ్యులకు వినతి పత్రాలు ఇచ్చి రాష్ట్రవ్యాప్తంగా పరిష్కారం చేసే విధంగా ఒత్తిడి తీసుకురావాలని నిర్ణయించడం జరిగిందని తెలిపారు.

ప్రతిపక్షంలో ఉన్నప్పుడు అన్ని రకాల హామీలు ఇచ్చి హెచ్ఆర్ పాలసీ అమలు చేస్తామని పని భారం తగ్గిస్తామని చెప్పినప్పటికీ రోజురోజుకీ కొత్త యాపులు తీసుకొచ్చి భారం పెంచడం దారుణమన్నారు.

రాష్ట్ర వ్యాప్తంగా దసల వారి పోరాటాలకు పిలుపునిచ్చినామని  అప్పటికి పరిష్కారం కాకపోతే చలో విజయవాడ నిర్వహించి పెద్ద ఎత్తున కార్యక్రమం నిర్వహించి ప్రభుత్వం మెడలు వంచే వరకు పోరాటం కొనసాగుతుందని తెలిపారు. అలాగే స్థానిక సంస్థల్లోనూ వివో ఎలా సత్తా చాటుతామని హెచ్చరించారు‌.

డిసెంబర్ లో చలో ఢిల్లీ 

కేంద్రంలోని మోడీ ప్రభుత్వం కార్మిక చట్టాలను రద్దు చేయడానికి నిరసిస్తూ సిఐటి ఆధ్వర్యంలో దేశవ్యాప్తంగా భారీ సంఖ్యలో కార్మికుల్ని తరలించి డిసెంబర్ 1 2 3 తేదీల్లో చలో ఢిల్లీ నిర్వహిస్తున్న నిర్వహిస్తున్నామని ఈ కార్యక్రమానికి చిత్తూరు జిల్లా నుండి వివో ఏలు అధిక సంఖ్యలో పాల్గొనాలని పిలుపునిచ్చారు. 

ఈ సమావేశంలో జిల్లా కార్యదర్శి శ్రీధర్ బాబు జిల్లా నాయకులు భ్రమరాంబ వివోఏలు పాల్గొన్నారు

మండల విద్యాశాఖ అధికారులకు సహిత విద్యపై ఒక్కరోజు అవగాహన కార్యక్రమం.

 మండల విద్యాశాఖ అధికారులకు సహిత విద్యపై ఒక్కరోజు అవగాహన కార్యక్రమం.

చిత్తూరు ఫస్ట్ న్యూస్ 4 యు: 

 సహిత విద్యపై మండల విద్యాశాఖ అధికారులకు ఒక్కరోజు అవగాహన కార్యక్రమం లిటిల్ ఫ్లవర్ ఇంగ్లీష్ మీడియం పాఠశాల నందు ఈరోజు నిర్వహించడం జరిగింది. ఈ కార్యక్రమంలో జిల్లా విద్యాశాఖ అధికారి లక్ష్మీనారాయణ  మాట్లాడుతూ క్షేత్రస్థాయిలో సహిత విద్యను బలోపేతం చేయాలని, జిల్లాలోని ప్రభుత్వ మరియు ప్రైవేటు పాఠశాలలో పనిచేసే ఉపాధ్యాయులు అందరూ 100%  PRASHAST APP  ను డౌన్లోడ్ చేసుకుని అందులో కార్యక్రమాలు పూర్తి చేయాలని తెలిపారు. తర్వాత  జిల్లా సమగ్ర శిక్ష అడిషనల్ ప్రాజెక్ట్ కోఆర్డినేటర్ మద్ది పట్ల వెంకట్రమణ మాట్లాడుతూ జిల్లాలోని దివ్యాంగుల కోసం ప్రభుత్వం ఎన్నో కార్యక్రమాలు చేపడుతుందని, నాలుగు రకాల  అలవెన్స్లు రూపంలో అందిస్తున్నామని, ఆటిజం పిల్లల కోసం జిల్లాలో ఐదు ఆటిజం  సెంటర్లను ప్రారంభిస్తున్నామని, అదేవిధంగా దివ్యాంగులకు సమగ్ర శిక్ష ద్వారా రకరకాల కార్యక్రమాలు నిర్వహిస్తుందని వీటిని అందరూ వినియోగించుకోవాలని తెలియజేశారు. 

ఈ కార్యక్రమంలో డివైఈవోలు ఉమామహేశ్వర్, ఇందిరా, సహిత విద్య కోఆర్డినేటర్ మధు, DCEB సెక్రెటరీ హేమాద్రి,CDPO నిర్మల, అర్లీ ఇంటర్వెన్షన్ సెంటర్ నుండి దుర్గాప్రసాద్, హేమ ప్రసాద్, హాస్పిటల్ నుండి జ్ఞాన శేఖర్, డిజేబుల్ డిపార్ట్మెంట్ నుండి రాజశేఖర్, సమగ్ర ఏఎస్ఓ నందకుమార్, సీఎమ్ఓ మధుసూదన్, 31 మండలాల మండల విద్యాశాఖ అధికారులు రిసోర్స్ పర్సన్ గా భార్గవ్ రామ్, నాగభూషణం పాల్గొన్నారు.

 ఈ కార్యక్రమంలో రాష్ట్రస్థాయిలో పారా ఒలంపిక్స్ నందు పతకాలు  సాధించిన విద్యార్థులను సన్మానించడం జరిగింది వారికి ప్రోత్సాహంకంగా ₹1000 నగదు అందజేశారు.

చిత్తూరు ప్రభుత్వ ఆసుపత్రిలో డీ-అడిక్షన్ సెంటర్ తనిఖీ – మద్యం వ్యసన బాధితులకు కౌన్సెలింగ్

*చిత్తూరు ప్రభుత్వ ఆసుపత్రిలో డీ-అడిక్షన్ సెంటర్ తనిఖీ – మద్యం వ్యసన బాధితులకు కౌన్సెలింగ్*

*“ఆపరేషన్ గరుడ”లో భాగంగా మెడికల్ షాపులలో నార్కోటిక్ డ్రగ్స్ విక్రయాలపై తనిఖీలు*

చిత్తూరు ఫస్ట్ న్యూస్ 4 యు:

చిత్తూరు జిల్లా ఎస్పీ  తుషార్ డూడి ఆదేశాల మేరకు మాదకద్రవ్యాల నియంత్రణలో భాగంగా ఆపరేషన్ గరుడలో భాగంగా చిత్తూరు ప్రభుత్వ ఆసుపత్రి పరిధిలో పోలీసు అధికారులు, డ్రగ్ ఇన్‌స్పెక్టర్ మరియు ఈగల్ టీం సభ్యులు సంయుక్తంగా తనిఖీలు మరియు అవగాహన కార్యక్రమాలు నిర్వహించారు.

ఈ సందర్భంగా చిత్తూరు ఎస్‌బీ ఇన్స్పెక్టర్ శ్రీ ప్రవీణ్ , ఈగల్ టీం సభ్యులు చిత్తూరు ప్రభుత్వ ఆసుపత్రిలోని డీ-అడిక్షన్ సెంటర్‌ను సందర్శించారు. సెంటర్‌లో నిర్వహిస్తున్న రికార్డులు, చికిత్సకు సంబంధించిన వివరాలను పరిశీలించారు.

అక్కడ చికిత్స పొందుతున్న ఏడుగురు మద్యం వ్యసన బాధితులతో ఎస్‌బీ ఇన్స్పెక్టర్ గారు మాట్లాడి, మద్యం మరియు ఇతర మాదకద్రవ్యాల వినియోగం వల్ల కలిగే ఆరోగ్య, కుటుంబ మరియు సామాజిక దుష్ప్రభావాలను వివరించారు. వ్యసనానికి దూరంగా ఉండి ఆరోగ్యకరమైన జీవితాన్ని కొనసాగించాలని వారికి కౌన్సెలింగ్ ఇచ్చారు. అలాగే సిబ్బందికి అవసరమైన సూచనలు అందించారు.

మెడికల్ షాపుల్లో నార్కోటిక్ డ్రగ్స్‌పై తనిఖీలు

అనంతరం ఆపరేషన్ గరుడలో భాగంగా చిత్తూరు ప్రభుత్వ ఆసుపత్రి పరిసర ప్రాంతంలోని మెడికల్ షాపులలో చిత్తూరు డ్రగ్ ఇన్‌స్పెక్టర్  వి. కీర్తన , చిత్తూరు ఎస్‌బీ ఇన్స్పెక్టర్  ప్రవీణ్ , చిత్తూరు టూ టౌన్ పోలీస్ స్టేషన్ ఎస్‌ఐ వెంకట సుబ్బయ్య , ఈగల్ టీం సభ్యులు సంయుక్తంగా తనిఖీలు నిర్వహించారు.

ఈ తనిఖీలలో నార్కోటిక్ డ్రగ్స్ కొనుగోలు, విక్రయాలు, నిల్వ, సరఫరా మరియు వాటి వినియోగానికి సంబంధించిన వివరాలను క్షుణ్ణంగా పరిశీలించారు. మెడికల్ షాపుల్లో నిర్వహిస్తున్న రికార్డులు, మందుల విక్రయాలకు సంబంధించిన వివరాలను పరిశీలిస్తూ, నిబంధనలకు విరుద్ధంగా నార్కోటిక్ డ్రగ్స్ విక్రయాలు జరగకుండా సంబంధిత నిర్వాహకులకు సూచనలు చేశారు.

నార్కోటిక్ డ్రగ్స్‌ను అక్రమంగా విక్రయించడం, కొనుగోలు చేయడం లేదా సరఫరా చేయడం చట్టపరంగా నేరమని, నిబంధనలు ఉల్లంఘించిన వారిపై చట్ట ప్రకారం కఠిన చర్యలు తీసుకుంటామని పోలీసులు తెలిపారు.

మాదకద్రవ్యాల అక్రమ విక్రయాలు, వినియోగం లేదా సరఫరాకు సంబంధించిన సమాచారం ప్రజలకు తెలిసినట్లయితే ఈగల్ టోల్ ఫ్రీ నంబర్ 1972 కు లేదా ఎస్.బి. ఇన్స్పెక్టర్ నెంబర్ 9490617896 కు సమాచారం అందించాలని పోలీసులు సూచించారు.

పారిశుద్ధ్య కార్మికుల ఆరోగ్య పరిరక్షణకు అధిక ప్రాధాన్యత * ఎమ్మెల్యే గురజాల జగన్ మోహన్

పారిశుద్ధ్య కార్మికుల ఆరోగ్య పరిరక్షణకు అధిక ప్రాధాన్యత

* ఎమ్మెల్యే గురజాల జగన్ మోహన్ 

* నగరపాలక పారిశుద్ధ్య కార్మికులకు ప్రత్యేక వైద్య శిబిరం 

చిత్తూరు ఫస్ట్ న్యూస్ 4 యు: నగరంలో మెరుగైన పారిశుధ్యం కోసం, ప్రజల ఆరోగ్య కోసం నిరంతరం శ్రమించే నగరపాలక సంస్థ పారిశుద్ధ్య కార్మికుల ఆరోగ్య పరిరక్షణకు అధిక ప్రాధాన్యత ఇస్తామని ఎమ్మెల్యే గురజాల జగన్ మోహన్ చెప్పారు. స్వచ్ఛతా హీ సేవా -2026 కార్యక్రమాల్లో భాగంగా బుధవారం చిత్తూరు నగరపాలక కార్యాలయంలో నగరపాలక పారిశుద్ధ్య కార్మికులకు ఉచిత వైద్య శిబిరాన్ని ఎమ్మెల్యే ప్రారంభించారు. ఈ సందర్భంగా ఎమ్మెల్యే మాట్లాడుతూ.. నగరాన్ని పరిశుభ్రంగా ఉంచడంలో కార్మికుల పాత్ర ఎంతో ఉందన్నారు. కార్మికుల శ్రమని తగ్గించి సులభంగా పనులు చేసేలా ఆధునిక పనిముట్లను అందుబాటులోకి తేవాలన్నారు. పనిచేసే సమయంలో తగిన జాగ్రత్తలు తీసుకోవాలని, రక్షణ పరికరాలను వాడాలన్నారు. స్వచ్ఛ సర్వేక్షన్ లో చిత్తూరు నగరపాలక సంస్థ గత ఏడాది రాష్ట్ర, జాతీయ స్థాయిలో ఉత్తమ ర్యాంకులు సాధించడం పట్ల అధికారులను, పారిశుద్ధ్య కార్మికులను అభినందించారు. 

కమిషనర్ పి నరసింహ ప్రసాద్ మాట్లాడుతూ.. స్వచ్ఛతా హీ సేవా కార్యక్రమంలో భాగంగా పారిశుద్ధ్య కార్మికులకు వైద్య శిబిరం నిర్వహిస్తున్నట్లు చెప్పారు. కార్మికులకు మెరుగైన వైద్య సేవలు అందించేందుకు చర్యలు తీసుకుంటున్నట్లు వివరించారు. ఈ సందర్భంగా స్వచ్ఛతా ప్రతిజ్ఞ నిర్వహించారు. ఉత్తమ సేవలందించిన ఇద్దరు పారిశుద్ధ్య కార్మికులను సాల్వతో సత్కరించారు. పారిశుద్ధ్య పనులు నిర్వహణకు సంబంధించి పీపీఈ కిట్లను పంపిణీ చేశారు.

వైద్య శిబిరంలో భాగంగా జనరల్ మెడిసిన్, డెంటల్, గైనిక్, ఆప్తమాలజీ, ఆర్థోపెడిక్స్ విభాగాల్లో పదిమంది వైద్యులు వైద్య పరీక్షలు నిర్వహించారు. ఇతర వైద్య పరీక్షల అనంతరం మందులు పంపిణీ చేశారు. కార్యక్రమంలో  కమిషనర్ పి నరసింహ ప్రసాద్, సహాయ కమిషనర్ అవినేని ప్రసాద్, ఎంహెచ్వో డా.అనిల్ కుమార్, మొదలియార్ కార్పొరేషన్ చైర్మన్  త్యాగరాజన్, మాజీ ఎమ్మెల్సీ బీఎన్ రాజసింహులు, మాజీ మేయర్ అముద, మాజీ డిప్యూటీ మేయర్ రాజేష్ కుమార్ రెడ్డి, గోపాలకృష్ణ, వెంకటేష్ యాదవ్, చిట్టిబాబు తదితరులు పాల్గొన్నారు.

మద్యం సేవించి వాహనాలు నడిపిన నలుగురికి ఒక్కొక్కరికి రూ.10,000 చొప్పున, మొత్తం రూ. 40,000/- జరిమానా విధింపు...

మద్యం సేవించి వాహనాలు నడిపిన నలుగురికి ఒక్కొక్కరికి రూ.10,000 చొప్పున, మొత్తం రూ. 40,000/- జరిమానా విధింపు...

చిత్తూరు ఫస్ట్ న్యూస్ 4 యు: 

జిల్లా ఎస్పీ  తుషార్  డూడి,  ఆదేశాల మేరకు, చిత్తూరు SDPO  వెంకట నారాయణ గారి ఆధ్వర్యంలో, చిత్తూరు ట్రాఫిక్   ఇన్స్పెక్టర్  P. నరసింహ రాజు నిర్వహించిన వాహన తనిఖీల సందర్భంగా మద్యం సేవించి వాహనాలు నడుపుతున్న నలుగురు వ్యక్తులు పట్టుబడ్డారు.

వీరిని 30.09.2026వ తేదీ  చిత్తూరు  1st Spl. Judicial 2nd Class Magistrate, కోర్టులో ప్రవేశపెట్టగా, గౌరవ న్యాయమూర్తి శ్రీమతి K. పరిమళ దేవి  గారు ఒక్కొక్కరికి రూ.10,000 చొప్పున, మొత్తం నలుగురికి  రూ.40,000/- జరిమానా విధించారు.

రోడ్డు భద్రతా నియమాలను పాటించడం ప్రతి ఒక్కరి బాధ్యత అని, వాటిని తప్పనిసరిగా పాటించకపోతే భారీ జరిమానాలు తప్పవని, మద్యం సేవించి వాహనం నడపడం అత్యంత ప్రమాదకరమని, ఇది వాహనదారుల ప్రాణాలకు మాత్రమే కాకుండా ఇతరుల ప్రాణాలకు కూడా ముప్పు కలిగిస్తుందని,   చిత్తూరు ట్రాఫిక్  ఇన్స్పెక్టర్   శ్రీ P. నరసింహ రాజు  గారు  హెచ్చరించారు. 

కాబట్టి వాహనదారులు తప్పనిసరిగా రోడ్డు భద్రతా నియమాలు మరియు రహదారి నిబంధనలను పాటించి ప్రమాదాలు, జరిమానాలు, శిక్షలకు గురి కాకుండా జాగ్రత్తగా వాహనాలు నడపాలని  ఇన్స్పెక్టర్ శ్రీ P. నరసింహ రాజు గారు  కోరారు....

రాయలసీమ హార్టికల్చర్ హబ్‌తో ఉద్యానరంగానికి సమగ్ర అభివృద్ధి

రాయలసీమ హార్టికల్చర్ హబ్‌తో ఉద్యానరంగానికి సమగ్ర అభివృద్ధి

చిత్తూరు జిల్లాకు రూ.1,529.69 కోట్ల విలువైన ప్రతిపాదనలు

రైతులకు ఉత్పత్తి నుంచి మార్కెటింగ్ వరకు సమగ్ర విలువ ఆధారిత శ్రేణి

జిల్లా కలెక్టర్ సుమిత్ కుమార్

చిత్తూరు ఫస్ట్ న్యూస్ 4 యు, సెప్టెంబర్ 29: 

రాయలసీమ ప్రాంతంలో ఉద్యానరంగాన్ని సమగ్రంగా అభివృద్ధి చేయాలనే లక్ష్యంతో ఆంధ్రప్రదేశ్ ప్రభుత్వం ప్రకటించిన రాయలసీమ సమగ్ర ఉద్యాన అభివృద్ధి ప్రణాళికలో భాగంగా చిత్తూరు జిల్లాకు రూ.1,529.69 కోట్ల విలువైన ప్రతిపాదనలు కేటాయించినట్లు జిల్లా కలెక్టర్ శ్రీ సుమిత్ కుమార్ ఓ ప్రకటనలో తెలిపారు.

ఆంధ్రప్రదేశ్ ప్రభుత్వం వ్యవసాయ మరియు సహకార (H&S) శాఖ జారీ చేసిన G.O.Rt.No.416, తేదీ 19-05-2026 ప్రకారం ఈ సమగ్ర ప్రణాళికను ప్రకటించినట్లు కలెక్టర్ తెలిపారు. 2026 అక్టోబర్ 2న మదనపల్లెలో రాష్ట్ర ముఖ్యమంత్రి శ్రీ నారా చంద్రబాబు నాయుడు, కేంద్ర ఆర్థిక మంత్రి శ్రీమతి నిర్మలా సీతారామన్‌తో కలిసి ఈ కార్యక్రమాన్ని ప్రారంభించనున్నట్లు పేర్కొన్నారు.

ఈ ప్రణాళిక ద్వారా ఉద్యానవన రంగం, సాగునీరు, మౌలిక వసతులు, గ్రామీణ అభివృద్ధి అంశాలను సమగ్రంగా అభివృద్ధి చేయడం జరుగుతుందని కలెక్టర్ తెలిపారు. చిత్తూరు జిల్లాలో మొత్తం 20 క్లస్టర్లు, 27 మండలాల్లో మూడు సంవత్సరాల పాటు మూడు దశల్లో కార్యక్రమాలను అమలు చేయనున్నట్లు వివరించారు.

మొదటి దశలో 2026-27లో 5 క్లస్టర్లు, 7 మండలాలు; రెండో దశలో 2027-28లో 8 క్లస్టర్లు, 9 మండలాలు; మూడో దశలో 2028-29లో 7 క్లస్టర్లు, 11 మండలాల్లో అభివృద్ధి కార్యక్రమాలు చేపట్టనున్నట్లు తెలిపారు.

ఉత్పత్తి నుంచి మార్కెటింగ్ వరకు సమగ్ర విలువ ఆధారిత శ్రేణి

రైతులకు కేవలం పంట ఉత్పత్తి వరకు మాత్రమే కాకుండా, ఉత్పత్తి, నాణ్యత పెంపు, పంట అనంతర నిర్వహణ, ప్రాసెసింగ్, మార్కెటింగ్, ఎగుమతులు వరకు పూర్తి స్థాయి విలువ ఆధారిత శ్రేణిని అభివృద్ధి చేయడం ఈ ప్రణాళిక ప్రధాన లక్ష్యమని కలెక్టర్ పేర్కొన్నారు.

ప్రధాన కార్యక్రమాలు

* సూక్ష్మ సాగునీటి పద్ధతులు – రూ.620.40 కోట్లు: రైతులకు సూక్ష్మ సాగునీటి సదుపాయాలను విస్తృతంగా అందించి నీటి వినియోగ సామర్థ్యాన్ని పెంచడం.

* డిమాండ్ ఆధారిత పంటలు – రూ.383.74 కోట్లు: మార్కెట్ డిమాండ్‌కు అనుగుణంగా విదేశీ, ప్రత్యేక రకాల పండ్లు, కూరగాయలు, పుష్పాలు, ఆయిల్‌పామ్ వంటి పంటలను ప్రోత్సహించడం.

* ఉత్పాదకత పెంపు – రూ.162.80 కోట్లు: పాత తోటల పునరుద్ధరణ, కొమ్మల కత్తిరింపు, తోటల నిర్వహణ, మల్చింగ్, సమగ్ర సస్యరక్షణ, సమగ్ర పోషక నిర్వహణ వంటి కార్యక్రమాలు చేపట్టడం.

* GAP/నాణ్యత మెరుగుదల – రూ.28.85 కోట్లు: మంచి వ్యవసాయ పద్ధతులు, పంట సంరక్షణ, ట్రేసబిలిటీ, ధృవీకరణ వంటి చర్యలను ప్రోత్సహించడం.

* మార్కెట్ మౌలిక వసతులు – రూ.77.11 కోట్లు: సేకరణ కేంద్రాలు, గిడ్డంగులు, సార్టింగ్ కేంద్రాలు, ప్యాక్‌హౌస్‌లు, డిజిటల్ ప్రదర్శన బోర్డులు, గ్రేడింగ్ వంటి సదుపాయాలను అభివృద్ధి చేయడం.

* పంట అనంతర నిర్వహణ, విలువ ఆధారిత ఉత్పత్తులు – రూ.84.96 కోట్లు: ప్యాక్‌హౌస్‌లు, ప్రీ-కూలింగ్ యూనిట్లు, కోల్డ్ స్టోరేజీలు, రైపెనింగ్ చాంబర్లు, రిఫ్రిజిరేటెడ్ రవాణా, ప్రాసెసింగ్ యూనిట్ల ఏర్పాటు.

* స్టార్టప్‌ల అభివృద్ధి – రూ.23 కోట్లు: రైతు ఉత్పత్తిదారుల సంస్థలు (FPOs) బలోపేతం, మార్కెటింగ్, ప్రాసెసింగ్, లాజిస్టిక్స్, డిజిటల్ మార్కెట్ల అభివృద్ధికి ప్రోత్సాహం.

* నాణ్యమైన మొక్కల సరఫరా – రూ.21 కోట్లు: నాణ్యమైన నర్సరీలు, వ్యాధి రహిత నాట్ల పదార్థం, నర్సరీల ధృవీకరణకు ప్రాధాన్యం.

* వ్యవసాయ యాంత్రీకరణ – రూ.17.21 కోట్లు: ఉద్యాన వ్యవసాయంలో ఆధునిక యంత్రాలు, సాంకేతిక పరిజ్ఞానాన్ని ప్రోత్సహించడం.

* అవగాహన, సామర్థ్య నిర్మాణం – రూ.17.40 కోట్లు: రైతులకు శిక్షణ, అవగాహన కార్యక్రమాలు, సామర్థ్య నిర్మాణ కార్యక్రమాలు నిర్వహించడం.

* సాంకేతిక విస్తరణ, FLDs – రూ.16.13 కోట్లు: సాంకేతిక పరిజ్ఞాన విస్తరణ, ఫ్రంట్‌లైన్ డెమాన్‌స్ట్రేషన్స్ (FLDs) తదితర కార్యక్రమాల అమలు.

* ఇతర క్లస్టర్ ఆధారిత కార్యక్రమాలు – రూ.67.09 కోట్లు: ఆయా క్లస్టర్ల అవసరాలకు అనుగుణంగా ఇతర సమగ్ర అభివృద్ధి కార్యక్రమాలు చేపట్టడం.

రాయలసీమ హార్టికల్చర్ హబ్ ద్వారా చిత్తూరు జిల్లాలో ఉద్యాన పంటల ఉత్పత్తి, ఉత్పాదకత, నాణ్యత పెంపుతో పాటు పంట అనంతర నిర్వహణ, విలువ ఆధారిత ఉత్పత్తుల తయారీ, మార్కెటింగ్, ఎగుమతులకు మరింత ప్రోత్సాహం లభిస్తుందని కలెక్టర్ శ్రీ సుమిత్ కుమార్ తెలిపారు.

ఈ సమగ్ర ప్రణాళిక ద్వారా రైతులకు మెరుగైన మార్కెట్ అవకాశాలు కల్పించడం, ఉద్యాన పంటలకు విలువను పెంచడం, రైతుల ఆదాయ అవకాశాలను మెరుగుపరచడం ప్రధాన ఉద్దేశ్యమని ఆయన పేర్కొన్నారు.

పాఠశాల నిర్వహణ కమిటీ (SMC) ఎన్నికలు – ప్రశాంత వాతావరణంలో నిర్వహణ

*పాఠశాల నిర్వహణ కమిటీ (SMC) ఎన్నికలు – ప్రశాంత వాతావరణంలో నిర్వహణ*

చిత్తూరు ఫస్ట్ న్యూస్ 4 యు: 

చిత్తూరు జిల్లా ఎస్పీ  తుషార్ డూడి, ఆదేశాల మేరకు, చిత్తూరు జిల్లా వ్యాప్తంగా వివిధ పాఠశాలల్లో నిర్వహిస్తున్న స్కూల్ మేనేజ్‌మెంట్ కమిటీ (SMC) ఎన్నికలు ప్రశాంత వాతావరణంలో జరిగేలా జిల్లా పోలీసులు ప్రత్యేక భద్రతా చర్యలు చేపట్టారు.

జిల్లా వ్యాప్తంగా SMC ఎన్నికలు జరుగుతున్న పాఠశాలల్లో సున్నితమైన మరియు సమస్యాత్మకంగా గుర్తించిన పాఠశాలలను పోలీసులు ముందుగానే సందర్శించి, అక్కడి పరిస్థితులను పరిశీలించారు. ఎన్నికల సందర్భంగా ఎలాంటి అవాంఛనీయ సంఘటనలు చోటుచేసుకోకుండా అవసరమైన భద్రతా ఏర్పాట్లు చేపట్టారు.

ఎన్నికల ప్రక్రియలో పాల్గొంటున్న విద్యార్థుల తల్లిదండ్రులు, ఉపాధ్యాయులకు ఎన్నికల నిబంధనలు, పాటించాల్సిన విధివిధానాలపై పోలీసులు అవగాహన కల్పించారు. ప్రతి ఒక్కరూ ఎన్నికల ప్రక్రియను ప్రశాంతంగా, పారదర్శకంగా నిర్వహించేందుకు పోలీసులకు సహకరించాలని సూచించారు.

ఎన్నికల సమయంలో పాఠశాలల పరిసర ప్రాంతాల్లో పోలీసు సిబ్బంది అప్రమత్తంగా ఉండి, పరిస్థితులను నిరంతరం పర్యవేక్షించారు. సున్నితమైన ప్రాంతాల్లో అదనపు భద్రతా చర్యలు చేపట్టి, ఎలాంటి అవాంఛనీయ ఘటనలకు తావులేకుండా చర్యలు తీసుకున్నారు.

చిత్తూరు జిల్లా వ్యాప్తంగా SMC ఎన్నికల ప్రక్రియ ప్రశాంతంగా కొనసాగేందుకు పోలీసు అధికారులు, సిబ్బంది సమన్వయంతో విధులు నిర్వహించారు.

చిత్తూరు–సిద్ధంపల్లి మధ్య రైల్వే లెవెల్ క్రాసింగ్ నెం. 27 వద్ద ట్రాఫిక్ మళ్లింపు రద్దు* : *జిల్లా కలెక్టర్ సుమిత్ కుమార్

*చిత్తూరు–సిద్ధంపల్లి మధ్య రైల్వే లెవెల్ క్రాసింగ్ నెం. 27 వద్ద  ట్రాఫిక్ మళ్లింపు రద్దు*  : *జిల్లా కలెక్టర్ సుమిత్ కుమార్*

చిత్తూరు, ఫస్ట్ న్యూస్ 4 యు సెప్టెంబర్ 29: 

చిత్తూరు–సిద్ధంపల్లి రైల్వే స్టేషన్ల మధ్య కి.మీ. 31/23-25 వద్ద (మొసానికల్ గ్రౌండ్ సమీపంలో) ఉన్న రైల్వే లెవెల్ క్రాసింగ్ నెం. 27 వద్ద చేపట్టాల్సిన ఓవర్‌హాలింగ్ పనుల కారణంగా రోడ్డు ట్రాఫిక్ మళ్లింపునకు సంబంధించి రైల్వే శాఖ అధికారులు మార్పులు చేసినట్లు జిల్లా కలెక్టర్ సుమిత్ కుమార్ తెలిపారు.

రైలు సర్వీసుల సమయపాలనను దృష్టిలో ఉంచుకుని రైల్వే ప్రధాన కార్యాలయం నుంచి అవసరమైన ఆమోదం లభించకపోవడంతో, ముందుగా 29.09.2026 నుంచి 01.09.2026 వరకు ప్రణాళిక చేసిన లెవెల్ క్రాసింగ్ నెం. 27 వద్ద రోడ్డు ట్రాఫిక్ మళ్లింపు కార్యక్రమాన్ని రద్దు చేసినట్లు  పేర్కొన్నారు.

అందువల్ల, లెవెల్ క్రాసింగ్ నెం. 27 వద్ద రోడ్డు ట్రాఫిక్ మళ్లింపుకు సంబంధించి గతంలో జారీ చేసిన సమాచారాన్ని ప్రస్తుతానికి రద్దు చేసినట్లు స్పష్టం చేశారు.

రైల్వే శాఖ నుంచి తదుపరి సమాచారం లేదా సవరించిన షెడ్యూల్ అందిన అనంతరం ప్రజలకు తెలియజేయడం జరుగుతుందని  తెలిపారు.

హాస్టల్ విద్యార్థులు, వారి తల్లిదండ్రుల మధ్య వారిధిగా "శివ్నెక్స్ యాప్

హాస్టల్ విద్యార్థులు, వారి తల్లిదండ్రుల మధ్య వారిధిగా "శివ్నెక్స్ యాప్"

చిత్తూరు ఫస్ట్ న్యూస్ 4 యు: 

కుటుంబ సభ్యులకు దూరంగా హాస్టల్లో ఉంటూ చదువుకునే విద్యార్థులకు, వారి తల్లిదండ్రులకు మధ్య వారిధిగా శివ్నెక్స్ యాప్ పనిచేస్తుందని ఎమ్మెల్యే గురజాల జగన్ మోహన్ చెప్పారు. హాస్టల్ విద్యార్థులను వారి తల్లిదండ్రులతో వీడియో కాల్ మాట్లాడించడం, తల్లిదండ్రులు పిల్లల మధ్య అనుబంధాన్ని పెంచడం కోసం SKANDEV, డా.Sahi, Oorulogix సంస్థలు సంయుక్తంగా అభివృద్ధి చేసిన ఈ యాప్ ను సోమవారం రాత్రి సంజయ్ గాంధీ నగర్ లోని సాంఘిక సంక్షేమ వసతి గృహంలోని విద్యార్థులకు అందుబాటులోకి తెచ్చారు. ఈ సందర్భంగా శివ్నెక్స్ యాప్ ద్వారా విద్యార్థులను వారి తల్లిదండ్రులతో వీడియో కాల్ ద్వారా మాట్లాడించారు. ఎమ్మెల్యే సైతం విద్యార్థుల తల్లిదండ్రులతో మాట్లాడారు. ఈ సందర్భంగా ఎమ్మెల్యే మాట్లాడుతూ విద్యార్థులకు మెరుగైన సౌకర్యాలు కల్పించడంతోపాటు, ఆధునిక సాంకేతికతను సురక్షితంగా అందుబాటులో తేవడానికి కూటమి ప్రభుత్వం ప్రయత్నిస్తోందన్నారు. కార్యక్రమంలో ఎమ్మెల్సీ కంచర్ల శ్రీకాంత్, ప్రముఖ సైకాలజిస్ట్  డా.సాహిత్య వసతి గృహ అధికారులు, కూటమి నాయకులు పాల్గొన్నారు.

9.10.26 నాటికి ఫైనల్ ఎలక్ట్రోలీ రోల్ సిద్ధం - జిల్లా కలెక్టర్ సుమిత్ కుమార్

1,34,307 మంది ఓటర్లకు నోటీసులు  జారీ చేయడం జరిగింది

9.10.26 నాటికి ఫైనల్ ఎలక్ట్రోలీ రోల్  సిద్ధం

- జిల్లా కలెక్టర్ సుమిత్ కుమార్

చిత్తూరు ఫస్ట్ న్యూస్ 4 యు సెప్టెంబర్,28: 

SIR సంబంధించి కార్యక్రమం అమలులో భాగంగా 1,34,307 మంది ఓటర్లకు నోటీసులు  జారీ చేయడం జరిగింది అని జిల్లా కలెక్టర్ సుమిత్ కుమార్ పేర్కొన్నారు, సోమవారం స్థానిక కలెక్టరేట్ లోని వీడియో కాన్ఫరెన్స్ హాల్ నుండి, విజయవాడలోని జిల్లా రోల్‌ అబ్జర్వర్‌గా మరియు డైరెక్టర్ బీసీ సంక్షేమ శాఖ  డాక్టర్ A. మల్లికార్జున, జిల్లాకు సంబంధించిన SIR పక్రిపై జిల్లా కలెక్టర్ నివేదించారు. ఈ కార్యక్రమంలో ట్రైనింగ్ కలెక్టర్ వెంకటేష్, డిఆర్ఓ కే మోహన్ కుమార్ పాల్గొన్నారు, జిల్లా కలెక్టర్ మాట్లాడుతూ,SIR కార్యక్రమం పటిష్టంగా అమలు చేయుచున్నామని తెలిపారు , అనహరులుగా 2489 ఓటర్లను(ineligible) గుర్తించడం జరిగిందని వివరించారు,

1,34,307 మంది ఓటర్లకు నోటీసులు  జారీ చేయడం జరిగింది, క్షేత్రస్థాయిలో సంబంధిత బి ఎల్ వో లు సమగ్ర విచారణ జరిపి నోటీసులు జారీకు చేసి 1,31,818 మంది ఓటర్లను అర్హులుగా గుర్తించడం జరిగిందని తెలిపారు,

జిల్లాల ఫొటో ఓటర్ల జాబితా సంక్షిప్త సవరణ కార్యక్రమం వేగవంత చేయుచున్నామని. ఫారం-6, 1566,ఫారం-7,110,ఫారం-8,859 మంది ఓటర్లు పెండింగ్ ఉన్నారు, ఈనెల 30 తేదీ లోపల పూర్తి చేయడం జరుగుతుందని వివరించారు, వివిధ రాజకీయ పార్టీ ప్రతినిధులతో సలహాలు , సూచనలు తీసుకొని SIR కార్యక్రమం అమలు చేయుచున్నామని వివరించారు,  రాష్ట్రంలో SIR అమలలో చిత్తూరు జిల్లా మూడో స్థానంలో ఉన్నదని

జిల్లా రోల్‌ అబ్జర్వర్‌ మల్లికార్జున తెలిపారు. అనంతరం నగిరి, చిత్తూరు, కుప్పం, పలమనేరు ఆర్డీవోలతో సర్ కార్యక్రమం అమలపై సమీక్షించారు

ఈ కార్యక్రమంలో డిప్యూటీ కలెక్టర్ వెంకట సునీల్,DPM మధుసూదన్, కలెక్టర్ ఎన్నికల ఎమ్మార్వో రాజేంద్రన్ తదితరులు పాల్గొన్నారు

తవణంపల్లి : తహసిల్దార్ కార్యాలయంలో అర్జీలు వెల్లువ

 తహసిల్దార్ కార్యాలయంలో అర్జీలు వెల్లువ

చిత్తూరు ఫస్ట్ న్యూస్ 4 యు :

తవణంపల్లి సెప్టెంబర్ 28 మండల తహసిల్దార్ కార్యాలయంలో అర్జీలు వెల్లువ తవణంపల్లి మండల  తహసిల్దార్ కార్యాలయం నందు ప్రజలు అధిక సంఖ్యలో పాల్గొని తాసిల్దార్ గారికి వినతి పత్రం సమర్పించారు ఈ సందర్భంగా తహసిల్దార్ ఎస్ మాధవ రాజు మాట్లాడుతూ ప్రతి సమస్యలు ఉన్న వారిని ఆప్యాయంగా పలకరించి భూ సమస్యలు ఉన్నవారిని సమావేశం పరిచి  ఇద్దరినీ సమాధానపరిచి న్యాయ పరిష్కారం చేయడం జరుగుతుందని ప్రజలు భూ సమస్యలు పరిష్కారంలో అర్జీదారులు సమయం పాటించి సమస్యలను పరిశీలించి విచారణ జరిపి న్యాయం జరుగుతుందని ఈ సమయాన్ని అర్జిదారులు తెలుసుకోవాలని తెలియజేశారు భూ సమస్య దారి సమస్య పలు సమస్యలపై న్యాయమైన పద్ధతుల ద్వారా సమస్యలు పరిష్కారం చేసుకోవాలని తాసిల్దార్ ఎస్ మాధవ రాజు కోరారు

తక్షణమే స్పందించి ఆర్థిక భరోసా కల్పించిన - జిల్లా కలెక్టర్ సుమిత్ కుమార్

తక్షణమే స్పందించి ఆర్థిక భరోసా కల్పించిన 

- జిల్లా కలెక్టర్ సుమిత్ కుమార్

చిత్తూరు ఫస్ట్ న్యూస్ 4 యు: 

స్థానిక కలెక్టరేట్లో సోమవారం నిర్వహించిన ప్రజా సమస్యల పరిష్కార వేదిక కార్యక్రమం నందు జిల్లాల నుండి వివిధ మండలాల నుంచి పలు సమస్యలతో ప్రజలు జిల్లా కలెక్టర్ సుమిత్ కుమార్ కు వినతుల సమర్పించారు. వాటిలో కొన్నిటిని తక్షణమే స్పందించి ఆర్థిక సహాయం కొరకు ప్రతిపాదన సిద్ధం చేయాలి అని జిల్లా కలెక్టర్ అధికారులను ఆదేశించారు,

1)చిత్తూరు మున్సిపాలిటీ పరిధిలోని  మొరగారిపల్లి వద్ద నివసించుచున్న వరలక్ష్మి తన కుమారుడు రఘు బాబుకు 5సంవత్సరాలు వయస్సు మతి స్థిమితి లేదని .

 నిరుపేదగా ఉన్నానని  వైద్య పరీక్షల కొరకు ఆర్థిక సహాయం చేయవలసిందిగా PGRS కార్యక్రమంలో జిల్లా కలెక్టర్ కు వినతలు అందజేశారు

దీనిపై జిల్లా కలెక్టర్ సుమిత్ కుమార్ స్పందిస్తూ, సంబంధిత అధికారులు ఫిర్యాదుదారుడి  ధ్రువీకరణ పత్రాలు, అర్హత వివరాలను క్షేత్రస్థాయిలో పరిశీలించి 3 రోజుల్లోపు  ఆర్థిక ఆర్థిక సహాయం అందజేయాలని, జిల్లా ప్రణాళిక అధికారి, మరియు డి ఆర్ డి ఎ పి డి ని ఆదేశించారు.

అంతర్రాష్ట్ర ద్విచక్ర వాహనాల దొంగల ముఠా అరెస్టు – ముగ్గురు ముద్దాయిల అరెస్టు

*అంతర్రాష్ట్ర ద్విచక్ర వాహనాల దొంగల ముఠా అరెస్టు – ముగ్గురు ముద్దాయిల అరెస్టు*

*సుమారు రూ.3.50 లక్షలు విలువ గల నాలుగు దొంగిలించబడిన ద్విచక్ర వాహనాలు స్వాధీనం.*

*చెడు అలవాట్ల కారణంగా దొంగాతనలాకు పాల్పడుతున్న ముఠా.*

చిత్తూరు ఫస్ట్ న్యూస్ 4 యు:

బంగారుపాళ్యం పోలీస్ స్టేషన్ పరిధిలో, అలాగే చిత్తూరు జిల్లా పరిసర ప్రాంతాల్లో ద్విచక్ర వాహనాల దొంగతనాలకు పాల్పడుతున్న అంతర్రాష్ట్ర దొంగల ముఠాకు చెందిన ముగ్గురు ముద్దాయిలను బంగారుపాళ్యం పోలీసులు అరెస్టు చేశారు. వారి వద్ద నుంచి నాలుగు దొంగిలించబడిన ద్విచక్ర వాహనాలను స్వాధీనం చేసుకున్నారు. స్వాధీనం చేసుకున్న వాహనాల మొత్తం విలువ సుమారు రూ.3,50,000/-.

బంగారుపాళ్యం పోలీస్ స్టేషన్ Cr.No.160/2026 U/sec.303(2) BNS కేసులో, బంగారుపాళ్యం మండలం కటప్పగారిపల్లి సమీపంలోని శ్రీ వారి హోటల్ వద్ద పార్క్ చేసిన Suzuki Access (AP-03-CX-0050) ద్విచక్ర వాహనం దొంగతనానికి గురైనట్లు ఫిర్యాదు అందడంతో కేసు నమోదు చేసి దర్యాప్తు చేపట్టారు.

దర్యాప్తులో భాగంగా, జిల్లా ఎస్పీ శ్రీ తుషార్ డూడి, IPS గారి ఆదేశాల మేరకు 28-09-2026 తేదీన బంగారుపాళ్యం పోలీస్ స్టేషన్ ఇన్స్పెక్టర్ శ్రీ కత్తి శ్రీనివాసులు, ఎస్‌.ఐ. టి. ప్రసాద్ మరియు సిబ్బంది చిత్తూరు–పలమనేరు NH-69 హైవే రోడ్డుపై వాహన తనిఖీలు నిర్వహిస్తున్నారు.

ఈ క్రమంలో పోలీసులను గమనించి వెనక్కి తిరిగి పారిపోవడానికి ప్రయత్నించిన ముగ్గురు వ్యక్తులను పోలీసులు అనుమానాస్పదంగా గుర్తించి అదుపులోకి తీసుకున్నారు. వారిని విచారించగా, వారు తమిళనాడు రాష్ట్రానికి చెందిన విగ్నేష్ కుమార్ సెల్వం @ విగ్నేష్, బి.చంద్రు బీమన్, జి.విజయ్ గా గుర్తించారు.

విచారణలో ఆర్థిక అవసరాలు మరియు చెడు అలవాట్ల కారణంగా తమిళనాడు–ఆంధ్రప్రదేశ్ సరిహద్దు ప్రాంతాల్లో ద్విచక్ర వాహనాల దొంగతనాలకు పాల్పడుతున్నట్లు వెల్లడించారు.

వారి వాంగ్మూలం మరియు వారు చూపించిన ప్రదేశం ఆధారంగా కటప్పగారిపల్లి క్రాస్ సమీపంలోని మూసివేయబడిన మహా జ్యూస్ ఫ్యాక్టరీ ప్రాంగణంలోని షెడ్‌లో దాచిపెట్టిన నాలుగు దొంగిలించబడిన ద్విచక్ర వాహనాలను బంగారుపాలెం పోలీసులు స్వాధీనం చేసుకున్నారు.

*అరెస్టు చేసిన ముద్దాయిల వివరాలు:*

1. విగ్నేష్ కుమార్ సెల్వం @ విగ్నేష్, వయస్సు 20 సంవత్సరాలు, తండ్రి: సెల్వం, నివాసం: నెం.197, ఓల్డ్ కాలనీ, వడపుదుపట్టు గ్రామం, అంబూర్ తాలూకా, వేలూరు జిల్లా, తమిళనాడు.

2. బి. చంద్రు భీమన్, వయస్సు 24 సంవత్సరాలు, తండ్రి: భీమన్, నివాసం: మెయిన్ రోడ్, పుదూర్, మెల్వాయితినంకుప్పం (ఎం.వి. కుప్పం), మెల్పట్టి పోస్ట్, పెర్నాంబట్టు తాలూకా, వేలూరు జిల్లా, తమిళనాడు.

3. జి. విజయ్, వయస్సు 26 సంవత్సరాలు, తండ్రి: జ్ఞానప్రకాశం, డోర్ నెం.1/157, కనారు స్ట్రీట్, సమరీశికుప్పం గ్రామం (ఎస్.ఆర్. కుప్పం), ఎం.వి. కుప్పం పోస్ట్, పెర్నాంబట్టు తాలూకా, వేలూరు జిల్లా, తమిళనాడు.

*రికవరీ చేసిన దొంగిలించబడిన ద్విచక్ర వాహనాలు:*

1. Suzuki Access – AP-03-CX-0050, విలువ సుమారు రూ.80,000/- బంగారుపాళ్యం PS Cr.No.160/2026.

2. TVS Jupiter – TN-23-DJ-4505, విలువ సుమారు రూ.1,30,000/- బంగారుపాళ్యం PS Cr.No.158/2026

3. Suzuki Access – AP-40-CE-2237 విలువ సుమారు రూ.50,000/- చిత్తూరు తాలూకా PS Cr.No.44/2026

4. Suzuki Access – AP-40-EE-0028, విలువ సుమారు రూ.90,000/- చిత్తూరు II టౌన్ PS Cr.No.106/2026

*రికవరీ చేసిన నాలుగు ద్విచక్ర వాహనాల మొత్తం విలువ సుమారు రూ.3,50,000/-.*

అదేవిధంగా, నేరాలకు ఉపయోగించిన Bajaj Pulsar NS200, Reg.No.TN-18-BA-8212 ద్విచక్ర వాహనాన్ని పోలీసులు స్వాదీనం చేసుకున్నారు.

అరెస్టు చేసిన ముగ్గురు ముద్దాయిలను న్యాయస్థానంలో హాజరుపరిచి రిమాండ్‌కు తరలించారు. ఈ ముఠా ద్వారా మరిన్ని ద్విచక్ర వాహనాల దొంగతనాలు జరిగాయా అనే కోణంలో పోలీసులు దర్యాప్తు కొనసాగిస్తున్నామని బంగారుపాళ్యం U/G పోలీస్ స్టేషన్ ఇన్స్పెక్టర్ శ్రీ కత్తి శ్రీనివాసులు గారు తెలిపారు.

కాపర్ వైర్ల చోరీ కేసు ఛేదింపు – 4 గురు అరెస్ట్ - 15 లక్షల విలువ గల 280 కిలోల కాపర్ వైర్లు, 2 ద్విచక్ర వాహనాలు స్వాధీనం.

*కాపర్ వైర్ల చోరీ కేసు ఛేదింపు – 4 గురు అరెస్ట్ - 15 లక్షల విలువ గల 280 కిలోల కాపర్ వైర్లు, 2 ద్విచక్ర వాహనాలు స్వాధీనం.*

చిత్తూరు ఫస్ట్ న్యూస్ 4 యు:

చిత్తూరు జిల్లా ఎస్పీ  తుషార్ డూడి  ఆదేశాల మేరకు కుప్పం సబ్-డివిజన్ ASP  బొడ్డు హేమంత్, పర్యవేక్షణలో, కుప్పం రూరల్ ఇన్స్పెక్టర్ . మల్లేశ్ యాదవ్ ఆధ్వర్యంలో ప్రత్యేక బృందాలు ఏర్పాటు చేసి కాపర్ వైర్ల చోరీ కేసును ఛేదించి నలుగురు నిందితులను అరెస్ట్ చేశారు.

*కేసు వివరాలు:*

2026 జూలై 18వ తేదీన గుడుపల్లి మండలం పొగురుపల్లి ఇండస్ట్రియల్ ఏరియాలోని ABIS కంపెనీలో కాపర్ వైర్లు చోరీ జరిగినట్లు అందిన ఫిర్యాదు మేరకు గుడుపల్లి పోలీస్ స్టేషన్‌లో Cr.No.55/2026 U/s 303(2) BNS కింద కేసు నమోదు చేశారు.

కేసును ఛేదించేందుకు కుప్పం రూరల్ CI ఆధ్వర్యంలో ప్రత్యేక బృందాలను ఏర్పాటు చేసి దర్యాప్తు చేపట్టారు. దర్యాప్తులో భాగంగా **CCTV ఫుటేజ్‌ను పరిశీలించగా మూడు ద్విచక్ర వాహనాలపై ఆరుగురు వ్యక్తులు వచ్చినట్లు** గుర్తించారు.

అదేవిధంగా, ఆధునిక సాంకేతిక పరిజ్ఞానాన్ని ఉపయోగిస్తూ నిందితుల కదలికలను విశ్లేషించి వారి ఆచూకీని గుర్తించారు.

దర్యాప్తులో నిందితులు చోరీ చేసిన కాపర్ వైర్లను కొద్దికొద్దిగా **కుప్పం మరియు తమిళనాడులోని పాత సామాన్ల దుకాణాల్లో విక్రయించినట్లు** వెల్లడైంది. నిందితులు గతంలో కూడా ఇలాంటి చోరీలకు పాల్పడినట్లు విచారణలో తేలింది.

అరెస్ట్ చేసిన నిందితులు:

A-1: M. మధు (24), ఇతనిపై కర్ణాటక రాష్ట్రం, చింతామణి తాలూకా, బట్లహళ్లి పోలీస్ స్టేషన్‌లో Cr.No.22/2026 U/s 303(2) BNS కింద వైరు దొంగతనం కేసు నమోదై ఉంది.

*A-2: V. సంతోష్ (21)*

*A-3: V. మురుగన్ (30)*

*A-4: A. విజయ్ (30)*

*స్వాధీనం చేసుకున్న సొత్తు:*

1. *సుమారు 280 కిలోల రాగి (కాపర్) వైర్లు*

2. *Hero Splendor+ XTEC* – AP40HJ5385

3. *TVS Jupiter 125* – AP40AJ2409

*చోరీకి ఉపయోగించిన రెండు ద్విచక్ర వాహనాలను కూడా పోలీసులు స్వాధీనం చేసుకున్నారు.*

ఈ కేసును ఛేదించడంలో ప్రత్యేక ప్రతిభ కనబరిచిన కుప్పం రూరల్ CI J. మల్లేశ్ యాదవ్, గుడుపల్లి SI  D. శ్రీనివాసులు, రాళ్లబూదుగూరు SI  I. నరేశ్, హెడ్ కానిస్టేబుల్స్ అనిల్ కుమార్, నటరాజ్, PCలు రత్నప్ప, హరీష్, రామకుమార్, కుమారాచారి, మంజునాథ్, అరుణాచలం, రాజేంద్రలను ఎస్పీ  అభినందించారు.

సైన్స్ ద్వారానే ప్రజలలో సమస్యలు పరిష్కారం అవుతాయి* - విఠపు బాలసుబ్రమణ్యం

 *సైన్స్ ద్వారానే ప్రజలలో సమస్యలు పరిష్కారం అవుతాయి*

- విఠపు బాలసుబ్రమణ్యం

    

చిత్తూరు ఫస్ట్ న్యూస్ 4 యు: 

జనవిజ్ఞాన వేదిక జిల్లా స్థాయి చెకుముకి సైన్స్  సంబరాలు ఇవాళ విజయం ఇంజనీరింగ్ కాలేజ్ చిత్తూరులో ఘనంగా జరిగింది ఈ సభలో ముఖ్య అతిథిగా హాజరైన   విఠపు బాలసుబ్రమణ్యం  మాట్లాడుతూ నార్మల్ బోర్లాంగ్ పొట్టి రకాల వరి వంగడాలు కనిపెట్టడం ద్వారా కోట్ల మంది ఆకలి తీర్చి భారతదేశము స్వయం సమృద్ధిని సాధించేందుకు తోడ్పడ్డారు. సైన్స్ ద్వారానే ప్రజల సమస్యలు పరిష్కారం అవుతుంది అని పేర్కొన్నారు. 

        జిల్లా వ్యాప్తంగా 28 మండలాల నుంచి 40 టీములు ఈ జిల్లా స్థాయి చెకుముకి సైన్స్  సంబరాల్లో పాల్గొన్నాయి. ఉదయం స్క్రీన్ టెస్ట్, అందులో ఎన్నికైన వాళ్ళకి క్విజ్ ప్రోగ్రాం నిర్వహించడం జరిగింది. ఇందులో ప్రభుత్వ, ప్రైవేట్ పాఠశాలలో మొదటి స్థానంలో వచ్చిన రెండు టీములు నవంబర్ 1, 2 ,3 తేదీలలో భీమవరంలో జరగబోయే రాష్ట్రస్థాయి చెకుముకి సైన్స్ సంబరాలలో పాల్గొంటారు. 

    జిల్లా అధ్యక్షులు అరుణ్ శివప్రసాద్ గారు నిర్వహించిన కార్యక్రమంలో   భాగంగా చిత్తూరు జిల్లా ప్రధాన కార్యదర్శి యుగంధర్ బాబు రాసిన ప్రయోగాలతో శాస్త్రీయ దృక్పథం  పుస్తకాన్ని విఠపు బాలసుబ్రమణ్యం గారు ఆవిష్కరించారు. పాల్గొన పిల్లలందరికీ ఈ పుస్తకాలు బహుకరించారు. విజయం విద్యాసంస్థల అధినేత  శైలజ పాల్గొని శుభాకాంక్షలు తెలియజేశారు.

  ఎం వి కేశవరెడ్డి మెమోరియల్ ఫౌండేషన్ తరఫున శ్రీధర్ రెడ్డి గారు  పాఠశాలలకు మెమెంటోస్ ఇచ్చారు. ఈ కార్యక్రమంలో ఫిలింఫేర్ ఖాన్, పిల్లారప్ప ,వేణుగోపాల్, విజయ్ కుమార్ లు వ్యవహరించారు. 

            ఈ కార్యక్రమంలో జయంతి , పర్యావరణ విభాగం సుధాకర్, గిరిధర్ మూర్తి, నాగేశ్వరరావు ,ZSSనాయుడు, బాబు, సుదర్శనాచారి ఇతరులు పాల్గొన్నారు. 

ప్రభుత్వ పాఠశాలల నుండి *జిల్లా పరిషత్ పాఠశాల పులిచెర్ల*,ప్రైవేట్ రంగంలో *రెయిన్బో ఇంగ్లీష్ ఫీడింగ్ హై స్కూల్* చిత్తూరు మొదటి స్థానంలో నిలిచారు.

బ్యాంక్ ఖాతా ఫ్రీజ్ అయితే ఆందోళన చెందవద్దు – ముందుగా కారణాన్ని తెలుసుకుని చట్టబద్ధమైన విధానంలో చర్యలు తీసుకోండి.

బ్యాంక్ ఖాతా ఫ్రీజ్ అయితే ఆందోళన చెందవద్దు – ముందుగా కారణాన్ని తెలుసుకుని చట్టబద్ధమైన విధానంలో చర్యలు తీసుకోండి.

*ఖాతాపై విధించిన ఫ్రీజ్ లేదా లియన్ వివరాలను బ్యాంకు నుంచి తెలుసుకుని, అవసరమైన ఆధారాలను సంబంధిత అధికారులకు సమర్పించండి.*

*సైబర్ నేరాలకు సంబంధించిన లావాదేవీలతో ఖాతాకు సంబంధం ఉన్నట్లయితే దర్యాప్తుకు పూర్తిగా సహకరించాలి 

– జిల్లా ఎస్పీ  తుషార్ డూడి

చిత్తూరు ఫస్ట్ న్యూస్ 4 యు 

*చిత్తూరు జిల్లా ప్రజలకు జిల్లా ఎస్పీ  తుషార్ డూడి,  బ్యాంక్ ఖాతా ఫ్రీజ్ అయిన సందర్భంలో తీసుకోవాల్సిన చర్యలు, పాటించాల్సిన జాగ్రత్తలపై ముఖ్యమైన సూచనలు చేశారు.*

*కొన్ని సందర్భాల్లో బ్యాంక్ ఖాతాలపై *డెబిట్ ఫ్రీజ్, లియన్, హోల్డ్ లేదా ఇతర ఆంక్షలు* విధించబడే అవకాశం ఉందని తెలిపారు. ఇవి సైబర్ నేరాల దర్యాప్తు, చట్టపరమైన ఆదేశాలు, బ్యాంకింగ్/నియంత్రణ సంబంధిత కారణాలు లేదా ఇతర కారణాల వల్ల ఉండవచ్చని, అందువల్ల ఖాతా ఫ్రీజ్ అయిన వెంటనే ఆందోళన చెందకుండా ముందుగా ఖాతాపై ఆంక్ష విధించడానికి గల కారణాన్ని తెలుసుకోవాలని జిల్లా ఎస్పీ గారు ఒక ప్రకటనలో తెలిపారు.*

సైబర్ నేరాల దర్యాప్తులో భాగంగా అనుమానాస్పద లేదా వివాదాస్పద లావాదేవీలతో సంబంధం ఉన్న బ్యాంక్ ఖాతాలను పరిశీలించే అవకాశం ఉంటుందని ఎస్పీ గారు తెలిపారు. కొన్ని సందర్భాల్లో వ్యక్తి స్వయంగా సైబర్ నేరానికి పాల్పడకపోయినా, సైబర్ నేరానికి సంబంధించిన నగదు లావాదేవీ తమ ఖాతా ద్వారా జరిగిన కారణంగా ఖాతా కూడా దర్యాప్తులోకి రావచ్చని పేర్కొన్నారు.

*బ్యాంక్ ఖాతా ఫ్రీజ్ అయితే ఏం చేయాలి?*

*1. ముందుగా సంబంధిత బ్యాంకును సంప్రదించాలి*

ఖాతా ఎందుకు ఫ్రీజ్ అయిందో, ఖాతాపై *Debit Freeze / Lien / Hold* వంటి ఏ రకమైన ఆంక్ష విధించబడిందో బ్యాంకు అధికారులను అడిగి తెలుసుకోవాలి.

అలాగే, అందుబాటులో ఉంటే *ఫిర్యాదు లేదా రిఫరెన్స్ నంబర్, సంబంధిత పోలీసు విభాగం, దర్యాప్తు అధికారి లేదా ఇతర సంబంధిత అధికారుల వివరాలను* బ్యాంకు నుంచి తెలుసుకోవాలి.

*2. ఖాతా మరియు లావాదేవీలకు సంబంధించిన ఆధారాలను సిద్ధంగా ఉంచుకోవాలి*

ఖాతా స్టేట్‌మెంట్, UPI/NEFT/IMPS లావాదేవీల వివరాలు, Transaction IDలు, చెల్లింపు రసీదులు, ఇన్వాయిస్‌లు, కొనుగోలు/అమ్మకాల వివరాలు, సంబంధిత వ్యక్తులతో జరిగిన కమ్యూనికేషన్ మరియు ఇతర అవసరమైన పత్రాలను భద్రపరచుకోవాలి.

సైబర్ నేరానికి సంబంధించిన ఫిర్యాదుల్లో బ్యాంక్ స్టేట్‌మెంట్లు, ఆన్‌లైన్ మనీ ట్రాన్స్‌ఫర్ రసీదులు మరియు ఇతర సంబంధిత ఆధారాలు ముఖ్యమైనవిగా ఉంటాయి.

*3. సైబర్ నేర దర్యాప్తు కారణంగా ఖాతా ఫ్రీజ్ అయితే సంబంధిత దర్యాప్తు అధికారిని సంప్రదించాలి*

బ్యాంకు ద్వారా అందిన వివరాల ప్రకారం ఖాతా సైబర్ నేరానికి సంబంధించిన దర్యాప్తులో భాగంగా ఫ్రీజ్ చేయబడినట్లయితే, సంబంధిత దర్యాప్తు అధికారిని సంప్రదించి తమ ఖాతా మరియు లావాదేవీలకు సంబంధించిన వాస్తవాలను వివరించాలి.

తాము చట్టబద్ధంగా నిర్వహించిన లావాదేవీలకు సంబంధించిన బ్యాంక్ స్టేట్‌మెంట్లు, Transaction IDs, UPI వివరాలు, రసీదులు, ఇన్వాయిస్‌లు మరియు ఇతర సంబంధిత ఆధారాలను దర్యాప్తు అధికారికి సమర్పించాలి.

*4. బ్యాంక్ మేనేజర్‌కు లిఖితపూర్వకంగా దరఖాస్తు సమర్పించాలి*

ఖాతా ఫ్రీజ్‌కు సంబంధించిన సమస్యపై ఖాతాదారుడు సంబంధిత బ్యాంక్ బ్రాంచ్ మేనేజర్‌కు లిఖితపూర్వకంగా దరఖాస్తు (Grievance/Representation) సమర్పించాలి. దరఖాస్తులో ఖాతా వివరాలు, ఖాతాపై విధించిన ఫ్రీజ్/లియన్ వివరాలు, సంబంధిత రిఫరెన్స్ నంబర్, లావాదేవీల వివరాలు మరియు తమ వద్ద ఉన్న సంబంధిత ఆధారాలను జత చేయాలి. ఖాతాదారుడు సమర్పించిన దరఖాస్తు ఆధారంగా సంబంధిత బ్యాంక్ మేనేజర్ GRM (Grievance Redressal Mechanism) పోర్టల్‌లో ఫిర్యాదును నమోదు చేస్తారు.

GRMలో ఫిర్యాదు నమోదు చేసిన అనంతరం Acknowledgement / Reference Number తప్పనిసరిగా తీసుకుని భద్రపరచుకోవాలి. తదుపరి అవసరమైన సమాచారాన్ని లేదా పత్రాలను సంబంధిత బ్యాంకు/అధికారులు కోరినప్పుడు సమర్పించాలి.

*5. దర్యాప్తుకు పూర్తిగా సహకరించాలి*

తమ ఖాతాలోకి డబ్బు ఎలా వచ్చింది, ఎవరి నుంచి వచ్చింది, ఏ కారణంతో లావాదేవీ జరిగింది వంటి వివరాలను సంబంధిత ఆధారాలతో స్పష్టంగా తెలియజేయాలి.

సంబంధిత అధికారులు అందించిన సమాచారం మరియు ఆధారాలను పరిశీలించి, దర్యాప్తు మరియు చట్టపరమైన ప్రక్రియకు అనుగుణంగా తదుపరి చర్యలు తీసుకుంటారు.

*ఖాతా ఫ్రీజ్ అయిన వెంటనే స్వయంచాలకంగా అన్‌ఫ్రీజ్ అవుతుందని భావించకూడదు.* ఖాతాపై విధించిన ఆంక్షకు కారణమైన సంబంధిత బ్యాంకు/చట్టపరమైన/దర్యాప్తు ప్రక్రియ ప్రకారం తదుపరి చర్యలు కొనసాగుతాయి.

🚨 *ప్రజలు అప్రమత్తంగా ఉండాలి* 🚨

🚨 *బ్యాంక్ ఖాతా ఫ్రీజ్ అయిందని చెప్పి “డబ్బులు చెల్లిస్తే వెంటనే ఖాతాను అన్‌ఫ్రీజ్ చేస్తాం” అని చెప్పే వ్యక్తులను నమ్మకూడదు.*

🚨* పోలీసుల పేరుతో, బ్యాంకు అధికారుల పేరుతో లేదా సైబర్ క్రైమ్ అధికారుల పేరుతో ఎవరైనా వ్యక్తిగత ఖాతాలకు డబ్బులు పంపాలని కోరితే అప్రమత్తంగా ఉండాలి.*

❌ *తమ బ్యాంక్ ఖాతాను ఇతరులు ఉపయోగించడానికి ఇవ్వకూడదు.*

❌ *తెలియని వ్యక్తుల నుంచి వచ్చిన డబ్బును ఇతర ఖాతాలకు బదిలీ చేయకూడదు.*

❌ *కమిషన్ కోసం తమ బ్యాంక్ ఖాతాను ఉపయోగించడానికి అనుమతించకూడదు.*

❌ *OTP, UPI PIN, ATM PIN, CVV, Net Banking Password వంటి రహస్య వివరాలను ఎవరికీ వెల్లడించకూడదు.*

*అనుమానాస్పద లావాదేవీలు కనిపిస్తే వెంటనే బ్యాంకును లేదా సైబర్ పోలీసులను సంప్రదించాలి.*

ఆన్‌లైన్ ఆర్థిక మోసానికి గురైన వ్యక్తులు ఆలస్యం చేయకుండా 1930 సైబర్ క్రైమ్ హెల్ప్‌లైన్‌కు ఫోన్ చేయాలి. అలాగే National Cyber Crime Reporting Portal – cybercrime.gov.in** ద్వారా ఫిర్యాదు నమోదు చేయాలి.

మోసం జరిగిన వెంటనే ఫిర్యాదు చేయడం ద్వారా సంబంధిత లావాదేవీలపై సకాలంలో చర్యలు తీసుకునే అవకాశం ఉంటుందని జిల్లా ఎస్పీ గారు తెలిపారు.

ప్రజలు తమ బ్యాంక్ ఖాతాలను ఇతరులకు ఉపయోగించడానికి ఇవ్వకుండా, ప్రతి ఆన్‌లైన్ లావాదేవీ విషయంలో అప్రమత్తంగా ఉండాలని, అనుమానాస్పద లావాదేవీల విషయంలో వెంటనే సంబంధిత బ్యాంకు మరియు పోలీసు అధికారులను సంప్రదించాలని జిల్లా ఎస్పీ శ్రీ తుషార్ డూడి, IPS గారు సూచించారు.

చీఫ్ ఎలక్షన్ కమిషనర్ తక్షణమే రాజీనామా చేయాలి

 చీఫ్ ఎలక్షన్ కమిషనర్ తక్షణమే రాజీనామా చేయాలి

*సీపీఐ రాష్ట్ర ప్లీనరీ సమావేశాలను జయప్రదం చేయండి*

*సీపీఐ జిల్లా కార్యదర్శి ఎస్. నాగరాజన్, సహాయ కార్యదర్శి   కె. శివారెడ్డి*

చిత్తూరు ఫస్ట్ న్యూస్ 4 యు:

భారత కమ్యూనిస్టు పార్టీ (సీపీఐ) చిత్తూరు నగర సమితి సమావేశం స్థానిక సీపీఐ కార్యాలయంలో నగర నాయకులు కామ్రేడ్ కే.మణి అధ్యక్షతన నిర్వహించారు. ఈ సమావేశానికి ముఖ్య అతిథులుగా సీపీఐ జిల్లా కార్యదర్శి ఎస్. నాగరాజన్, జిల్లా సహాయ కార్యదర్శి కె. శివారెడ్డి హాజరై మాట్లాడారు.

దేశంలో ప్రజాస్వామ్య వ్యవస్థకు, ఓటు హక్కుకు రక్షణ కల్పించాల్సిన ఎన్నికల సంఘం తన బాధ్యతలను నిష్పక్షపాతంగా నిర్వర్తించాలని వారు డిమాండ్ చేశారు. ఎన్నికల ప్రక్రియపై ప్రజల్లో అనేక అనుమానాలు, ఆందోళనలు వ్యక్తమవుతున్న నేపథ్యంలో ఎన్నికల సంఘం పారదర్శకంగా వ్యవహరించాల్సిన అవసరం ఉందన్నారు. SIR ప్రక్రియ పేరుతో అర్హులైన ఓటర్ల పేర్లు తొలగించకుండా, ప్రతి అర్హుడైన పౌరుడి ఓటు హక్కును కాపాడాలని డిమాండ్ చేశారు.

ప్రజాస్వామ్యంలో ఓటు హక్కు అత్యంత కీలకమైన రాజ్యాంగ హక్కు అని, ఎలాంటి కారణంతోనూ అర్హులైన పౌరులను ఓటు హక్కుకు దూరం చేయడం సరికాదన్నారు. ఓటర్ల జాబితాల సవరణ ప్రక్రియలో పూర్తి పారదర్శకత పాటించాలని, తొలగింపులకు గురైన అర్హులైన ఓటర్లకు న్యాయం చేయాలని కోరారు. ఎన్నికల సంఘం పనితీరుపై ప్రజల్లో నెలకొన్న సందేహాలకు స్పష్టమైన సమాధానాలు ఇవ్వాల్సిన బాధ్యత కేంద్ర ఎన్నికల సంఘంపై ఉందన్నారు ఎన్నికల సంఘం కమిటీ లో సభ్యులు గా ఉన్నటువంటి ఇద్దరు అధికారులు సర్ లో ఉన్న అభ్యంతరాలును వ్యతిరేకించిన చీఫ్ ఎలక్షన్ కమిషనర్ పట్టించుకోకుండా ఏకపక్షంగా నిర్ణయం తీసుకోవడం సరికాదని చీఫ్ ఎలక్షన్ కమిషనర్ రాజీనామా చేయాలని సిపిఐ డిమాండ్ చేసింది

రైతులను ఆదుకోవడంలో ప్రభుత్వం విఫలం

ఆంధ్రప్రదేశ్‌లో వర్షాభావ పరిస్థితులు, ఎల్‌నినో ప్రభావంతో అనేక ప్రాంతాల్లో పంటలు దెబ్బతిని రైతులు తీవ్ర ఇబ్బందులు ఎదుర్కొంటున్నారని నాయకులు తెలిపారు. పంటలు ఎండిపోవడం, పెట్టుబడులు పెరగడం, దిగుబడులు తగ్గిపోవడం వల్ల రైతులు ఆర్థికంగా నష్టపోతున్నారని ఆవేదన వ్యక్తం చేశారు.

రాష్ట్రంలోని కరువు పరిస్థితులను సమగ్రంగా అంచనా వేసి రైతులకు తక్షణమే నష్టపరిహారం అందించాలని, పంట నష్టాన్ని అంచనా వేసి రైతులను ఆదుకునేందుకు ప్రత్యేక ప్యాకేజీ ప్రకటించాలని డిమాండ్ చేశారు. కరువు పరిస్థితులను జాతీయ విపత్తుగా ప్రకటించే అంశంపై కేంద్ర ప్రభుత్వంపై రాష్ట్ర ప్రభుత్వం ఒత్తిడి తీసుకురావాలని కోరారు.

రాష్ట్ర ప్లీనరీలో ప్రజా సమస్యలపై చర్చ

రాష్ట్రంలో నెలకొన్న ప్రజా సమస్యలు, రైతులు, కార్మికులు, విద్యార్థులు, యువత ఎదుర్కొంటున్న సమస్యలు, ధరల పెరుగుదల, ఉపాధి అవకాశాలు తదితర అంశాలపై సీపీఐ రాష్ట్ర ప్లీనరీ సమావేశాల్లో విస్తృతంగా చర్చించనున్నట్లు నాయకులు తెలిపారు.

కడప మహానగరంలో నాలుగు రోజుల పాటు జరగనున్న సీపీఐ రాష్ట్ర ప్లీనరీ సమావేశాల్లో రాష్ట్ర రాజకీయ, సామాజిక, ఆర్థిక పరిస్థితులను సమగ్రంగా సమీక్షించి, ప్రజా సమస్యల పరిష్కారం కోసం భవిష్యత్ కార్యాచరణను రూపొందిస్తామని తెలిపారు. రాష్ట్రంలో ప్రజా సమస్యలపై మరింత బలమైన ఉద్యమాలను చేపట్టేందుకు ప్లీనరీ సమావేశాలు దిశానిర్దేశం చేస్తాయని పేర్కొన్నారు.

సీపీఐ రాష్ట్ర ప్లీనరీ సమావేశాలను విజయవంతం చేయాలని, పార్టీ శ్రేణులు, ప్రజా సంఘాల నాయకులు, కార్యకర్తలు పెద్ద సంఖ్యలో పాల్గొని జయప్రదం చేయాలని వారు పిలుపునిచ్చారు.

ఈ సమావేశంలో సీపీఐ నగర కార్యదర్శి వి.సి. గోపీనాథ్, నగర కార్యవర్గ సభ్యులు కే.మణి, దాసరి చంద్ర, విజయ్ కుమార్, విజయ్ గౌరీ, రమాదేవి, జమీలాభి, కుమారి, బాలాజీ రావు, కోమల, రఘు, ఫైరోజ్ తదితరులు పాల్గొన్నారు.

గ్లోబల్ హార్టికల్చర్ హబ్‌పై రీల్‌/వీడియో పోటీ*

*గ్లోబల్ హార్టికల్చర్ హబ్‌పై రీల్‌/వీడియో పోటీ* 

*వచ్చేనెల 2 వ తేదీ మదనపల్లె  ముఖ్యమంత్రి పర్యటనలో ఉత్తమ 5 వీడియోల ప్రదర్శన : జిల్లా కలెక్టర్ సుమిత్ కుమార్* 

చిత్తూరు ఫస్ట్ న్యూస్ 4 యు, సెప్టెంబర్ 26: 

రాయలసీమను ప్రపంచ ఉద్యాన కేంద్రంగా అభివృద్ధి చేసే లక్ష్యంతో చేపడుతున్న “గ్లోబల్ హార్టికల్చర్ హబ్ – రాయలసీమ రైజింగ్ – రాయలసీమ విజయీభవ” కార్యక్రమంపై సోషల్‌ మీడియా ఇన్‌ఫ్లుయెన్సర్లు, వీడియో మేకర్లు, విద్యార్థులు, ఇతర ఆసక్తి ఉన్నవారికి రీల్‌/వీడియో పోటీ నిర్వహిస్తున్నట్లు జిల్లా కలెక్టర్‌ సుమిత్ కుమార్ ఓ ప్రకటనలో తెలిపారు.

రాయలసీమ, ప్రకాశం, మార్కాపురం ప్రాంతాలను భారతదేశపు గ్లోబల్‌ హార్టికల్చర్‌ హబ్‌గా అభివృద్ధి చేసే విధానాన్ని సృజనాత్మకంగా, వినూత్నంగా ప్రజలకు వివరించేలా వీడియోలను రూపొందించాలని కలెక్టర్‌ సూచించారు. ఒక జిల్లా లేదా ఒక ఉద్యాన ఉత్పత్తిని ప్రధాన అంశంగా తీసుకుని కూడా వీడియో రూపొందించవచ్చని తెలిపారు.

60 నుంచి 90 సెకన్ల వ్యవధి కలిగిన రీల్‌/వీడియోలను సెప్టెంబర్‌ 26 నుంచి సెప్టెంబర్‌ 30వ తేదీ మధ్యాహ్నం 12 గంటలలోపు వివిధ సామాజిక మాధ్యమ వేదికల్లో పోస్ట్‌ చేయాలని సూచించారు. ఎంపికైన ఉత్తమ 5 వీడియోలను మదనపల్లెలో వచ్చే నెల 2వ తేదీ ముఖ్యమంత్రి పర్యటన సందర్భంగా 50 వేల మంది ప్రజల సమక్షంలో జరిగే ప్రధాన కార్యక్రమంలో ప్రదర్శించనున్నట్లు జిల్లా కలెక్టర్‌ తెలిపారు.

ఈ కార్యక్రమంలో గౌరవ ముఖ్యమంత్రి శ్రీ నారా చంద్రబాబు నాయుడితో పాటు కేంద్ర ఆర్థిక మంత్రి శ్రీమతి నిర్మలా సీతారామన్‌ కూడా వీడియోలను తిలకించనున్నట్లు తెలిపారు. ఎంపికైన విజేతలను ప్రముఖుల చేతుల మీదుగా సత్కరించనున్నట్లు పేర్కొన్నారు.

సెప్టెంబర్‌ 30వ తేదీ ముగిసేలోగా విజేతలను ఖరారు చేసి, అక్టోబర్‌ 1వ తేదీన వారికి సమాచారం అందించనున్నట్లు తెలిపారు.

వీడియోలో ఉపయోగించాల్సిన హ్యాష్‌ట్యాగ్‌లు

#RayalaseemaVijayeebhava

#RayalaseemaRising

#GlobalHorticultureHub

#PrapanchaUdhyanaKendram

#APOfficialNews

రీల్‌/వీడియోలను పోస్ట్‌ చేసే సమయంలో APDC అధికారిక ఇన్‌స్టాగ్రామ్‌ ఖాతా @APOfficialNewsను ట్యాగ్‌ చేయడం, కొలాబరేట్‌ చేయడం లేదా మెన్షన్‌ చేయడానికి ప్రాధాన్యత ఇవ్వాలని సూచించారు.

రాయలసీమలో ఉద్యాన పంటల విస్తరణ, సూక్ష్మ నీటిపారుదల, రైతులకు మార్కెట్‌ అనుసంధానం, ఆహార ప్రాసెసింగ్‌, కోల్డ్‌చైన్‌, ఎగుమతులు, గ్రామీణ మౌలిక వసతుల అభివృద్ధి వంటి అంశాలను సృజనాత్మకంగా ప్రజలకు చేరువ చేసేలా వీడియోలను రూపొందించాలని  కోరారు.

రైల్వే లెవెల్ క్రాసింగ్‌ వద్ద మరమ్మతులు – 29 నుంచి అక్టోబర్‌ 1 వరకు ట్రాఫిక్‌ మళ్లింపు :

రైల్వే లెవెల్ క్రాసింగ్‌ వద్ద మరమ్మతులు – 29 నుంచి అక్టోబర్‌ 1 వరకు ట్రాఫిక్‌ మళ్లింపు : 

జిల్లా కలెక్టర్ సుమిత్ కుమార్. 

చిత్తూరు ఫస్ట్ న్యూస్ 4 యు, సెప్టెంబర్‌ 26: 

చిత్తూరు–సిద్ధంపల్లి రైల్వే స్టేషన్ల మధ్య కిలోమీటర్‌ 31/23–25 వద్ద (మొసానికల్‌ గ్రౌండ్‌ సమీపంలో) ఉన్న రైల్వే లెవెల్‌ క్రాసింగ్‌ నెం.27 వద్ద రైల్వే శాఖ ఆధ్వర్యంలో సమగ్ర మరమ్మతు (ఓవర్‌హాలింగ్‌) పనులు చేపట్టనున్నట్లు జిల్లా కలెక్టర్‌ సుమిత్ కుమార్ శనివారం ఒక ప్రకటనలో తెలిపారు.

ప్రజల భద్రతను దృష్టిలో ఉంచుకుని రైల్వే లెవెల్‌ క్రాసింగ్‌ గేటు ట్రాక్‌ భాగంలో మరమ్మతు పనులు చేపట్టనున్న నేపథ్యంలో 29.09.2026 నుంచి 01.10.2026 వరకు సంబంధిత మార్గంలో రాకపోకలను ప్రత్యామ్నాయ మార్గం ద్వారా మళ్లించనున్నట్లు పేర్కొన్నారు.

ఈ నేపథ్యంలో వాహనదారులు, ప్రజలు సహకరించాలని, రైల్వే శాఖ సూచించిన ప్రత్యామ్నాయ మార్గాలను వినియోగించి ప్రయాణించాలని కోరారు. పై ప్రకటనలో తెలిపారు

కూటమి పార్టీలు ఐక్యంగా పోటీ చేస్తాయి - అన్ని స్థానాలు గెలుస్తాం

అభివృద్ధి, సంక్షేమాన్ని అందించి స్థానిక సంస్థ ఎన్నికలకు వెళ్తున్నాం..

* కూటమి పార్టీలు ఐక్యంగా పోటీ చేస్తాయి

* అన్ని స్థానాలు గెలుస్తాం

* జిల్లా ఇన్చార్జి మంత్రి మండిపల్లి రాంప్రసాద్ రెడ్డి 

చిత్తూరు ఫస్ట్ న్యూస్ 4 యు: 

ముఖ్యమంత్రి నారా చంద్రబాబు నాయుడు గారి ఆధ్వర్యంలో గత రెండున్నర సంవత్సరాలుగా రాష్ట్ర ప్రజలకు సంక్షేమం, అభివృద్ధి ఫలాలు అందించి స్థానిక సంస్థల ఎన్నికల కోసం ప్రజల ముందుకు వెళ్తున్నామని జిల్లా ఇన్చార్జి మంత్రి మండిపల్లి రాంప్రసాద్ రెడ్డి చెప్పారు. శనివారం చిత్తూరు జిల్లా తెలుగుదేశం పార్టీ కార్యాలయంలో.. చిత్తూరు జిల్లా స్థానిక సంస్థల ఎన్నికల ఇన్చార్జి కంచర్ల శ్రీకాంత్, ఎమ్మెల్యే గురజాల జగన్ మోహన్, జనసేన ఎమ్మెల్యే ధర్మరాజు, జిల్లా తెదేపా అధ్యక్షుడు షణ్ముగం రెడ్డి, భాజపా అధ్యక్షుడు జగదీశ్వర్ నాయుడు, ఇతర ముఖ్య కూటమి నాయకులతో కలిసి విలేకరులతో మాట్లాడారు. ఈ సందర్భంగా మంత్రి మాట్లాడుతూ.. 2024 సాధారణ ఎన్నికల్లో చిత్తూరు జిల్లాలో  ఏడు స్థానాల్లో కూటమి పార్టీ గెలిచిందని, ఇదే తరహాలో రానున్న స్థానిక సంస్థల ఎన్నికల్లో కూటమి పార్టీలు ఐక్యమత్యంగా పోటీ చేసి వందశాతం విజయాలు సాధిస్తామన్నారు. రానున్న మున్సిపల్ ఎన్నికలకు సంబంధించి సీట్ల సర్దుబాట్లపై చర్చించామని, తుది నిర్ణయం అధిష్టానం తీసుకుంటుందన్నారు. అధిష్టానం నిర్ణయానికి కట్టుబడి పని చేస్తామన్నారు. గత వైకాపా ప్రభుత్వంలో ఎలాంటి అభివృద్ధి పనులు చేయక.. దొడ్డిదారిన ఎన్నికలు నిర్వహించుకున్నారని ఆరోపించారు. ప్రస్తుతం కూటమి పార్టీ ఆధ్వర్యంలో అభివృద్ధి చేస్తున్నామని, రాజ్యాంగబద్ధంగా ఎన్నికలకు సిద్ధంగా ఉన్నామని చెప్పారు. మరోవైపు వైకాపా ప్రజల పక్షాన ఏనాడు పోరాటం చేయలేదని, ప్రతిపక్ష పాత్ర పోషించలేదని విమర్శించారు. ఒక్కరోజు అసెంబ్లీకి హాజరై ప్రజా సమస్యల ప్రస్తావించలేదన్నారు. ఇప్పుడు స్థానిక ఎన్నికల కోసం డ్రామాలు ఆడుతున్నారని, తప్పుడు ప్రచారాలు చేస్తున్నారన్నారు. రాష్ట్రంలో జరుగుతున్న అభివృద్ధి, సంక్షేమమే కూటమి ప్రభుత్వానికి శ్రీరామరక్ష అని.. స్థానిక సంస్థల ఎన్నికల్లో అన్ని స్థానాలు గెలిచి ముఖ్యమంత్రి, ఉప ముఖ్యమంత్రి, ప్రధాన మంత్రి గారికి బహుమతిగా అందిస్తామని ఏకగ్రీవంగా తీర్మానించినట్లు చెప్పారు. విలేకరుల సమావేశంలో జిల్లా ప్రధాన కార్యదర్శి సునీల్ చౌదరి, మాజీ ఎమ్మెల్సీ రాజసింహులు, కూటమి నాయకులు  పాల్గొన్నారు.

-------//--------

అంగన్వాడీ కార్యకర్తలకు యూనిఫాం పంపిణీ

అంగన్వాడీ కార్యకర్తలకు యూనిఫాం పంపిణీ

చిత్తూరు ఫస్ట్ న్యూస్ 4 యు:

చిత్తూరు : అంగన్వాడీ కార్యకర్తలకు రాష్ట్ర ప్రభుత్వం అందించిన సమ దుస్తులు (యూనిఫాం) లను ఎమ్మెల్యే గురజాల జగన్ మోహన్ గారు పంపిణీ చేశారు. శుక్రవారం ఎమ్మెల్యే వారి కార్యాలయంలో ఏర్పాటు చేసిన కార్యక్రమంలో చిత్తూరు నియోజకవర్గ పరిధిలో 227 అంగన్వాడీ కేంద్రాలకు సంబంధించి అంగన్వాడీ కార్యకర్తలు, సహాయకులకు రాష్ట్ర ప్రభుత్వం ఒక జత యూనిఫామ్ అందించగా.. ఎమ్మెల్యే..  వాటిని అంగన్వాడీ కార్యకర్తలకు పంపిణీ చేశారు. ఈ సందర్భంగా ఎమ్మెల్యే మాట్లాడుతూ.. అంగన్వాడి కేంద్రాల్లో చిన్నారులకు పౌష్టికాహారం సక్రమంగా అందేలా చూడాలని, అంగన్వాడీ కేంద్రాలను ఆదర్శంగా నిర్వహించి ప్రభుత్వానికి మంచి పేరు వచ్చేలా చూడాలన్నారు. కార్యక్రమంలో చుడా చైర్ పర్సన్ కఠారి హేమలత, మాజీ ఎమ్మెల్సీ బీఎన్ రాజసింహులు, కాజూరు బాలాజీ, సీడీపీవో శ్యామ సుగుణ, అంగన్వాడీ కార్యకర్తలు పాల్గొన్నారు.

మత్యం ముట్కూరు గ్రామంలో ద్రౌపతి సమేత ధర్మరాజులు ఆలయంలో హరికథ మరియు నాటకం విలాటపర్వం

 మత్యం ముట్కూరు గ్రామంలో ద్రౌపతి సమేత ధర్మరాజులు ఆలయంలో హరికథ మరియు నాటకం విలాటపర్వం

చిత్తూరు ఫస్ట్ న్యూస్ 4 యు : 

తవణంపల్లి సెప్టెంబర్ 25 తవణంపల్లి మండల పరిధిలోని మత్యం ముత్తుకూరు గ్రామంలో ద్రౌపతి సమేత ధర్మరాజు లు దేవస్థానంలో విలాటపర్వం హరికథ కాలక్షేపం  రాత్రి నాటకం విలాటపర్వం జరిగింది మత్యం ముట్కూరు చుట్టుపక్కల గ్రామస్తులు ధర్మకర్తలు ఆధ్వర్యంలో   భాగవతరిణి మధులత తిరుపతి వారిచే ఇలాంటి పురం హరికథ కాలక్షేపం రాత్రి నాటకం తవణంపల్లి మనీ  బృందం చే 20వ తేదీ నుండి రాత్రి నాటకం ప్రారంభం జరిగింది  ఇందులో భాగం 25వ తేదీ విలాటపర్వం నాటకం జరిగింది ఈనెల 27వ తేదీ దుర్యోధన వద 28 వ తేదీ అగ్నిగుండ ప్రవేశం జరుగుతుందని ఆలయ ధర్మకర్త చుట్టుపక్కల గ్రామస్తులు రామానాయుడు పాల్యం ఎం గొల్లపల్లి ఎం పై పల్లి జోగివారిపల్లి ఎగుమత్యం దిగుమత్యం బొమ్మైపల్లి ఆధ్వర్యంలో మహాభారత యజ్ఞం జరుగుతుందని ముత్తుకూరు గ్రామస్తులు  తెలిపారు

జాతీయ నులిపురుగుల నిర్మూలన కార్యక్రమం

 జాతీయ నులిపురుగుల నిర్మూలన కార్యక్రమం

చిత్తూరు ఫస్ట్ న్యూస్ 4 యు:

 తవణంపల్లి సెప్టెంబర్ 25 తవణం పల్లె ప్రాథమిక ఆరోగ్య కేంద్ర పరిధిలో గల అన్ని స్కూళ్లలో ఈరోజు అనగా 25.09.2026 తారీకు జాతీయ నులిపురుగుల నిర్మూలన కార్య క్రమం జరిగింది ఈ కార్య క్రమములో మండల విద్యా శాఖ అధికారిణి హేమలత  మండల వైద్య అధికారి డాక్టర్ టి. ప్రియాంక , అదేవిధంగా అరగొండ బాల బాలికల పాఠశాల లో పాఠశాల ప్రధానోపాధ్యాయులు  ఆధ్వర్యంలో అరగొండ గ్రామ రంజిత్ రెడ్డి , అరగొండ గ్రామ ఎగ్జిక్యూటివ్ ఆఫీసర్ సురేష్ బాబు  డాక్టర్ టి. ఎస్. మోహన వేలు   అధ్యక్షతన ఈ కార్యక్రమం నిర్వహించడ మైనది ఈ కార్యక్రమంలో మండలములో 19 సంవత్సరాల లోపు మొత్తము పిల్లలు  8233 మంది పిల్లలకు గాను 7696 మందికి అనగా 94% శాతము ఈరోజు ఆల్బెండజోల్ మాత్రలను పిల్లకు ఇవ్వడం జరిగిందని మిగిలిన వారికి అక్టోబర్ 5 వ తారీకున ఆల్బెండజోల్ మాత్రలు ఇవ్వడం జరుగుతుంది. ఈ కార్య క్రమములో   సి హెచ్ ఓ జ్ఞాన శేఖర్ ఎంపీ హెచ్ ఓ సుబ్రమణ్యం పి హెచ్ ఎన్ జీవకళ  మరియు ఆరోగ్య పర్యవేక్షకులు రాజశేఖర్ , గోపి  మరియు ఆరోగ్య కార్య కర్త టి.సుబ్రమణ్యం అన్ని సచివాలయాల ఏఎన్ఎం లు, ఎం ఎల్ హెచ్ పి లు మరియు ఆశా కార్యకర్తలు పాల్గొన్నారు

భార్యను వేధించిన కేసులో భర్తకు ఒక సంవత్సరం జైలు శిక్ష

 భార్యను వేధించిన కేసులో భర్తకు ఒక సంవత్సరం జైలు శిక్ష
లేదా రూ.1,000/- జరిమానా విధించిన గౌరవ IV AJFCM కోర్టు*

చిత్తూరు II టౌన్ పోలీస్ స్టేషన్ పరిధిలో భార్యను శారీరకంగా, మానసికంగా వేధించడంతో పాటు కత్తితో దాడికి యత్నించి, హత్య చేస్తానంటూ బెదిరించిన కేసులో నిందితుడిని న్యాయస్థానం దోషిగా నిర్ధారించి శిక్ష విధించింది.

చిత్తూరు ఫస్ట్ న్యూస్ 4 యు 

చిత్తూరు పట్టణంలోని సంతపేట, ఓల్డ్ బ్రాహ్మిన్ స్ట్రీట్‌కు చెందిన వి. మౌనిక (25) తన భర్త కె. శరవణ తనను శారీరకంగా, మానసికంగా వేధిస్తున్నాడని ఫిర్యాదు చేయడంతో చిత్తూరు II టౌన్ పోలీస్ స్టేషన్‌లో Cr.No.41/2024 U/s 498(A), 323, 506 IPC కింద కేసు నమోదు చేశారు.

కేసు దర్యాప్తులో భాగంగా, 05-02-2024న మధ్యాహ్నం సుమారు 02:20 గంటలకు నిందితుడు ఫిర్యాదుదారు పనిచేస్తున్న సంతపేటలోని దేవా స్వీట్ స్టాల్ వద్దకు కత్తితో వెళ్లి ఆమెపై దాడి చేసేందుకు ప్రయత్నించినట్లు, అనంతరం ఆమెను హత్య చేస్తానంటూ బెదిరించినట్లు దర్యాప్తులో వెల్లడైంది. ఆ సమయంలో అక్కడ పనిచేస్తున్న నందిని మరియు పాయని మాస్టర్ జోక్యం చేసుకుని నిందితుడిని అక్కడి నుంచి పంపించారు.

ఈ ఘటనపై చిత్తూరు II టౌన్ పోలీసులు సమగ్ర దర్యాప్తు చేపట్టి, దర్యాప్తు పూర్తి చేసిన అనంతరం న్యాయస్థానంలో ఛార్జ్‌షీట్ దాఖలు చేశారు.

ఈ కేసు చిత్తూరులోని గౌరవ IV AJFCM కోర్టులో విచారణకు వచ్చింది. ఈరోజు కేసులో తీర్పు వెలువడగా, గౌరవ న్యాయమూర్తి శ్రీ జి. సురేష్ బాబు గారు నిందితుడిని దోషిగా నిర్ధారించి, Cr.P.C. 248(2) ప్రకారం ఒక సంవత్సరం జైలు శిక్ష లేదా రూ.1,000/- జరిమానా విధించారు.

ఈ కేసులో సమర్థవంతంగా దర్యాప్తు నిర్వహించి, నిందితుడికి శిక్ష పడేలా కృషి చేసిన చిత్తూరు II టౌన్ పోలీసులను, కేసు విచారణను నిరంతరం పర్యవేక్షించిన కోర్ట్ మానిటరింగ్ సెల్ హెడ్ కానిస్టేబుల్ శ్రీ S.K. ఖాదర్ మొహిద్దీన్ (HC-2978) గారిని, కోర్ట్ మానిటరింగ్ సెల్ ఇంచార్జ్ ఇన్స్పెక్టర్ శ్రీ మనోహర్ మరియు గౌరవ న్యాయస్థానంలో కేసును సమర్థవంతంగా వాదించిన Addl. PP శ్రీమతి సి. స్వాతి గార్లను జిల్లా ఎస్పీ శ్రీ తుషార్ డూడి, IPS గారు అభినందించారు.

రెండు ద్విచక్ర వాహనాల దొంగతనంపై కేసు నమోదు బంగారుపాళ్యం సిఐ కత్తి శ్రీనివాసులు

 రెండు ద్విచక్ర వాహనాల దొంగతనంపై కేసు నమోదు 

బంగారుపాళ్యం సిఐ కత్తి శ్రీనివాసులు 

చిత్తూరు ఫస్ట్ న్యూస్ 4 యు : 

రెండు ద్విచక్ర వాహనాలు దొంగతనం పైన ఈ బాధితుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు బంగారుపాళ్యం సిఐ కత్తి శ్రీనివాసులు తెలిపారు. ఆయన కథనం మేరకు ఈనెల 23వ తేదీన పలమనేరుకు చెందిన రమేష్ అతని భార్య ప్రమీల  బంగారుపాళ్యం నేషనల్ హైవే లోని రవి డాబా లో బయట స్కూటీ పార్కింగ్ చేసి వెళ్లి వచ్చి చూడగా స్కూటీ దొంగతనానికి గురైనట్లు నిర్ధారించుకొని బంగారుపాళ్యం పోలీస్ స్టేషన్లో ఫిర్యాదు చేసినట్లు తెలిపారు. ఈనెల 24వ తేదీన నేషనల్ హైవే లోని ఎద్దుల వారి పల్లి వద్ద ఉన్న శ్రీహరి హోటల్ ముందు హోటల్ యజమాని సీనయ్య తన బైక్ను పార్కింగ్ చేసి ఉంచగా దొంగతనానికి గురైనట్లు పోలీస్ స్టేషన్లో ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నామన్నారు.

చిత్తూరు పట్టణంలోని లక్ష్మి వెల్ నెస్ స్పా పై ఆకస్మిక దాడులు – స్పా ముసుగులో వ్యభిచారం నిర్వహిస్తున్న వ్యక్తులు.

చిత్తూరు పట్టణంలోని లక్ష్మి వెల్ నెస్ స్పా పై ఆకస్మిక దాడులు – స్పా ముసుగులో వ్యభిచారం నిర్వహిస్తున్న వ్యక్తులు.

వ్యభిచార నిర్వహణపై కేసులు నమోదు – 5 మంది మహిళలు (షెల్టర్ హోంస్ కు తరలించారు), ఒక విటుడు, స్పా సెంటర్ యజమానిని మరియు మేనేజర్ ను అదుపులోకి తీసుకున్న చిత్తూరు 1 టౌన్ ఇన్స్పెక్టర్  చిన్న పెదయ్య.

చిత్తూరు ఫస్ట్ న్యూస్ 4 యు 

చిత్తూరు జిల్లా ఎస్పీ శ్రీ తుషార్ డూడి, ఐపీఎస్ గారి ఆదేశాల మేరకు చిత్తూరు జిల్లా నందు వ్యభిచారం, అసాంఘిక కార్యకలాపాల నిర్మూలనకు ప్రత్యేక చర్యలు చేపడుతున్న నేపధ్యంలో ఈరోజు చేపట్టిన ప్రత్యేక చర్యల్లో భాగంగా, చిత్తూరు SDPO శ్రీ జె.వెంకటనారాయణ గారి పర్యవేక్షణలో చిత్తూరు వన్‌టౌన్ పోలీస్ స్టేషన్ ఇన్‌స్పెక్టర్ శ్రీ చిన్న పెద్దయ్య గారు మరియు సిబ్బందితో కలిసి పట్టణంలోని లక్ష్మి వెల్ నెస్ స్పా సెంటర్ పై ఆకస్మిక దాడులు నిర్వహించారు.

ఈ దాడుల్లో వ్యభిచార కార్యకలాపాలు నిర్వహిస్తున్నట్లు గుర్తించి 5 మంది మహిళలను, (షెల్టర్ హోం కు తరలించారు), ఒక విటుడు, స్పా సెంటర్ యజమానిని మరియు మేనేజర్ ను అదుపులోకి తీసుకున్నారు. అలాగే ఈ కార్యకలాపాలకు సహకరించిన సంబంధిత స్పా సెంటర్ యజమానులు, మేనేజర్లపై చట్టపరమైన కేసులు నమోదు చేయడం జరిగిందని ఇన్స్పెక్టర్ గారు తెలియజేసారు.

ఈ సందర్భంగా 1 టౌన్ ఇన్స్పెక్టర్ గారు మాట్లాడుతూ, చిత్తూరు జిల్లాలో వ్యభిచారం, మహిళల అక్రమ రవాణా, ఇతర అసాంఘిక కార్యకలాపాలకు పాల్పడే వారిపై ఎలాంటి రాజీ లేకుండా కఠిన చర్యలు తీసుకుంటామని హెచ్చరించారు. లాడ్జీలు, హోటళ్లు, గెస్ట్ హౌస్ యాజమాన్యాలు తమ సంస్థల్లో జరుగుతున్న కార్యకలాపాలపై పూర్తి బాధ్యత వహించాలని, చట్టవిరుద్ధ కార్యకలాపాలకు అవకాశం కల్పిస్తే యజమానులు, నిర్వాహకులపైనా కఠిన చట్టపరమైన చర్యలు తప్పవని స్పష్టం చేశారు.

ప్రజలు తమ పరిసరాల్లో అనుమానాస్పద లేదా చట్టవిరుద్ధ కార్యకలాపాలు గమనించినట్లయితే వెంటనే సమీప పోలీస్ స్టేషన్‌కు లేదా డయల్ 112కు సమాచారం అందించి పోలీసులకు సహకరించాలని విజ్ఞప్తి చేసారు.

స్థానిక ఎన్నికల్లో కూటమి విజయమే లక్ష్యం – రావూరి వెంకటస్వామి

బీజేపీ బలోపేతానికి అంకితభావంతో పని చేస్తా

*స్థానిక ఎన్నికల్లో కూటమి విజయమే లక్ష్యం

– రావూరి వెంకటస్వామి

చిత్తూరు ఫస్ట్ న్యూస్ 4 యు : 

“భారతీయ జనతా పార్టీ దేశాభివృద్ధికి, ప్రజా సంక్షేమానికి కట్టుబడిన పార్టీ. రాబోయే స్థానిక సంస్థల ఎన్నికల్లో ఉమ్మడి చిత్తూరు జిల్లా వ్యాప్తంగా బీజేపీ బలోపేతానికి, అలాగే అధికార కూటమి అభ్యర్థుల అపార విజయానికి నా వంతు శ్రమను, సహకారాన్ని అందిస్తాను” అని ప్రముఖ విద్యావేత్త, శ్రీనివాస ఎడ్యుకేషనల్ అకాడమీ అధినేత, సామాజిక వేత్త రావూరి వెంకటస్వామి స్పష్టం చేశారు. ఇటీవల విశాఖపట్నంలో బీజేపీ రాష్ట్ర అధ్యక్షులు పీవీఎన్ మాధవ్ సమక్షంలో కాషాయ కండువా కప్పుకుని బీజేపీలో చేరిన అనంతరం, శుక్రవారం చిత్తూరులో రావూరి వెంకటస్వామి మొదటిసారిగా విలేకరుల సమావేశంలో మాట్లాడారు. ఈ సందర్భంగా ఆయన పార్టీ విధానాలు, కేంద్ర-రాష్ట్ర ప్రభుత్వాల సంక్షేమ, అభివృద్ధి కార్యక్రమాలు, రాబోయే స్థానిక ఎన్నికల వ్యూహంపై సమగ్రంగా మీడియాకు వివరించారు.

నరేంద్ర మోదీ నాయకత్వంలో నవభారత నిర్మాణం

విలేకరుల సమావేశంలో రావూరి వెంకటస్వామి మాట్లాడుతూ – "నేడు గౌరవ ప్రధాని శ్రీ నరేంద్ర మోదీ నాయకత్వంలో భారత్ ప్రపంచ వేదికపై సరికొత్త శకానికి నాంది పలికింది. వికసిత్ భారత్-2047 లక్ష్యంగా కేంద్ర ప్రభుత్వం అమలు చేస్తున్న సంక్షేమ పథకాలు సమాజంలోని చివరి వ్యక్తికి కూడా ఫలాలను అందిస్తున్నాయి. ‘పీఎం కిసాన్ సమ్మాన్ నిధి’ ద్వారా దేశంలోని లక్షలాది మంది రైతులకు నేరుగా ఆర్థిక సహాయం అందుతోంది. రైతుల పంటలకు మద్దతు ధరల పెంపు, పీఎం ఫసల్ భీమా యోజన, రసాయన రహిత సేంద్రీయ వ్యవసాయానికి ప్రోత్సాహం వంటి అనేక విప్లవాత్మక నిర్ణయాలు నేడు అన్నదాతకు కొండంత అండగా నిలిచాయి. పీఎం ఆవాస్ యోజన కింద ప్రతి ఒక్కరికీ సొంతింటి కల నెరవేరడం, ఆయుష్మాన్ భారత్ ద్వారా పేదలకు ఉచిత నాణ్యమైన వైద్య సేవలు అందడం, ఉజ్వల యోజన ద్వారా ప్రతి ఇంటికీ ఉచిత గ్యాస్ కనెక్షన్లు కల్పించడం మోదీ ప్రభుత్వ పారదర్శక పాలనకు నిదర్శనం."

ఆంధ్రప్రదేశ్ అభివృద్ధికి కేంద్రం నిరంతర సహకారం

ఆంధ్రప్రదేశ్ రాష్ట్ర పునర్నిర్మాణంలో కేంద్ర హోంమంత్రి శ్రీ అమిత్ షా, ప్రధాని శ్రీ నరేంద్ర మోదీ ప్రత్యేక శ్రద్ధ చూపిస్తున్నారని రావూరి వెంకటస్వామి కొనియాడారు. ‘‘రాష్ట్రానికి జీవనాడి అయిన పోలవరం జాతీయ ప్రాజెక్టును త్వరితగతిన పూర్తి చేయడానికి కేంద్ర ప్రభుత్వం రూ. వేల కోట్ల నిధులను మంజూరు చేస్తూ సంపూర్ణ సహకారాన్ని అందిస్తోంది. అమరావతి రాజధాని నిర్మాణానికి, మౌలిక వసతుల కల్పనకు నిధుల కొరత లేకుండా కేంద్ర ప్రభుత్వం అండగా నిలుస్తోంది. రాష్ట్రంలో కొత్త రైల్వే లైన్లు, డబ్లింగ్ పనులు,  జాతీయ రహదారుల నిర్మాణం వేగవంతమయ్యాయి. విశాఖపట్నం రైల్వే జోన్ ఏర్పాటు పనులు ముమ్మరంగా సాగుతున్నాయి. భోగాపురం అంతర్జాతీయ విమానాశ్రయం అభివృద్ధి, తిరుపతి, విజయవాడ, విశాఖ విమానాశ్రయాల ఆధునీకరణ ద్వారా రాష్ట్రం రవాణా రంగంలో సరికొత్త శిఖరాలను చేరుకుంటోంది. పారిశ్రామిక కారిడార్లు, సీపోర్టులు, తయారీ రంగం అభివృద్ధికి కేంద్రం ఇస్తున్న ప్రోత్సాహం వల్ల ఎంతోమంది యువతకు ఉపాధి అవకాశాలు లభిస్తున్నాయి’’ అని చెప్పారు. 

రాష్ట్రంలో పీవీఎన్ మాధవ్ క్రియాశీలక నాయకత్వం

బీజేపీ రాష్ట్ర అధ్యక్షులు పీవీఎన్ మాధవ్ గారి నాయకత్వంలో రాష్ట్రంలో పార్టీ నూతన ఉత్సాహంతో ముందుకు సాగుతోందని రావూరి వెంకటస్వామి పేర్కొన్నారు. ప్రజల సమస్యలపై నిరంతరం పోరాడుతూ, ప్రజాదరణ పొందిన నాయకుడిగా పీవీఎన్ మాధవ్ రాష్ట్రంలో పార్టీని గ్రామ స్థాయికి తీసుకెళ్లేందుకు అహర్నిశలు కృషి చేస్తున్నారని తెలిపారు. వారి దూరదృష్టి, వ్యూహాత్మక నాయకత్వం వల్ల నాలాంటి విద్యావేత్తలు, సామాజిక కార్యకర్తలు బీజేపీ సిద్ధాంతాలకు ఆకర్షితులై పార్టీలో చేరుతున్నారని స్పష్టం చేశారు.

ఉమ్మడి చిత్తూరు జిల్లాలో కూటమి విజయమే లక్ష్యం

గతంలో కాంగ్రెస్ పార్టీ తరఫున చిత్తూరు ఎంపీ అభ్యర్థిగా పోటీ చేశానని.. ఉమ్మడి చిత్తూరు జిల్లా వ్యాప్తంగా అపారమైన ప్రజాదరణ, బలమైన సంబంధాలు ఉన్నాయని రావూరి చెప్పారు. విద్యావేత్తగా, సమాజ సేవకుడిగా తనకున్న సుదీర్ఘ అనుభవం, ప్రజలతో ఉన్న పేగుబంధం రాబోయే ఎన్నికల్లో బీజేపీకి, కూటమి విజయానికి కృషి చేస్తామన్నారు. "ఉమ్మడి చిత్తూరు జిల్లా వ్యాప్తంగా బీజేపీ శ్రేణులతో, సీనియర్ నాయకులతో కలిసికట్టుగా పనిచేసి పార్టీని క్షేత్రస్థాయిలో మరింత బలపరుస్తాను. రాబోయే స్థానిక సంస్థల ఎన్నికల్లో బీజేపీ అధిష్టానం నిర్ణయానికి కట్టుబడి, కూటమి అభ్యర్థుల భారీ విజయానికి నా శక్తివంచన లేకుండా కృషి చేస్తాను. రాష్ట్రంలో ప్రస్తుత కూటమి ప్రభుత్వం అమల్లోకి తీసుకొచ్చిన ప్రజా సంక్షేమ పథకాలు, సుపరిపాలన, అభివృద్ధి కార్యక్రమాలు ప్రజలకు ఎంతో లబ్ధి చేకూరుస్తున్నాయి. కూటమి పాలన అందిస్తున్న ఈ సుపరిపాలనను ప్రజా బాహుళ్యంలోకి మరింత బలంగా తీసుకెళ్తాం. గత ప్రభుత్వంలో మూలపడిన వ్యవస్థలను బాగుచేస్తూ, యువతకు ఉద్యోగావకాశాలు కల్పిస్తూ, సంక్షేమాన్ని-అభివృద్ధిని సమతుల్యం చేస్తూ కూటమి ప్రభుత్వం పయనిస్తోంది" అని కొనియాడారు.

కూటమి విజయమే లక్ష్యంగా ముందుకు..

మునుపటి నాయకులు, కార్యకర్తలు, శ్రేయోభిలాషులను కలుపుకొని పోతూ చిత్తూరు జిల్లాలోని ప్రతి గ్రామంలో, ప్రతి వార్డులో కూటమి జెండా ఎగురవేసేందుకు కృషి చేస్తామని రావూరి వెంకటస్వామి ప్రకటించారు. ప్రధాని నరేంద్ర మోదీ నాయకత్వంపై, పీవీఎన్ మాధవ్ గారి నాయకత్వంపై ఉన్న నమ్మకంతోనే తాను బీజేపీలోకి అడుగుపెట్టానని, పార్టీ ఇచ్చే ప్రతి బాధ్యతను క్రమశిక్షణతో నెరవేరుస్తానని ఈ సందర్భంగా ఆయన పునరుద్ఘాటించారు. ఈ సమావేశంలో స్థానిక బీజేపీ నాయకులు, కూటమి నాయకులు, రావూరి అనుచరులు, శ్రేయోభిలాషులు పాల్గొన్నారు.

ఈ నెల 28,29 తేదీలలో బాలల హక్కుల పరిరక్షణ కమిషన్ చైర్‌పర్సన్, సభ్యుల చిత్తూరు జిల్లా పర్యటన :

ఈ నెల 28,29 తేదీలలో బాలల హక్కుల పరిరక్షణ కమిషన్ చైర్‌పర్సన్, సభ్యుల చిత్తూరు జిల్లా పర్యటన : 

జిల్లా కలెక్టర్ సుమిత్ కుమార్

 *చిత్తూరు, ఫస్ట్ న్యూస్ 4 యు సెప్టెంబర్ 25:* 

ఆంధ్రప్రదేశ్ రాష్ట్ర బాలల హక్కుల పరిరక్షణ కమిషన్ (APSCPCR) గౌరవ చైర్‌పర్సన్ శ్రీ వెటుకూరి ఏ.వి.ఎస్. సూర్య నారాయణ రాజు, గౌరవ సభ్యురాలు శ్రీమతి కె.జి.వి. పద్మలత ఈ నెల 28, 29 తేదీలలో చిత్తూరు జిల్లాలో పర్యటించనున్నట్లు జిల్లా కలెక్టర్ శ్రీ సుమిత్ కుమార్ శనివారం ఒక ప్రకటనలో తెలిపారు.

ఈ పర్యటనలో భాగంగా ఈ నెల 28వ తేదీన మధ్యాహ్నం చిత్తూరు జిల్లాకు చేరుకున్న అనంతరం స్వచ్ఛంద సంస్థల ప్రతినిధులతో సమావేశం నిర్వహించనున్నారు.

 అనంతరం జిల్లాలోని గిరిజన సంక్షేమ వసతి గృహాలు, ఐసీడీఎస్ కేంద్రాలు, కేజీబీవీలు, బాలల సంరక్షణ సంస్థలు (CCIs), ప్రభుత్వ, ప్రైవేటు పాఠశాలలు, అంగన్‌వాడీ కేంద్రాలు, ఆరోగ్య కేంద్రాలను సందర్శించి బాలలకు అందుతున్న సేవలు, మౌలిక వసతులు, రక్షణ చర్యలను పరిశీలించనున్నారు. అలాగే మొక్కలు నాటే కార్యక్రమంలో పాల్గొంటారు. అనంతరం చిత్తూరులో రాత్రి బస చేస్తారు.

ఈ నెల 29వ తేదీన ఉదయం చిత్తూరు కలెక్టరేట్‌లో జిల్లా స్థాయి అధికారులతో శాఖలవారీగా సమీక్షా సమావేశం నిర్వహించనున్నారు. మహిళా అభ్యుదయ మరియు శిశు సంక్షేమ శాఖ పరిధిలో ఐసీడీఎస్, మిషన్ శక్తి, మిషన్ వాత్సల్య, బాలసదనాలు, వన్ స్టాప్ సెంటర్, శక్తి నివాస్, బేటీ బచావో–బేటీ పడావో, పోషకాహార లోపం, బాల్య వివాహాల నిరోధం తదితర అంశాలపై సమీక్ష జరగనుంది.

అదేవిధంగా జువైనల్ జస్టిస్ బోర్డు ద్వారా జువైనల్ జస్టిస్ చట్టం–2015 అమలు, బాలల పరిహారం, పునరావాసం; ఆహార భద్రత; బాలల ఆరోగ్య సేవలు, PCPNDT చట్టం అమలు; RTE చట్టంలోని 12(1)(c) ప్రకారం ప్రవేశాలు; పాఠశాలల మౌలిక వసతులు, మరుగుదొడ్లు, తాగునీటి సౌకర్యాలు; ప్రైవేటు పాఠశాలల్లో 25 శాతం కోటా అమలు; పాఠశాల బస్సుల భద్రత, ఫిట్‌నెస్, పర్మిట్లు, ఇన్సూరెన్స్; KGBVల పనితీరు తదితర అంశాలపై సంబంధిత శాఖల అధికారులతో సమీక్ష నిర్వహించనున్నారు.

సాంఘిక సంక్షేమం, బీసీ, ఎస్సీ, ఎస్టీ, మైనారిటీ సంక్షేమ శాఖల ద్వారా పిల్లలకు అందుతున్న సేవలు, బాల కార్మిక వ్యవస్థ నిర్మూలన చర్యలు, గ్రామ/వార్డు స్థాయి బాల్య వివాహాల నిరోధక కమిటీల పనితీరు, బాలల హక్కులపై అవగాహన కార్యక్రమాలు, ఆధార్ నమోదు, బయోమెట్రిక్ వివరాల నవీకరణ వంటి అంశాలను కూడా పరిశీలించనున్నారు.  పోలీసు శాఖ పరిధిలో పోక్సో చట్టం, జువైనల్ జస్టిస్ చట్టం, బీఎన్‌ఎస్ చట్టాల అమలు, రవాణా శాఖ పరిధిలో పాఠశాల విద్యార్థుల రవాణా వాహనాల ఫిట్‌నెస్, పర్మిట్, ఇన్సూరెన్స్ అంశాలు, పాఠశాలలకు సురక్షిత తాగునీటి సరఫరా, అలాగే గ్రామ, వార్డు స్థాయిలో బాలల సంక్షేమ కమిటీల ఏర్పాటు, పనితీరు తదితర అంశాలపై కూడా సమీక్షించనున్నారు. కమిషన్ చైర్‌పర్సన్, సభ్యుల పర్యటన నేపథ్యంలో సంబంధిత శాఖల అధికారులు సమన్వయంతో పనిచేసి అవసరమైన ఏర్పాట్లను ముందుగానే పూర్తి చేయాలని ఆదేశించారు.

నులిపురుగుల నిర్మూలనకు అల్బెండజోల్ మాత్రలు

నులిపురుగుల నిర్మూలనకు అల్బెండజోల్ మాత్రలు

*కార్యక్రమాన్ని ప్రారంభించిన జిల్లా విద్యాశాఖ అధికారి లక్ష్మీనారాయణ*

*చిత్తూరు, ఫస్ట్ న్యూస్ 4 యు సెప్టెంబర్ 25:

* జిల్లాలో జాతీయ నులిపురుగుల నిర్మూలన కార్యక్రమాన్ని స్థానిక  గవర్నమెంట్ హైస్కూల్ లో జిల్లా లక్ష్మీనారాయణ శుక్రవారం ప్రారంభించారు. పిల్లలచేత ఆల్బెండజోల్ మాత్రలను మ్రింగించారు.  

ఈ సందర్భంగా ఆయన మాట్లాడుతూ... 1 నుంచి 19 సంవత్సరాల వయస్సు గల బాలబాలికలందరికీ ప్రభుత్వ ఆధ్వర్యంలో ఉచితంగా అల్బెండజోల్ 400 ఎంజీ మాత్రలను అందజేస్తున్నట్లు పేర్కొన్నారు. అన్ని పాఠశాలలో మధ్యాహ్న భోజనం అనంతరం ఈ కార్యక్రమం నిర్వహించనున్నట్లు తెలిపారు. 

నులిపురుగుల కారణంగా రక్తహీనత, పోషకాహార లోపం, ఆకలి మందగించడం, నీరసం, ఆందోళన, కడుపునొప్పి, వికారం, వాంతులు, విరోచనాలు, బరువు తగ్గడం వంటి సమస్యలు తలెత్తే అవకాశం ఉందని తెలిపారు. వీటి నివారణకు ప్రతి ఆరు నెలలకు ఒకసారి అల్బెండజోల్ మాత్రను తీసుకోవాలని సూచించారు. 

డిఎంఅండ్హెచ్ఓ శశిభూషణం రెడ్డి మాట్లాడుతూ... ఆల్బెండజోల్ మాత్రల వినియోగం వల్ల రక్తహీనతను నివారించడంతో పాటు పోషకాల గ్రహణశక్తి మెరుగుపడుతుందని, చదువుపై ఏకాగ్రత, నేర్చుకునే సామర్థ్యం పెరుగుతుందని వివరించారు. జిల్లాలోని అన్ని అంగన్వాడీ కేంద్రాల ద్వారా 1 నుంచి 2 సంవత్సరాల వయస్సు గల 63,963 మంది బాలబాలికలకు అర మాత్ర, 2 నుంచి 5 సంవత్సరాల వయస్సు గల బాలబాలికలకు ఒక పూర్తి మాత్ర అందజేస్తున్నట్లు తెలిపారు. 

అలాగే ప్రభుత్వ, ప్రైవేటు పాఠశాలల్లో 6 నుంచి 19 సంవత్సరాల వయస్సు గల 2,09,245 మంది విద్యార్థులకు మాత్రలు పంపిణీ చేయనున్నట్లు పేర్కొన్నారు.

ప్రభుత్వ మరియు ప్రైవేటు ఇంటర్మీడియట్ (ఐ టి ఐ, పాలిటెక్నిక్, వొకేషనల్, నర్సింగ్) విద్యార్థులకు కూడా ఈ మాత్రలను అందజేస్తున్నట్లు తెలిపారు.

నులిపురుగుల బారిన పడకుండా ప్రతి ఒక్కరూ వ్యక్తిగత పరిశుభ్రతను పాటించాలని సూచించారు. గోళ్లను చిన్నవిగా, శుభ్రంగా ఉంచుకోవడం, శుభ్రమైన మంచినీటిని తాగడం, ఆహారాన్ని ఎప్పుడూ కప్పి ఉంచడం, బహిరంగ ప్రదేశాల్లో మల విసర్జన చేయకుండా ఉండడం, బయట తిరిగేటప్పుడు తప్పనిసరిగా చెప్పులు ధరించడం, ఆహారం తినడానికి ముందు, తిన్న తరువాత, మల విసర్జన అనంతరం చేతులను సబ్బుతో శుభ్రంగా కడుక్కోవాలని సూచించారు.

జిల్లాలో 1 నుంచి 19 సంవత్సరాల వయస్సు గల 3,10,910 మంది బాలబాలికలను గుర్తించామని, 2,102 అంగన్వాడీ కేంద్రాలు, 2,248 ప్రభుత్వ, ప్రైవేటు, ఇతర పాఠశాలలు ఉన్నట్లు తెలిపారు. డిప్యూటీ డీఈవో, సిబ్బంది ఇతర ఉపాధ్యాయులు పాల్గొన్నారు.

27 న జిల్లాస్థాయి అండర్ - 18 జూనియర్ ఖో ఖో జిల్లాస్థాయి ఎంపిక పోటీలు

 

27 న జిల్లాస్థాయి అండర్ - 18 జూనియర్ ఖో ఖో జిల్లాస్థాయి ఎంపిక పోటీలు 

- జిల్లా అధ్యక్షుడు ప్రవీణ్ , కార్యదర్శి బాలాజీ 

ఈనెల 27వ తేదీ ఆదివారం చిత్తూరు మెకానికల్ గ్రౌండ్లో మధ్యాహ్నం 3 గంటలకు చిత్తూరు జిల్లా బాలబాలికల అండర్ -18 జూనియర్స్ ఖో ఖో జిల్లాస్థాయి జట్ల ఎంపిక పోటీలు నిర్వహించబడునని చిత్తూరు ఖో ఖో సంఘం అధ్యక్షుడు ప్రవీణ్ కార్యదర్శి బాలాజీ  శుక్రవారం ఒక ప్రకటనలో తెలిపారు. ఈ సందర్భంగా వారు మాట్లాడుతూ ఈ ఎంపిక పోటీలకు 1.12.2008 తర్వాత జన్మించిన క్రీడాకారులు అర్హులు అన్నారు. ఎంపిక పోటీలకు హాజరయ్యే క్రీడాకారులు తప్పనిసరిగా పదవ తరగతి మార్క్ మెమోలు, ఆధార్ కార్డులను వెంట తీసుకుని రావాలన్నారు. క్రీడాకారుల వయస్సు ,బరువు , ఎత్తు 3 కలిపి 250 పాయింట్లు లోపల ఉండాలన్నారు. ఈ పోటీలలో ఎంపికైన క్రీడాకారులు అక్టోబర్ 16 నుండి 18 వరకు ఉమ్మడి కృష్ణాజిల్లా కంచికర్లలో నిర్వహించే రాష్ట్రస్థాయి పోటీలలో పాల్గొంటారని తెలిపారు. ఇతర వివరాలకు 7013046094 నెంబర్లను సంప్రదించాలని కోరారు.

142 మంది ట్రైనీ కానిస్టేబుళ్ల పాసింగ్ ఔట్ పరేడ్‌కు ఘనంగా రిహార్సల్స్.

*142 మంది ట్రైనీ కానిస్టేబుళ్ల పాసింగ్ ఔట్ పరేడ్‌కు ఘనంగా రిహార్సల్స్.*

*సెప్టెంబర్ 26న జిల్లా పోలీస్ ట్రైనింగ్ సెంటర్ నందు ప్రధాన పాసింగ్ ఔట్ పరేడ్*

చిత్తూరు ఫస్ట్ న్యూస్ 4 యు 

చిత్తూరు పట్టణంలోని జిల్లా పోలీస్ ట్రైనింగ్ సెంటర్ పరేడ్ మైదానంలో 2025 బ్యాచ్‌కు చెందిన 142 మంది ట్రైనీ కానిస్టేబుళ్ల పాసింగ్ ఔట్ పరేడ్‌కు సంబంధించిన రిహార్సల్స్ ఈరోజు క్రమశిక్షణాయుత వాతావరణంలో నిర్వహించారు.142 మంది సెప్టెంబర్ 26న నిర్వహించనున్న ప్రధాన పాసింగ్ ఔట్ పరేడ్‌లో పాల్గొననున్నారు. రిహార్సల్‌లో భాగంగా ట్రైనీ కానిస్టేబుళ్లు నిర్వహించిన కవాతు, మార్చ్‌పాస్ట్‌ను చిత్తూరు జిల్లా ఎస్పీ శ్రీ తుషార్ డూడి, IPS గారు పరిశీలించారు. ట్రైనీ పోలీసుల నుంచి గౌరవ వందనం స్వీకరించారు.

ప్రధాన పాసింగ్ ఔట్ పరేడ్ సందర్భంగా పాటించాల్సిన విధులు, పరేడ్ నిర్వహణ, సమన్వయం తదితర అంశాలపై సంబంధిత అధికారులకు మరియు ట్రైనీ కానిస్టేబుళ్లకు ఉన్నతాధికారులు సూచనలు చేశారు. సెప్టెంబర్ 26న జరగనున్న ప్రధాన పాసింగ్ ఔట్ పరేడ్‌కు గౌరవనీయులైన రవాణా, యువజన వ్యవహారాలు మరియు క్రీడల శాఖ మంత్రి శ్రీ మండిపల్లి రాంప్రసాద్ రెడ్డి గారు, జిల్లా కలెక్టర్ శ్రీ సుమిత్ కుమార్, ఐఏఎస్ గారు ముఖ్య అతిథులుగా హాజరు కానున్నారు. ఈ కార్యక్రమంలో అడిషనల్ ఎస్పీ అడ్మిన్ శ్రీ మహబూబ్ బాష, ఏ.ఆర్. అడిషనల్ ఎస్పీ శ్రీ దేవదాస్, డి.టి.సి డి.ఎస్పీ శ్రీ జె.రాంబాబు, ఏ.ఆర్. డి.ఎస్పీ శ్రీ రామకృష్ణ, సీఐలు, ఆర్‌ఐలు, ఆర్‌ఎస్‌ఐలు, ఇతర పోలీస్ అధికారులు మరియు సిబ్బంది పాల్గొన్నారు.

సెల్ఫోన్ మాట్లాడుతూ రైలు కిందపడి యువకుడు మృతి

 సెల్ఫోన్ మాట్లాడుతూ రైలు కిందపడి యువకుడు మృతి 

- రైల్వే ఎస్సై వెంకట నరసింహo

చిత్తూరు ఫస్ట్ న్యూస్ 4 యు 

సెల్ఫోన్ మాట్లాడుతూ రైల్వే ట్రాక్ దాటుతూ ఉండగా ఎదురుగా వచ్చిన రైలు ఢీకొట్టడంతో యువకుడు అక్కడికక్కడే మృతి చెందిన ఘటన పైన రైల్వే ఎస్సై వెంకట నరసింహం కేసు నమోదు చేసి దర్యాప్తు చేస్తున్నారు. ఆయన కథనం మేరకు బుధవారం ఉదయం సుమారు 9.30 ల ప్రాంతంలో గంగాధర నెల్లూరు నియోజకవర్గం ఎస్ ఎస్ కొండ కుప్పమ్మ పల్లి గ్రామానికి చెందిన 22 ఏళ్ల వయస్సు కలిగిన మంజు అనే యువకుడు చిత్తూరు రూరల్ మండలం సిద్ధం పల్లి వద్ద ఉన్న చిన్న బండపల్లి రైల్వే ట్రాక్ పైన సెల్ఫోన్ మాట్లాడుతూ ట్రాక్ దాటేందుకు ప్రయత్నించగా ఎదురుగా వచ్చిన ట్రైన్ ఢీకొట్టడంతో అక్కడికక్కడే మృతి చెందాడు. స్థానికుల సమాచారం మేరకు ఉదయం 11 గంటల ప్రాంతంలో రైల్వే ఎస్సై వెంకట నరసింహం తన బృందంతో సంఘటనా స్థలానికి చేరుకొని మృతదేహాన్ని చిత్తూరు ప్రభుత్వ ఆసుపత్రికి తరలించారు. రేపు ఉదయం మృతదేహానికి పంచనామా నిర్వహించి అతని కుటుంబ సభ్యులకు అప్పగించే అవకాశం ఉంది. ఈ సందర్భంగా ఎస్సై వెంకటనారాయణ నగర ప్రజలకు విజ్ఞప్తి చేస్తూ రైల్వే ట్రాక్ వద్ద ఎవరు కూడా అనవసరంగా తిరగడం గాని ఇతర కాలక్షేపం పనులు చేయరాదని సూచించారు. రైల్వే ట్రాక్ పైన పని మీద వచ్చే వారు తప్పనిసరిగా అప్రమత్తత పాటించాలని సూచించారు.